5 Nov 09 呢日, 一家三口搬屋. 媽媽晨早餵完奶奶就揹一個大背包再加一個大手袋再推埋裝滿哂野既 BB 車, 同 Isaac 去新屋, 匿埋係大房先. 爸爸就等搬運公司搬屋來.
一去到新屋, Isaac 居然唔駛warm up, 好活潑咁係大床爬黎爬去. 可能無陌生人, 所以唔駛warm up....之前以為出街去到有地墊佢都唔郁, 仲以為佢要warm up tim.
著住跳跳虎的 Isaac 入新居了.
等到好悶, 都係比件玩具 Isaac 玩下, 好在媽媽夠醒目, 揹埋玩具去, 唔pack 入箱.
就係爸爸抵達後, 媽媽諗住開始unpack 啦, 擰轉身開返架 BB 車, Isaac 就鬼咁快已經跌左落地, 好陰公呀......但 Isaac 好似唔痛咁無喊. 媽媽開始懷疑, Isaac 會唔會係無乜痛知覺既呢, 連打針都唔喊喎..........如果真係, 咁就慘了, 因為第時整傷左, 唔識喊, 我地大人唔知架喎.
6 Nov 09 呢張梳化, Isaac坐左落去, 顯得張梳化好大張咁. Isaac 又坐得好鬼老積, 坐親呢張梳化都成個大爺咁.
多謝爸爸咁辛苦做左清潔工咁多日, 為左媽媽同 Isaac仔可以一搬入去就住得. Isaac希望你鐘意呢間屋啦.
1 Nov 09 天氣開始涼, 媽媽終於可以比 Isaac 著造型衫了. 呢日扮下牛牛....咁 Isaac 又真係牛仔黎架喎
2 Nov 09 呢日咁岩返風, 晨早食完奶仲可以笠埋頂帽, 唔怕比風吹親.
放工返到去, Isaac 又例牌嗲媽媽, 做足戲喊哂眼淚都出埋.......成功被抱, 一副奸笑樣shown 哂出黎
其實呢日都有條好得意既褲仔架.....幾可愛個pat pat.
3 Nov 09 好陰公, 呢日 Isaac 塊面發作得好勁, 可能係佢係咁lam 床欄跟住又成塊面捽埋去, 足之好似兩塊面爛左咁.
4 Nov 09
31 Oct 09 呢日好忙, 因為媽媽要 ot, 爸爸又要返工, 又要搬屋.....
不過都無阻爸爸媽媽出去食飯, 紀念一下相識十一周年....
臨食飯前, 同blog友車仔見下面先...
Isaac: ee, 你係邊位呀....我未見過你既
車仔成程掛住食手手....真係好好味既姐.
搬完大件傢俱, 一家三口出到深井揾地方食飯....揾到間係後街既David餐廳...無乜人喎...
好home made feel 的David 餐廳.....呢個蒜蓉包最正, 好脆.
好多饀料的粟米雞湯......不過好普通.
大蝦沙律
芝士蟹肉濶條面, 好乾身, 無汁. 差.
銀雪魚
80大元散叫了一客骨.....三條都好大舊, 算抵. 底下的薯條好香好脆.
甜品係芒果布甸, 額係食到旦黃香味喎.
蜜桃豆腐
雖然係深井食, 但呢餐好貴..........四百元大洋...加埋parking, 噢~~~~~~
希望一家三口, 以後年年都可以一齊慶祝啦.
27 Oct 09 呢朝 Isaac 好靜喎, 係咁趴係度-----原來賴左poo poo, 好臭呀. 食左粥仔後, poo poo 仲臭過大人呀.
28 Oct 09 晨早未瞓醒既樣.
29 Oct 09 等 ee 餵粥仔開餐樣. 有時望落個樣幾純架, 一 d 都唔似百厭星.
你睇幾聽話, 啖啖食架.
30 Oct 09 呢輪 Isaac 見到張凳仔, 就發狂. 呢朝就比佢埋凳仔先, 睇佢想點.
Isaac: 媽咪, 我示範比你睇, 我點坐凳仔吖.
經過一輪好辛苦的 e e ai ai 後, Isaac 終於企到起身.
但係要點至可以轉到身坐係凳仔呢....
Isaac: 媽咪, 我唔識呀......不過我好努力撐左自己企起身架啦.....我叻唔叻
媽咪爸爸: Isaac 好叻叻呀, 唔緊要, 下次再黎過.
25 Oct 09 呢日同 Isaac 飛的去紅磡, 參加bk 四月份bb的半歲生日會.
會場留倩影先. 好似好grand咁喎個background
媽媽: Isaac, 呢個叫做ball ball, yellow 黃色呀....Isaac: 好悶呀, 咁大個ball我都唔識玩架啦.
爸爸: Isaac: 等爸爸同你影返張生日相啦.
Isaac: 做乜d大人係要的我同其它bb一齊影相既呢.... Nathan: 係囉, 我都好無奈呀, 你睇我企到雞手鴨腳咁, 我好驚架咋, 仲要我企喎.
Isaac: 又一無奈合照...唉Zac: 咪咁啦, 都要比面d 大人架啦, 快d捉住我隻手啦, 扮下friend 先啦.
Isaac: 哦, 原來呢個ball係咁玩既...
Isaac: 魔鬼可穎, 你個ball好似好玩d喎, 快d 落黎比我玩下
Isaac: 其實都唔係咁好玩既姐.....點解爸爸仲開心過我既...
Isaac: 做乜放我剩低我一個人係張梳發到呀........
去完生日會, 我地仲好忙, 要迫巴士去表哥到拎網床. 坐巴士個半個鐘車程, Isaac簡直係無時停, 好似pat pat有牙咁, 周身郁.要郁到挨係到至安樂....
Isaac: 先黎一隻天蠶腳.再黎多隻....舒服哂, 都係咁浪住對腳最舒服
去到表哥屋企, 又比大人的住影合照.
表哥: 仲乜要同佢影姐....我唔影呀 Isaac: 我都唔想同你影呀, 都唔識你, 我扮副嬲樣先...
Isaac比婕婆捉左落網床....我地好似睇金魚缸咁
