歲半了

11 Oct 10 Isaac歲半了. 時間話咁快就年半, 媽媽越來越愛上Isaac, 點算好呢? 真係要不停remind自己, 要學習放手了, 因為阿仔要有自己獨立既生活.

歲半既Isaac, 老早已經識自己餵自己. 日子有功, 仲食得好好, 唔會點跌落地.

歲半既Isaac, 無再搶媽媽相機, 因為佢識望住鏡頭擺pose. 而家明知你錄緊佢, 都會繼續做佢做緊既野.

歲半呢日, 爸爸係九龍酒店買左兩件西餅比媽媽食, 想媽媽患上糖尿病定啦, 所以有件芝士旦糕, 落左係Isaac同爸爸口中. 算唔算係歲半生日旦糕呢?

因為媽媽大肚, 同仔仔一齊咁早瞓, 搞到阿仔而家要痴實阿媽黎瞓, 半夜仲會桔起身要瞓埋上黎. 六點又會再醒再大叫媽媽. 為左矯正阿仔有健康既睡眠習慣, 歲半呢日起, 咁岩就比佢試下瞓返bb房既子母床. 希望試得成功, 以後可以一個人一間房啦.

接近歲半, 阿仔越來越識講好多野. 媽媽懷疑其實係一早識講不過又唔講囉. 而家唔會講叠字咁簡單了, 可能忽然講係呀,唔要, 輕鐵, F, 鎖匙.......... 唔知阿仔幾時會識講簡單句子呢?

歲半了, 阿媽唔會再每日POSE相了, 因為由出世到而家, 個樣都變定左. 以後有特別野至再POSE啦.

觀塘playtown

10 Oct 10 爸爸話好想帶阿仔去觀塘playtown玩. 所以呢日阿仔返完教會就直出觀塘, 陰公, 只係向架車恰左一陣.....朝早七點起身直撐

去到觀塘, 先去apm醫肚先, 見到咁cutie 既鴨鴨, 本來阿仔一個人影左一張相的. 可惜比佢見到阿媽, 對眼係斜望住阿媽, 唯有同媽媽一齊影多張啦.

Isaac: 嘻嘻, 我捉住鴨咀黎擺pose呀

apm而家set左中秋場, 勁吸引阿仔. 阿仔一個人係度不知遊左幾耐至肯走

點解遊咁耐, 之唔係成場都有呢 d 波波咁既燈籠囉.

Isaac: 我自己攀高都摸到燈籠

Isaac: 你好呀, 請問你係咪火柴黎架?

係apm玩左一陣, 終於出發去playtown. 媽媽大住個肚, 成程只係企係地幫仔仔影相, 爸爸就陪佢周圍爬

仲一齊sir滑梯

阿仔又學其它細路咁, 雙手拎實玩具一齊sir滑梯

淨係呢堆玩具都夠阿仔玩好耐

不過無理由入到playtown淨玩玩具架嘛, 所以爸爸又捉左阿仔去玩滑涕

Isaac: 哦.....呢塊墊係滑梯底, 我次次都sir左落黎坐係塊墊到既

次次阿仔sir到底, 都會指住塊墊一臉投訴樣, 好似投訴緊塊墊整到佢好痛咁. 好搞笑

仲有架車車玩tim. 不過實在太多大細路, 公主王子病乜都有, 個個係咁搶住上黎, 人地明明讓比Isaac坐架嘛, 跟住會有 d 無大人睇住既細路仔一支箭標上黎唔比阿仔坐. 呢張係好難得至影到的 ~_~

之後去大細路的區玩, 媽媽又係成程企地下抬高頭影相

Isaac: 呢條滑梯夠快呀, i like it.

再玩另一條滑梯

之後玩車車. 阿仔仲未識用腳整郁架車車, 成程都要爸爸推住, 阿仔對腳完全係跣住咁"行"

玩完車車再走上個跳舞燈到玩. 阿仔又一顯本色, 平時係屋企都成日跳, 而家有埋音樂有埋閃燈仲唔起勢咁同大哥哥一齊跳咩

之後, 入左波波區. 媽媽初頭唔敢入去, 因為怕比滿天波波射到痛, 後黎心諗, 細路仔都咁入, 應該唔痛既.....所以就入去影相. 不過都係企係死角位make sure 無波飛埋黎個 d 黎影相咋.

Isaac: 爸爸, 點解 d 槍會噴波既

Isaac: 我都係諗唔明點解 d 波會飛出黎

玩完返屯門又食日本野. 最近成日去, 唔知侍應認唔認得我地, 屯門間pokka 就已經認得Isaac了

不過返到屯門, 好明顯兩父子都好累, 一個呆哂, 一個放蚊.

反而大肚媽媽呢日成日無恰過, 連坐車都眼光光, 好似係最精神既一個咁.

迷你爬蟲館

7 Oct 10 自從買左架單車後, Isaac 視佢係寶. 每次踩完返屋企都好唔捨得落車. 落左車仲要玩多陣.

8 Oct 10 Isaac: 你做乜又偷影我跑步個look呀?

9 Oct 10 Isaac: 我擺個pose 同 Rody 影合照

Isaac: 再黎張單人照吖唔該, 我笑......

 每次媽媽叫 Isaac 笑, 佢都會翁起個鼻擺 pose 影相, 好搞笑.

呢日媽媽放工返到屋企, 又要同仔仔出街, 因為約左miki 媽媽下午茶, 之後再行下個迷你爬蟲館

入到去, 阿仔已經好入神咁研究緊點解裡面有條怪物會郁既呢

反而呢條大鱷魚, 可能唔郁瞓緊覺, 阿仔又望得無咁入神喎

話咁快行完呢個好細既爬蟲館, 臨走叫Isaac企定定影相, 阿仔真係企定定仲翁起少少鼻笑喎

爬蟲館對出係公園, Isaac 同miki囡囡已經好興奮咁踩落草地行.

Isaac: 吖, 上面有直昇機飛過呀

行完公園臨走比個水池吸引左

你睇兩隻幾咁入迷

之後再逛一陣反斗城比仔仔玩下玩具.

入到反斗城, 阿仔終於有少少肯同miki 囡囡溝通下, 無計, 媽媽發覺阿仔真係鐘意同大過佢既哥哥玩咁, 再唔係就同返男仔玩. 見到女仔通常都係保持距離. 証明即使miki 話佢囡囡似男仔, 都瞞唔過Isaac雙眼呀.

dancing

4 Oct 10 Isaac: 趁媽媽未返到, 叫工人比塊包我食先, 媽媽返左唔淮我食架喇.

呢輪阿仔係屋企都狂跳舞, 成日都沿地跳, 唔知有乜咁興奮呢

5 Oct 10 Isaac: 好悶呀, 無人同我玩

Isaac: Rody, 你過黎陪我啦.

Isaac: 等我hug hug你, 你聽唔聽到我個心講野呀, 我有心事呀

阿仔對Rody而家係愛護有加, 無再推佢落地. 仲間唔時走埋去呵佢, 錫佢tim.

夜晚睇電視, 阿仔明明好專心, 但另一邊身卻又唔專心, 你睇佢, 舉高腳仲指埋手, 意思要去阿媽到, 但對眼仲係無離開過電視.

6 Oct 10 Isaac: 咦, 比你發現左我偷運玩具tim

Isaac: 我跑黎hug hug 你, 你唔好話比媽媽知我偷運玩具喎

阿仔好明顯大個左, 除左日日自己dancing外, 仲成日通屋跑. 不枉爸爸特登為佢換間大屋.

Isaac: 係呀, 所以我好鐘意爸爸架.......不過我更加鐘意食野

Happy Wkend Part 2

2 Oct 10 三日連假第二天, 爸爸話請媽媽去THE ONE 間紙上燒食LUNCH喎.

媽媽無睇過餐牌, 所以唔知有幾貴, 不過呢碟得幾件既刺身, 係刺身定食, 好似話一百幾十蚊一個SET.

 但真係幾好味....個塊鱆紅魚同劍魚腩, 大肚媽媽都忍唔住夾左黎食. 去日本會再努力食多D魚生的, 趁呢胎對魚生無反感.

呢個紙上燒既鍋, 得六件野咁多

仲有呢三舊牛肉, 多謝紙上燒set lunch唔知又一百幾多十.

真係好貴呀, 一路食一路喊唔飽囉.....所以爸爸再order左個炸雞泡魚同帶子串燒

不過影左相但唔見左係邊, 一生人第一次食雞泡魚, 爸爸媽媽都覺得好靱呀.....唔緊要, 媽媽話去大阪再食過.

食完呢餐唔飽又貴既日本野, 媽媽捉左爸爸同阿仔陪媽媽食甜品, 去左五代同糖食心太軟同焦糖布丁. 正確點講, 應該係媽媽陪阿仔食甜品囉, 點解? 因為阿仔又起勢渣實隻匙唔肯放手比返媽媽.

Isaac: 好好味呀爸爸         媽媽: 好囉喎, 你食哂我份布甸啦

爸爸見到媽媽份布丁差唔多比阿仔ko哂, 話叫多份, 不過都係 no 啦, 叫多份咪又等阿仔食多份 ~_~

五代同糖既心太軟實在太令人回味, 一路行去九龍公園媽媽仲係不停嚷著好味好味.....一個人回味當中

去到九龍公園, 阿仔好興奮呀, 係兩個噴水池中間不停走上走落, 走到媽媽成身汗, 可惜一個人陪住阿仔, 所以影唔到佢個好奇睇水樣.

睇完水水再睇雀雀, 阿仔好投入好好奇咁睇

Isaac:點解佢地對腳咁長既?

 睇睇下阿仔仲學雀咁舉起腳同自己 r 痕咁, 好好笑

Isaac: 我想望多陣.....

3 Oct 10 經過連續兩日出左街, 爸爸媽媽都超級疲累了, 所以呢日係大家休息日. 除左出去食 m 記下午茶, 大家都無出過街了.

無出街唔代表阿仔係屋企會悶. 而家新興活動係爬上阿媽張床, 把三個大枕頭棟篤企, 初頭爸爸問做乜喎?

媽媽緊係了解阿仔啦, 解釋比爸爸知, 阿仔最鐘意咁擺然後當玩骨牌咁再推跌哂 d 枕頭, 對阿仔黎講係天大既樂趣黎.

骨牌跌後, 連人都可以奉旨大大力咁飛落去枕頭到. 左跌一張

右跌再黎一張

真係跌到傻, 但阿仔玩得不知幾開心, 次次放假阿媽一入房, 就要捉住媽媽比佢上床玩枕頭.

三日假就咁結朿左了, 雖然好攰不過好開心, 因為有得食新野. 加上發現左九龍公園都可以令阿仔咁興奮, 仲開心過去老年咁遠既動植物公園. 媽媽個日已經決定左, 聖誕唔打的士去動植物公園, 改去近近地既九龍公園再食x'mas buffet lunch