好攰要抖大氣呀

29 July 09 朝早, 媽媽返左工, 爸爸又同 Isaac仔玩轉身, 好搞笑呀, 最後阿B好似好攰咁, 一副抖大氣既樣.

warm up 完

27 July 09 忽然興起, 媽媽點左爸爸去citybaby買左費雪牌的三合一比Issac, 一返到去, 爸爸媽媽飯都唔食, 即刻砌好個玩具抱Issac去玩. 不過好明顯, Isaac 係要時間warm up的....你睇佢幾驚咁, 係咁掘住隻甲蟲仲要皺埋眉

28 July 09 呢日媽媽又要返學, 無幫 BB 影相. 呢張超大頭相係 EE 幫 BB 影的. 爸爸笑說是BB嘔白泡.

29 July 09 晨早媽咪又返左工啦, 爸爸同 Isaac仔玩三合一, Isaac仲有係點驚驚咁....不過比起之前一日, 就好左好多了

到夜晚, 媽媽抱 Isaac 去玩, Isaac 係咁捉實其中一件玩具~~~~黎食喎.  而唔係玩.

睇下Isaac既表情鬆容度, 就知 Isaac都係enjoy 瞓係自己床仔玩氹氹轉....就係young到成個身掉轉左仲fing埋腳仔出去床欄.

又一進步

24 July 09 自從媽媽不理會手痛, 都幫 Isaac 仔試下轉身後. Isaac仔呢幾日, 都開始自己好努力咁想轉身啦....仲比daddy影到張側身肥仔相 tim

25 July 09 難得影到一張唔望鏡頭, 又正正經經既相呀.

26 July 09 Issac呢日好努力好努力咁自己學轉身呀, 不斷咁發出er er 聲...睇見佢真辛苦. 努力呀Isaac仔.

玩完轉身, 瞓返係床仔hea下, 大字形瞓, 好大爺呀. 仲隊埋隻腳仔出床尾.

Isaac仔而家仲識用手拎野呀, 進步左好多啦.

媽媽愛你呀 Isaac仔.

整古做怪

21 July09

 Isaac 示範乜野叫做三潤腸.

22 July 09

跟住又搞到自己好似斷左隻左手咁.

跟住再黎大爺嘆世界

23 July 09 呢日終於正常返, 似返媽媽個餅印

好動 Isaac

19 July 09 Issac 學行路???

21 July 09 Issac 坐唔定呀....

爸爸話 Isaac 識數日子喎

19 July 09 晨咁早, Isaac表演呃人技倆~~~~拎住奶咀黎食手手

 Isaac: 媽咪, 點解會比你識穿左既~~~

下午, 媽媽和爸爸去左睇哈利波特, 掉低 Isaac 留返 EE湊. 點知 EE話 BB唔知點解, 平時好聽話的, 就算喊, 見到有人理佢都會收聲. 但呢日, 就喊到好惡好嬲咁. 唔比EE行開喎.

唔通學爸爸話, Isaac好叻仔, 識得數日子, 知道呢日係周日, 點解爸爸媽媽 pei 低佢, 兩個人自己出左街街???

20 July 09 爸爸話bb瞓左枕頭, 唔會young喎....你睇, 瞓住個枕頭, 都young到打橫瞓, 仲成個大爺咁呀

肌肉人Isaac

17 July 09, 媽媽放學返到屋企, Isaac已經找左周公, 真係無陰公.....又見唔到bb了.

18 July 09 周六放工返到屋企, 餵完奶奶和爸爸和Isaac仔一齊玩下, 今次除左玩趴低外, 仲玩埋企係身tim. Isaac好enjoy 企係到架.

沖完涼涼, 仲學人扮舉重show 肌肉呀~~~哈哈哈

一臉無奈

@17 July 09, 媽媽在返學, 爸爸幫手錄低比媽媽放學返屋企睇, 多謝爸爸.

不過, Isaac 明顯一臉無奈.

找不同之處

唔知大家睇唔睇到Isaac係張床上面個幾張相, 有乜野唔同呢.

15 July 09 Isaac: 媽咪, 你又咁早返工啦?

16 July 09 Isaac: 邊個夠胆影我呀, 等我怒啤佢先...

Isaac: 我young

 就係鐘意係床上面圍住咁young, 360度咁young完後, bb 終於瞓著左了.

我的愛人

12 July 09

 媽咪: BB, 你做乜一副含羞答答既樣呀, 想引死媽咪咩

13 July 09

 囝囝個下巴越來越尖, 似足媽咪吖~~~~媽咪真係好想咀你一啖.

14 July 09

媽咪呢日放學返到屋企, Isaac已經睡魔急call, 好在爸爸有幫BB影相姐.

媽媽發覺自己越來越愛Isaac啦, 已經去到不能自拔的地步, 呵呵呵. 以前口講明白做人父母愛自己仔女. 原來真係未生過仔女, 係體會唔到個種愛子心切既感覺架.

三個月喇

兩個月零廿八日:

兩個月零廿九日:

三個月:

 

Isaac: 媽咪, 辛苦你啦, 我終於三個月啦.

 Isaac: 我條頸仔好有力架啦.

Isaac: 我又識咁樣喎, 係咪撐到好高呢個身.

Isaac: 媽咪, 我仲坐得好穏架, 同以前唔同架啦.

面皮十丈厚

媽媽越來越厚面皮, 是因為囝囝的緣故. 原來母愛既偉大, 真係可以改變人架喎~~~(又讚下自己先)

厚面皮因為, 媽媽返學前, 要找地方泵奶比囝囝. 試過去翔龍灣個無鎖既換片室, 仲要比清潔阿嬸狂開門黎騷擾, 仲要過份到企係媽媽身旁 "裝" 媽媽泵奶.

又試過去尖沙咀sogo, 原來仲dirty過翔龍灣. 仲要係換片室而已, 無鎖之餘仲要係磨砂玻璃門~~~唉, 為左阿仔, 唯有照泵奶. 不過又比清潔阿嬸白眼.

厚面皮到, 有次迫於無奈, 因時間關係, 走上爸爸公司, 係幾個男同事仲未放工情況下, 入左全透明玻璃房的conference room泵奶....雖然有布條"窗簾"拉埋.  嘩, 如果係以前, 我真係唔會咁做.

前晚, 又再厚面皮, 胆粗粗打電話問返學間學校, 可唔可以借個課室我泵奶~~~仲要同佢講, 我係泵奶. 對方係電話聽到, 係到笑. 唉, 無法, 為左阿仔, 真係乜都要試. 於是, 第一次找到個真係舒舒服服無人打擾既地方, 係放工後泵奶啦

(課室一隅)呢個就係我每日既走佬袋, 同事問親咁大個袋既, 我會話: 返鄉下吖嘛

仲有, 運奶用既冰袋(右), 同未買冰袋前, 用既保温瓶, size 差好遠. 所以索性買冰袋運奶算.

兩個月零廿五日:

 Isaac: 爸爸你做乜咁夜至返黎呀.我唔鐘意你咁遲返呀.

兩個月零廿六日:

晨早餵完奶, 要趕住飛返公司九點前再泵多一次, 所以好趕住走. 臨走前, 同仔仔say bye bye. Isaac仔竟然好開心咁.

Isaac: 媽咪, 你放心啦, 我會好乖架喇.

點知, 到食奶個時, 變左咁.

Isaac: 好野, 有得去街街, 咁我唔喊喇.

兩個月零廿七日: Isaac仔晨早醒左呀, 不過無即刻嘈要食奶, 好聽話, 但係就young走哂被被囉.

Isaac跳舞呀

媽咪: Isaac, 你做乜咁興奮擰黎擰去呀, 你跳緊舞呀?

可惜, 一如以往, Isaac仔望到鏡頭後, 即刻又變返乖乖唔郁.

跳舞既BB?

兩個月零廿一日:

塊面仔越來越四方.

兩個月零廿二日:

 Isaac: 早晨呀媽咪, 我岩岩食飽左好想瞓呀.

兩個月零廿三日: 去左痰罐poo poo

兩個月零廿四日:

 Isaac: 媽咪, 等我表演d野比你睇下.

呢個係我新創既舞步呀

最重要係最後個下, 手腳都要分開架喎.

係咪好簡單呢.