又轉身

10 Aug 09 Isaac 自從識轉身後, 最開心的時間, 就係轉身了

 Isaac: 媽咪, 你點知架?

Isaac: 媽咪, 你睇下我叻唔叻?

Isaac: 快d讚我叻仔啦.

次次轉到身, Isaac都一面興奮, 跟住聽到我地讚佢叻仔, Isaac仲會好開心咁笑架.

不停轉身

8 Aug 09 Isaac 好活躍呀, 成個下午都唔瞓覺, 難為媽媽想休息下都唔得. 因為 Isaac已經唔停咁轉身, 幫佢反返轉要佢瞓平啦, 佢跟住又即刻轉身.

不過 Isaac 好叻仔啦, 可以自己轉身仲可以撐住自己好耐架, 手仔同腰都好夠力.

玩完轉身又玩謝媽媽後(要企係床邊怕佢無力嘛), 媽媽索性塞個公仔比Isaac啦, Isaac都好鐘意呢隻熊仔, 因為有音樂, 佢覺得好神奇架. 次次喊親, 一拎隻熊仔播音樂比Isaac聽, Isaac就會定睛望住了.

9 Aug 09 呢日爸爸媽媽都打敗仗, 不過Isaac就好精神, 繼續成日都玩轉身. 搞到媽媽爸爸就不停要抱返佢瞓低....跟住又轉....又要抱佢瞓低.

夜晚, 因為周六打了肺鏈, Isaac開始有少少燒. 仲無啦啦大喊, 真係陰公了, 好在好快無事了.

新睡姿

首先要說明一下, 點解 Isaac仔好似日日都著住件青蛙衫呢.

其實係日日都有洗衫架, 每日下午都會洗衫, 咁婆婆又懶喎, 第二朝沖完涼就收返掛緊既衫, 所以搞到 Isaac仔好似日日都係著青蛙衫.

6 Aug09 晨早 Isaac仔就表演勺鑽睡姿.

一隻手扶住床欄, 對腳就掠上床欄......點瞓得著架阿仔.

7 Aug 09 Isaac又玩反身呀. 佢越來越鐘意自己玩轉身多過玩具了.

游乾水

4 Aug 09 Isaac: 媽咪今日又返學, 我好掛住媽咪呀

5 Aug 09 呢日唔駛返學, 陪 Isaac仔玩, 佢最鐘意就係young 手young 腳, 連趴係度都要young, 好似游緊水咁

男定女

2 Aug 09 爸爸幫Isaac扮青蛙仔, 點知變左似囡囡

呢個角度望, 好淑女feel呀

可惜唔駛幾分鐘, Isaac的大爺性格又出哂黎, 唉, 掠起對腳, 大刹風景, 一點都唔似女仔了.

3 Aug 09 Isaac好明顯好唔開心, 因為成日比大人玩呀, 今日又扮鴨仔.

Isaac都無我地咁好氣, 索性唔望鏡頭, 罷工呀佢. 自己食手手唔理我地.

戰績

30 July 09

呢日Isaac著左件對胸衫, 係咁扯, 幾驚佢扯甩衫鈕攞黎食.

31 July 09

晨早, 阿B就瞓到咁, 好高難度呢.

Isaac: hm....媽咪今日放工又去返學陪唔到我, 等我諗下明天點整古佢先.....

1 Aug 09

 Isaac: 好悶呀, 等我裝下出面有乜野睇先.

 Isaac: 點解咁裝出黎, 都見到媽咪既....

比Isaac兩邊床圍都裝下, 一抱起佢, 張床變左咁.....好似同你拆床咁呀.

好攰要抖大氣呀

29 July 09 朝早, 媽媽返左工, 爸爸又同 Isaac仔玩轉身, 好搞笑呀, 最後阿B好似好攰咁, 一副抖大氣既樣.

warm up 完

27 July 09 忽然興起, 媽媽點左爸爸去citybaby買左費雪牌的三合一比Issac, 一返到去, 爸爸媽媽飯都唔食, 即刻砌好個玩具抱Issac去玩. 不過好明顯, Isaac 係要時間warm up的....你睇佢幾驚咁, 係咁掘住隻甲蟲仲要皺埋眉

28 July 09 呢日媽媽又要返學, 無幫 BB 影相. 呢張超大頭相係 EE 幫 BB 影的. 爸爸笑說是BB嘔白泡.

29 July 09 晨早媽咪又返左工啦, 爸爸同 Isaac仔玩三合一, Isaac仲有係點驚驚咁....不過比起之前一日, 就好左好多了

到夜晚, 媽媽抱 Isaac 去玩, Isaac 係咁捉實其中一件玩具~~~~黎食喎.  而唔係玩.

睇下Isaac既表情鬆容度, 就知 Isaac都係enjoy 瞓係自己床仔玩氹氹轉....就係young到成個身掉轉左仲fing埋腳仔出去床欄.

又一進步

24 July 09 自從媽媽不理會手痛, 都幫 Isaac 仔試下轉身後. Isaac仔呢幾日, 都開始自己好努力咁想轉身啦....仲比daddy影到張側身肥仔相 tim

25 July 09 難得影到一張唔望鏡頭, 又正正經經既相呀.

26 July 09 Issac呢日好努力好努力咁自己學轉身呀, 不斷咁發出er er 聲...睇見佢真辛苦. 努力呀Isaac仔.

玩完轉身, 瞓返係床仔hea下, 大字形瞓, 好大爺呀. 仲隊埋隻腳仔出床尾.

Isaac仔而家仲識用手拎野呀, 進步左好多啦.

媽媽愛你呀 Isaac仔.

整古做怪

21 July09

 Isaac 示範乜野叫做三潤腸.

22 July 09

跟住又搞到自己好似斷左隻左手咁.

跟住再黎大爺嘆世界

23 July 09 呢日終於正常返, 似返媽媽個餅印

好動 Isaac

19 July 09 Issac 學行路???

21 July 09 Issac 坐唔定呀....

爸爸話 Isaac 識數日子喎

19 July 09 晨咁早, Isaac表演呃人技倆~~~~拎住奶咀黎食手手

 Isaac: 媽咪, 點解會比你識穿左既~~~

下午, 媽媽和爸爸去左睇哈利波特, 掉低 Isaac 留返 EE湊. 點知 EE話 BB唔知點解, 平時好聽話的, 就算喊, 見到有人理佢都會收聲. 但呢日, 就喊到好惡好嬲咁. 唔比EE行開喎.

唔通學爸爸話, Isaac好叻仔, 識得數日子, 知道呢日係周日, 點解爸爸媽媽 pei 低佢, 兩個人自己出左街街???

20 July 09 爸爸話bb瞓左枕頭, 唔會young喎....你睇, 瞓住個枕頭, 都young到打橫瞓, 仲成個大爺咁呀

肌肉人Isaac

17 July 09, 媽媽放學返到屋企, Isaac已經找左周公, 真係無陰公.....又見唔到bb了.

18 July 09 周六放工返到屋企, 餵完奶奶和爸爸和Isaac仔一齊玩下, 今次除左玩趴低外, 仲玩埋企係身tim. Isaac好enjoy 企係到架.

沖完涼涼, 仲學人扮舉重show 肌肉呀~~~哈哈哈

一臉無奈

@17 July 09, 媽媽在返學, 爸爸幫手錄低比媽媽放學返屋企睇, 多謝爸爸.

不過, Isaac 明顯一臉無奈.

找不同之處

唔知大家睇唔睇到Isaac係張床上面個幾張相, 有乜野唔同呢.

15 July 09 Isaac: 媽咪, 你又咁早返工啦?

16 July 09 Isaac: 邊個夠胆影我呀, 等我怒啤佢先...

Isaac: 我young

 就係鐘意係床上面圍住咁young, 360度咁young完後, bb 終於瞓著左了.