Isaac 舊照

嘩嘩嘩，呢張相呢⋯⋯耐到不得了。媽媽最近先收返幾年前既相。呢張應該係三年前（2013)既新年照了。話說我地齊齊上去蚊姨姨屋企新成員。話咁快，相中既小朋友都長大了好多呀。

呢張相仲耐。哈哈哈，呢張相係2011年架啦，地點係媽媽以前既舊居，幫Isaac 同學仔BOOK場BBQ搞 XMAS P。當時大家仲係兩歲，叫影相，幾咁定。而家？好難LU。

同同學仔玩到傻哂既Isaac，地點係媽媽以前舊居既會所。我地搬走左，就無再玩LU。

2012年復活節假期。媽媽帶住兩個小朋友同KINGS去綠田園。手抱既BB，就係今日美少女Claire。睇下Isaac 當時，幾咁定。

Isaac: 我地四個人，一齊坐船餵魚魚呀。

 剛滿三歲既小朋友，原來係好和諧，唔會爭既。

估唔到媽媽剪到個頭咁短⋯⋯好似又幾好睇喎。

Claire: 係咩？咁我呢⋯⋯

好記得當日係平日，綠田園幾乎乜都無開，悶到爆。好在呢兩個小朋友仲細，餵下魚都好夠開心。

Isaac: 媽咪，我第一次餵魚咋⋯⋯

 睇返呢張相，雖然照顧兩個幼兒係好泥HEA，不過，心情卻很好⋯⋯至少好過今日由朝比人激到晚。嘔血咁滯。

之後，再陪Isaac 坐下機動車。而家你想同佢一齊坐？好難囉。

Isaac: 我仲係細吖嘛⋯⋯

等車期間，蚊姨姨話同Isaac 合照。好可愛呀⋯⋯果然幼童係可愛D。

Isaac: 我夠唔夠正經？

呢兩個小朋友由細識到大，不過身型開始隨著年紀漸長，有差距。

Isaac: 我想睇下呢D係乜野菜。

 當時細細個，我地成日跟蚊姨姨去濕地玩。呢兩個小朋友，最鐘意係向呢個位照相。

連放腳位都要咁一致，當時呢兩個應該都係FRIEND到無朋友了。不過大左，大家讀唔同學校，開始少見少玩。好似有點疏遠。

玩沙玩水

25 Mar 14 呢日媽媽唔駛返PT， 見天氣咁好又熱熱地， 不如下午去下沙灘。估唔到兩兄妹拿拿聲做哂功課， 起程出發， 超級興奮。

開心到不停整古做怪， Isaac 你想點？

Isaac: 咁我正經比你睇喇。

次次去沙灘， 我地唔係去游水， 而係去玩沙。適逢平日， 大家返工返學， 個沙灘係無人既， 正～～～有既只係內地人。真奇怪， 黎呢度觀光或者玩沙。唔通佢地全部唔駛返工既？

Isaac: 係呀， 我隔離個幾個咪係內地人囉。可能佢地爸爸媽媽都咁岩平日放假呢！

Isaac: 唔好理咁多啦， 至緊要我地自己玩得開心。

Isaac: 睇下！ 我成手都係沙呀！

跟住後黎玩到成腳都係沙， 冚實自己對腳。

去沙灘玩沙梗係要玩埋水。兩兄妹不知幾咁HYPER， 不停落水去打水。

Isaac: 嘩， 阿妹， 要小心呀。一陣沖左你落海呀～～～

Isaac 其實天生都係一個好哥哥黎。無時無刻都好照顧妹妹。係學校又照顧其它小朋友。媽媽真係老懷安慰。

Isaac: 等哥哥拖實你至好落水踩水呀！

Isaac: 咁熱， 真係玩下水會舒服好多。

Isaac: 媽咪， 睇下我！ 我唔驚架， 一個人踢水都得架。

Isaac: 見你影得咁辛苦， 不如我企定定比你影啦！

鐘意玩沙玩水不過唔鐘意學游水。媽媽希望你今年暑假真係可以的起心肝試下游水， 咁就好了。

第一次對外英文講故事比賽

22 Mar 14 呢日， 係Isaac 人生中第一次對外表演英文講故事。姑勿論結果如何， 媽媽諗返， 其實Isaac 好叻仔架啦， 咁多人前講自己抗拒唔識既英文喎。有個叫做優異奬都好好了。仲可以要求D 乜呢？

當日表現(按此）

見Isaac 咁聽話， 比賽完後， 我地去左反斗城探左一陣玩具， 就出發去接爸爸放工。咁岩商場有活動， Isaac 又可以趁機玩下放鬆下。

大個仔左既 Isaac, 玩起上黎都真係已經唔似一個幼童。反而似小學生咁。好似跟住去到爸爸公司， 又走去扮老師問問題。真係老人精黎。

黎緊， Isaac 都仲有兩次英文講故事比賽， 希望吸收左今次一役， Isaac 同媽媽都學識點樣可以做得更好啦。

扮船長之生日會

16 Mar 14 又係時候去生日會了。都唔係好明， 係咁岩Isaac 同學仔興搞生日會吖， 定係而家媽媽無返工， 識左Isaac 同學仔媽咪， 所以成日都有生日會呢？ 好似呢一年加加埋埋， 我地差唔多個個月都去一次。好在每次Isaac 都好開心姐。

今次係同學仔CASEY生日。CASEY媽媽好有心機， 為各小朋友準備好小手工。早去既小朋友， 可以專心咁做自己獨一無二既生日帽。不過媽媽好有信心都好放心， 所以百分百放手無幫手做。

其實做父母要信得過仔女至得架嘛。做呢D 小手工都要落手落腳幫手， 咁佢地咪會越來越倚賴囉。

除左小手工， 各大小朋友仲可以專心咁坐係度睇電視， 大家睇到眼都唔眨。

Isaac 等左好耐，都未可以出去玩PLAYGROUND。塊面寫滿左不耐煩。影合照都無乜表情。

稍為有少少表情， 就係完哂集體遊戲（其實Isaac 全程呢埋唔玩囉。又唔肯同小主角壽星仔影相， 真唔比面），主角分回禮時， Isaac 至有丁點兒笑容。

Isaac: 媽咪， 呢隻熊仔靚唔靚呀？

 連個回禮汽球縛住隻熊都襯埋色， 媽媽真係服左CASEY媽咪。

嘩， 終於放監了。可以出去玩了。睇下Isaac 即時笑容滿面，同之前呆呆的樣子， 判若兩人。

唔知點解， 呢日Isaac 好鐘意扮渣船船。

渣完上邊又落下層渣。

Isaac: 我要望清楚有無海盗先

Isaac: 嘩， 個度有海盗黎緊呀～～～

Isaac: 等我落去打海盗先～～～唏～～～

Isaac: 壞人已經比我打死左喇， 你地快D上船啦！

YO YO： Isaac 呀， 點解你咁勁， 可以打死哂壞人既？
Isaac: 唔， 呢個係秘密黎架喎。