生日旦糕~~~話係全澳門最好味既旦糕

今年生日, 媽媽無做野, 一切從簡. 爸爸話叫媽媽book枱食飯, 不過我地要節流喎, 所以, 都係求其去食元氣算啦.

咁岩爸爸要去澳門做野, 事前爸爸仲口口聲聲話訂左個全澳門最好食既云石旦糕比媽媽做生日旦糕. 點知爸爸一黎到~~~~~嘩, 我印象中, 好似未試過買旦糕係用膠袋裝架.



返到屋企, 遁例點下蠟燭

既然係全澳日最好食既云石旦糕, 一家人都好期待啦. 點知~~~~妹妹食左一啖, 就拒食.....哥哥食左一啖, 皺哂眉頭......話好飽喎食囉喎....媽媽覺得係食緊一舊又實又無味既野.......爸爸真好, 切左一舊後, 咁長既云石旦糕, 就再無掂過了.

之後幾天, 媽媽係咁氹兩兄妹食, 佢兩個一啖都唔肯再食. 嘩, 母愛偉大原來係咁~~~做左垃圾桶.

 

爸爸牛一

呢日係爸爸牛一, 亦都係仔仔開學日, 爸爸奉旨請假一天. 真係難得呀, 有幾何爸爸生日會請假吖. 阿仔真係大.

晨早同仔仔返學校.

 媽媽就趕頭趕命返屋企拎旦糕, 跟住仲要仆返學校接兩父子放學. 放左學, 爸爸仲話要同阿仔睇下海喎, 忽然呢個情景好似好温馨咁, 所以即刻影低.

返到屋企, 呃左爸爸同阿仔去沖涼, 媽媽即刻拎個旦糕出黎做SURPRISE. 媽媽之前諗住訂一個全家福既旦糕比爸爸, 但諗諗下又好ON居, 無理由一刀切開自己一家仲要食埋落肚架嘛. 又想特別, 卒之都係訂返3D旦糕啦, 但揾左好多間都無乜特別款式, 後黎係網見到NATALIE 整既3D真係好有心思同埋好DETAIL, 所以同NATALIE 訂左一個旦糕. 媽媽最鐘意係NATALIE 可以TAILOR MADE 一個貼身既TOPIC, 咁就更加似訂造一個生日旦糕啦.

因為爸爸鐘意打藍球, 所以媽媽叫NATALIE 造一個藍球造型既旦糕

有埋名同歲數架.

仲有前面對鞋, 係媽媽特別要求加上去既, 係參考爸爸其中一對藍球鞋黎整架

媽媽真係好佩服NATALIE 既手工, 你睇對鞋既白色DETAIL 都可以整埋出黎. 抵比佢賺錢既.

兩磅旦糕既立面.

兩年前都訂過3D旦糕, 食過怕怕, CREAM多到不得了. 爸爸以為呢個都係食CREAM啦, 殊不知一切開, 嘩, 好驚喜呀

無CREAM架裡邊, 正呀. 食到飽一飽, 係我地呢日既LUNCH黎.

值得一提既係, 價錢一樣, 但可以選粟子做餡. 媽媽係粟子痴, 梗係選粟子啦. 希望爸爸唔好介意呢樣啦.

真係特別係度力讚NATALIE, 媽媽下次一定會再幫襯佢的. 等我係度幫佢賣下廣告先, NATALIE 既BLOG:

http://blog.yahoo.com/_SDF2XW7PWCXVKDLOHJYVNL4W5E/articles/13081

結婚五週年

呢日係爸爸媽媽結婚五週年。吖， 咁岩呢日天氣同個日一樣， 忽然好陰涼好凍又有幾陣雨喎。

今日爸爸要開工， 所以大肚媽媽節目係陪阿仔， 去到夜晚， 至出去同爸爸撐枱腳。好耐無同爸爸兩個人撐枱了。本來爸爸話係元朗食， 但元朗都FULL BOOKING， 橫掂出美孚坐巴士實有位坐， 媽媽建議不如去美孚個間超細既MIA啦。好耐無去了。

週年晚飯BOOK左六點半， 媽媽搭四去到， 仲未開門， 不過已經有人同媽媽一樣， 企係門口等開門～～～都係BOOK左枱架， 因為無BOOK枱呢， 要八點半後至有位。

週年晚飯既餐湯有甘筍薑湯， 食慣街邊味精既爸爸話無味喎， 但媽媽就覺得幾好飲， 又唔會太濃味。

無記性既爸爸問駛唔駛點多個包， 媽媽話之前食過一味蕃茄法包， 好正。爸爸一點印象都無。嗱， 呢張法包相， 係黎自半年前既， 呵呵， 有相為証。好好味， 其實最鐘意佢個層芝士同埋酸味味既蕃茄

上次黎， 聞到隔離枱個PIZZA好香， 已經好想試下。今次有機會試了， PIZZA大大個， 不過呢，係得個芝士夠厚同餅底唔油。算係咁啦， 大蝦PIZZA真係每件都有隻蝦， 好夠平均。如果芝士味濃返D就好囉。

跟餐既海鮮意大利飯。好CREAMY既飯， 海鮮留返比爸爸食

同場加映上次黎食既意大利飯， 一試難忘， 好好味。

之前黎食， 試過芒果奶凍， 所以今次試焦糖燉旦， 不過好似麻麻， 面個層唔夠脆咁

講起呢間芒果奶凍， 真係要問返爸爸拎返半年前既VIDEO， 阿仔第一次搶人匙去搶食甜品。睇返至知， 原來阿仔呢半年大個仔左咁多。而媽媽就肥左好多了， 塊臉由尖變大圓， 真係無眼睇。

母親節放監

昨天母親節. 意義重大唷.

1) 我第一次以母親的身份, 過母親節呀.

2) Isaac滿月

3)我終於坐完月啦, 可以做運動了, YEAH, 最開心呢樣

為左報答呢個新任媽媽, 成日捱更抵夜餵奶的辛勞喎. 謝謝二少啦. 是我第一次母親節收的第一份母親節禮物呀.

坐完一個月, 終於可以做運動啦, 不過二少只限在家裡做. 所以, 未生前, 二少已經買了部迷你單車放在家中, 讓我修身用.

懷孕總體重增加了35磅, 生完係醫院磅, 仲有22磅要減. 今日都生左一個月啦, 仲有 18 磅要減呀. 唉, 仲有鬆到爆的豬腩肉. 所有牛仔褲同裙都唔岩著了~~~仲未試返以前的上衣, 因為而家都仲要著大肚的鬆身衫遮醜呀.

我要今個月底, 努力回復原狀呀.

情人節快樂

BB, 情人節快樂呀.

因為大肚關係, 節期假日, 都要避開人多地方, 唯有到屋企樓下唯一一間可以接受的餐廳, 和二少共度情人節啦.

昨天放工, 還要去聽產前講座. 接著, 回家小休片刻, 便往二少一早BOOK了枱的POKKA吃情人節餐.

這個情人節餐, 我最欣賞粟米湯了

那些透明一粒粒, 好爽呢, 原來是海草珠. 和西米有點不一樣口感, 雖然外觀都是透明.

前菜有婆仔要戒口的生三文魚. 和凍了一點都不酥皮的酥皮盒. 有點失望.

主菜就比平日的晚餐COURSE大份. 二少說也抵啦, 情人節餐的收費, 跟平日相差不遠, 而且主菜又大碟. 不過對依然不好肉的婆仔來說, 我寧願有個選擇, 是吃意粉的.証明肚裡的囝囝, 都不是食肉獸.

情人節餐甜品有醉意軟心朱古力.

因為大肚不能吃酒, 所以, 二少REQUEST轉一個沒含酒精成份的甜品, POKKA就安排了這個焦糖燉布甸.

回到家, 還有個甜品, 就是二少在伯伯加奴訂的栗子朱古力旦糕......二少以為在伯伯加奴訂的, 應該會是雪糕旦糕, 所以, 把它放在冰箱裡了. 所以, 我們吃的時候, 要待它室温溶解一下先.

雖然二少擺了烏龍, 不過都謝謝他一番心意啦. 這個旦糕的栗子CREAM 好豐富呢.

明年的情人節, 應該都要在POKKA渡過呀, 因為要帶著小小的BB呀.

BB, 爸爸媽媽都期待明年和你一起過情人節呢.

忍口

話說最近一個月, 雪糕雪條當消夜成了習慣.

話說自從耳水不平衡引發身體其它機能反應後, 這幾天依然有些頭暈暈的現象.

話說前晚, 趁二少不在家. 獨個兒又吞了兩條雪條.

超滿足.

昨晚, 繼續戰績, 不過二少在家, 只可以吃一條雪條.

後果足之來了, 就是睡覺時, 又來了一陣陣像頭暈的感覺.

二少說, 應該是這陣子吃的生冷東西很多. 所以, 要婆仔戒吃生冷東西.

今天晚上, 因為沒得吃雪條雪糕, 所以趁二少不在時, 給自己借口去吃糖水.

( 雖然二少又是見婆仔最近狂吃糖水到嚇人地步, 已規定只可以在周末吃一次糖水咁大把)

希望不知什麼時候有的日日甜品習慣, 會借此頭暈而忍口可以減少吃甜品食量吧.

沒錯, 是減少, 呵呵呵, 我是不會遠離夏天好友~~雪糕雪條的.

 

耳水不平衡

今天起來, 發覺有點不對勁. 有少少頭暈的感覺. 於是坐在沙發上抖抖. 豈料一抖不可收拾.

忽然很想嘔吐, 又肚抽筋, 標冷汗.....還要是標到全身濕透好像沖涼未抹身一樣. 全身乏力, 連說話的力量也沒有. 好辛苦.

都不知磨了多久. 幾經辛苦, 又爬回床上, 但是肚抽筋的情況沒有改善. 我以為自己是死定, 必要急CALL醫生來看自己. 全身的"水"不停流出, 要好辛苦才"叫"了二少幫忙抹汗, 我想二少聽婆仔的說話也很吃力. 因為印象中, 我是叫得很辛苦才發到少許聲音.

二少還說等多半小時還沒改善才飛的去急症室.

雖然身體軟弱, 腦海卻是清醒的. 心想, 還等多半小時~~~我已經痛得要死, 那些汗水, 那時我相信, 是抽筋的痛楚引起不停冒汗的.

第一次, 婆仔不停的喊著, 請二少找個醫生上來家裡診斷一下. 我寧願多付點錢算, 因為今早乏力的感覺很重, 攤在床上, 感到雙腳依然是沒力....因為所有力量, 仿佛往肚裡去抽筋折磨著婆仔.

就是這樣, 應該"昏迷"了半小時吧, 邊"昏迷", 那個抽筋依然存在. 時間差不多, 打電話回公司請假. 就是如此, 又給公司扣人工了.

因為今早情況太嚇人(其實婆仔是擔心昨晚狂吃雪糕弄至流產, 所以抽筋時, 一直嚷著要醫生來----別誤會, 其實我還沒懷孕的, 只是一廂情願而已), 二少罕有地放棄工作半天, 陪婆仔去看醫生. 謝謝二少.

醫生說, 是耳水不平衡, 引發身體其它各項反應, 才會這樣. 當然, 多久會再復發, 是不知道的.

好多年的現象了~~頭暈, 當然, 一直沒試過今早這種特發性引發身體各項毛病. 原來, 耳水不平衡, 都幾恐怖的.

壓力煲第二轉

心有不甘. 今天又試用了壓力煲. 總要找出壓力煲煲老火湯的秘訣.

媽子和二少說, 缺了明火, 老火湯始終缺火氣. 是欠一點味道的.

可能是這個原因吧.

今天又弄了很久. 弄出個青紅蘿蔔鮮鮑魚湯.

唉. 自己評分呢: 又是欠老火味囉.

究竟怎樣, 才可以做到跟明火煲幾小時的那種味道呢.

真是要再鑽研一下.

唔....下次要拿什麼做實驗品好

壓力煲第一煲

原來用壓力煲, 真係好有壓力的.

話說今晚試下用壓力煲煲老火湯. 因為當日係聽到SALES話30分鐘可以煲好老火湯.

那份說明書, 看了又看, 都好像不太熟稔.

還是從行動中學習.

齊水放料. 煲了10分鐘, 滾都唔滾. 見到時間器, 只餘20分鐘.

好, 一於加壓鎖煲.

細膽的婆仔, 一如自己所料, 雖然都預左, 但係都不受控的......一按壓鎖煲後, 馬上彈離廚房躲在一個即使爆煲, 煲蓋和滾水都濺不到的位置

然後, 忽然想起, 說明書好像不是這樣隨便加壓鎖煲呀~~~ X 10

然後, 聽到少許聽音. 整個人意識, 都崩緊. 因為好怕爆煲呀.

原來, 是二少開著的電視聲.

可惡的二少, 後來回家了, 不停的在廚房裡攪那個壓力煲. 即使婆仔喊到聲嘶力竭, 二少都不理啋.哼, 下次攪到爆煲, 不要怪我

足之實驗完了, 來了一個唔知失敗定成功的木瓜雞腳湯.

其實雞腳都煲到甩甩地腳. 木瓜也很淋. 就是沒有老火湯那種味道.

下次, 我會再努力鑽研一下, 應該要如何做到老火湯的味道.....和何時才是合適時機加壓.

不過, 下次, 我卻想試試自製豆漿.

有朋自近方來

古語云: 有朋自遠方來,不亦樂乎.

對我來說, 有朋自近方來, 都是一樣高興.

話說婚後, 一直居於二少夫家. 對於招呼朋友到家裡敍, 二少一向反對. 因為說: 叔仔係樹, 唔方便.

心裡一直很想找朋友到家裡聊聊天, 不過, 就因為二少說不方便, 一直沒有機會.

現在, 遷了出去. 終於可以招呼朋友了.

當搬屋settled好, 趁這個星期不用出差度周末. 這兩個周末天, 屋裡都會充滿兩班朋友.

今天, 就是婆仔遷新居後, 也是結婚後,  第一次有朋友上來自己家裡.

心情很興奮喔.

昨晚, 為了預備今天的小吃. 放學後晚飯都不吃, 便飛車回家, 在超巿大量買生果. 打算做鮮果沙律~~~沒法子, 今天要上班, 不能做熱盤吃. 唯有做可以放雪櫃的食物吧.

可能是太興奮的關係, 執了很多生果. 不經不覺, 承惠一百元有多. 連家裡的沙律盤都放不下......

印象中, 沒試過買生果都要這個價錢.

心裡已籌算, 下趟要約人上來吃飯(這兩天都是下午tea時間). 希望可以煲糖水, 用下壓力煲忟餸一齊吃. 應該會更開心吧.

壓力煲

新居住了一個月. 十分喜歡這個位置, 超方便. 放工在娘家吃飽飯, 回到新居, 可以放下手袋在新居, 揹著兩個環保袋做師奶去~~~PHYSICAL做GYM也. 所以, 今個月做GYM次數也多了.

住了一個月, 前晚終於"的"起心奸, 趁吉之島做感謝日大特賣, 執了四個煲回家.

其中一個, 是壓力煲.

有點後悔呢.

本來是格了價, 看準膳魔師的真空煲做到一千元有找(4.5L), 還要是JUSCO 咭再打折. 怎料二少卻嫌容量太少.

最後, 轉攻旁邊的一堆壓力煲. 因為價錢差不多, 但有8L.

碰巧又有兩PAIR後生仔女一齊看, 齊齊做問題少男少女, 把售貨員不停的要輪住回答我們一班無經驗大鄉里唔識用壓力煲的廚房新秀.

本來婆仔只是在後面伸了個頭聽. 一聽到售貨員一句: 煲老火湯只需30分鐘....WELL 眼都跌出來了.

什麼理智都沒有啦.

加上價錢跟真空煲差不多. 卻比真空煲省很多電力和時間. 這個前題下, 當然首選壓力煲.

很快的, 在那兩PAIR人中, 第一個舉手要買.

昨天, 開始有點後悔了.

始終壓力煲的陰影好大喔. 新聞報紙常有報道爆煲. 越想越不敢用.

我想, 日後用這個煲, 我應該要穿著膠手套和用膠墊擋著身體才打開煲蓋. 否則爆起煲來, 都好恐怖呢.

不過, 在很多FORUM中, 找到很多主婦都好ENJOY用壓力煲做菜煲湯, 還要讚個不停. 壓力煲這傢伙, 又好像有點吸引力呢.

風濕了?

這幾天雨濕濕不停下雨. 兩個膝蓋也隠隠作痛. 越來越相信是風濕了.

 

這個年紀, 就像老媽子一樣, 患了風濕, 真是可悲.

 

幸而, 沒有像她一樣, 要攬著骨頭呼痛. 當然, 隨著時日過去, 相信這個情境, 不久會出現在我身上.

 

膝蓋的痛, 在這幾天濕漉漉的日子裡, 提醒我, 要每天吃健骼丸.

 

人就是這樣了, 不痛, 就會掉以輕心. 真是要到身體響警號時, 才醒覺做一點點提防.

報不了的親恩

以前看過一個電郵, 內容大致是:

父母照顧孩子, 無微不至, 幫小孩換屎尿片都沒怨言. 半夜起床餵夜奶. 盡花心機教育孩子學走路, 跌倒了, 又扶起來, 耐心花盡了. 對孩子的學習, 也花了不少的愛心和耐性, 由牙牙學語的小孩, 變作一個口齒伶俐的聰明仔, 父母覺得安慰了.

換來的, 是自己老了, 孩子大了. 可是, 長大成人的"孩子", 對年老父母失禁, 要幫他們清潔污物時, 卻是帶著一副嫌惡的表情. 自己老了, 走路不穏, 稍為落後了, 長大了的孩子, 卻等的不耐煩. 嫌自己阻手阻腳. 孩子大了, 有了自己世界和想法, 開始變了頂心杉; 甚至乎把父母的關心當作是"你好煩"又或把父母當作仇人.

那時, 看這個電郵, 很感動. 不過, 很快就忘記了.

最近, 年紀漸長, 身邊友人開始有小朋友. 出街滿街又是小朋友, 每次看到父母們陶醉於照顧自己的小孩子時, 我又會在想一個問題: 究竟這些父母, 今天如此愛錫自己小孩; 他日, 長大了的小孩, 會記得今天父母的養育之恩呢? 還是, 又多了一個不孝叛逆子?

以前, 我就是不明白, 為何說養育之恩難報答. 小時候, 常以為是一個金錢的問題而已. 不過, 當時間慢慢過去, 看著父母也日漸衰老, 我開始深深體會到, 父母那種偉大的愛. 其實, 真是窮一生, 都報答不了.

母親節父親節, 在這幾年, 其實在我的心裡, 每一天, 都是母親節和父親節. 如果一年365日, 只有在母親節裡才表孝順, 會否少了一點?

新一代

十八廿二時, 老一輩常評論一代不如一代, 又說什麼語文能力下降. 那時, 聽起來, 覺得不是味兒. 懷疑其實每一代人都是如此看不起新的一代.

 

好了. 到自己有了一定年紀. 看著公司的junior, 又看到滿街的小孩. 開始, 我都認為, 新一代, 至少有八成的人, 能力真的不及我們這班老年紀的人.

 

這陣子, 身邊多了很多牙牙學語的小孩. 我明白, 今時今日, 小孩子是父母的掌上明珠. 不過, 有幾多新一代的父母, 會知道他們實在太過溺愛自己的小朋友呢.

 

這幾天, 上班途中都會夾著幾個幼稚園學童. 唉, 難聽點說句, 我認為他們的父母都太過....

 

有一個幼稚園學童, 估計都有K2了. 不過, 難聽點說...是否殘廢了呢? 吃個面包和喝口水, 雙手永遠不會碰到那個面包和水樽....那個母親, 就一啖一啖的等他吃, 等他看完街景又擰個頭回來咬一口.

 

有一個幼稚園學童, 一上車, 不知是父親還是祖父, 馬上給他遞來NDS. 唉, 難怪今天, 我總是覺得新一代的年輕人, 跟人的表達能力......可能是對得NDS或電腦過多.

 

有一個都是幼稚園學童, 一上車便發老脾, 原因是他不想坐, 要學人站. 母親硬要他坐下時, 便盤起雙腳像和尚打坐....母親見了, 不會責備他雙鞋會弄污座椅. 這個是什麼世界??

 

身邊有位學童, 幼稚園牛高馬大, 曉行曉跑.  父母卻怕他雙腳會累(那個父母真是這樣解釋的). 寧可父母自己辛苦, 每次出街(真的是每次耶)都要拖著個BB車. 我看在眼裡, 雖然是認識的, 也是心裡暗嘆一句: 殘廢的麼??? 為何不讓他自己走路呢?

 

學童小學還未入學, 父母已四處查問買VII給他了. 究竟物質過於豐盛的年代, 我們有沒有想過新的一代, 會變成什麼的樣子.

 

公司JUNIOR 有多位, 九成是上班在遊魂. 其中一位, 差一科便取得DEGREE(PART-TME), BUT 他的表達能力......每次他說完話, 會換來我的怒啤, 因為他以為每個同事是他肚裡的蟲. 說話只有他想要的中間的部分, 斬頭斬尾得很厲害.

 

雖然我還未當父母, 但我有信心, 我是滿有狠心的一個母親. 嚴師出高徒, 是我相信的一個道理.

 

以前, 我的細佬細妹是很憎恨我的, 因為, 我很嚴格的定下温習作息時間表, 温習時間會搶去他們手裡的電腦GAME, 然後拔線收藏起來, 好讓他們專心温書. 也會狠心地不讓他們繼續吃飯---如果拖了很久還沒有吃完一餐飯的話.

 

賞罰分明, 是我從湊細佬妹學回來的道理. 不過, 時下的父母, 好像只有不停的賞和溺愛.

日日搬屋

兩星期前交收之後, 一直都沒有閒下來的日子. 當初以為是同區搬遷, 所以沒有像傳統搬屋一樣, 找搬運公司. 於是, 和二少一起變身搬運工人. 放工搬屋, 放假又搬屋. 連續兩星期都弄到十二點後才能休息.

 

原來搬屋是好辛苦的. 跟兩年前結婚搬到二少家不一樣. 那時不過是拉兩箱喼過去便行. 今趟搬屋, 和二少來來回回, 除了喼, 還左右肩膀揹了一大袋, 手裡也挽幾袋, 狼狽不堪.

 

以後, 免得過都不要搬屋了. 二少說, 下趟要找搬運公司. 我是贊成的.

 

昨晚, 終於叫做買齊傢俱和執拾大件物件(起碼廚房有碗碟…不過還未買湯匙和煲). 今晚起, 終於可以安頓家中, 執拾物品, 不用撲來撲去買東西了.

 

辛苦二少了. 二少的確很勤力幫忙清潔新居….是的, 除了廚房, 整屋都是二少功勞. 呵呵呵, 明天出差後, 二少還要忙一打蠟呢. 謝謝老公大人.

什麼叫漏水

well, 成日聽人話間屋漏水. 未結婚前, 阿媽屋企都有漏水, 不過是樓上整穿地板, 搞到天花板漏水. 阿媽成日走去管理處投訴, 要勞動埋區議員, 搞了好久, 樓上才肯維修.

細細個, 跟阿媽去同親烕飲茶, 八聽她們說, 買樓千萬不要買新裝修. 漏水都唔知. 最好又殘又舊, 乜都睇穿. 那時雖然是中學, 不過從大人身上, 又學會了多一樣.

呢d 係阿媽身上吸收返來的旁觀經驗談, 二少一向很抗拒, 採取不信的態度也.

由開始打算買樓, 婆仔不停跟二少說, 不要選新裝修的. 最好是真面目見人那種.

後來, 取消買樓念頭, 改為租樓. 就當然選新裝修啦, 因為有乜冬瓜豆腐, 業主有責. 租戶無責.

今天, 適逄大雨又掛風球. 婆仔下班後, 便拉著細軟前往新居.

well, 一進書房, 簡直不得了. 原來, 漏水是可以這樣嚴重.

(別以為水漬只有"有限範圍", 其實沒水的地方, 是原本放置了前幾天帶來的行李, 所以水漬已被行李吸乾)

照計時間, 約十二點開始下雨, 婆仔三點多到, 除了窗台滿瀉外, 雨水都由窗台流到地板上了.

婆仔第一時間向二少報告. 然後, 狂拍照留作証據. 接著, CALL 那個AGENT...一直擾攘了很久.

扭毛巾, 也扭了幾轉. 幾乎一兩個小時, 又會滿瀉.

幸好上星期日, 買了十條毛巾....不過, 都用上了.

剛才晚飯後, 又執了三包強力吸濕布. 二少今晚會留守新居, 定期起床抹水和扭毛巾~~我就認為他會一睡到天亮.

不過, 我相信萬事都是出於神. 今次的經驗, 就讓二少親自體會一下. 待我們真正買樓時, 他就會信老人家媽子大人和女人的經驗談了.