海洋公園迎一歲

 

 

 

31 Mar 12 呢日我地應邀到海洋公園幫朋友仔慶祝生日會. 本來諗住早少少入去等兩兄妹睇下動物, 不過磨下磨下, 又食埋飯, 原來已經夠哂鐘, 所以去到海洋公園係岩岩趕得切開生日會咋.

呢頂迷你生日帽, 連妹妹個頭咁細都好緊下, 難為哥哥差唔多帶足全程.

小朋友玩遊戲, 妹妹唔識玩, 唯有係咁痴住哥哥, 好一幅温馨照呀

同壽星妹影相啦. 個BARBIE旦糕好靚呀. 不過切黎食好似好嘥咁.

食完野, 生日會環節仲有係帶我地去同真烕烕影相留念. 一落地既妹妹, 係度玩撲厘厘??

一臉正經的妹妹, 好愁下喎你個樣



生日會好快過, 影下烕烕同下小醜姐姐玩下遊戲, 咁就完了. 不過完左之後, 又要趕住妹妹晚飯時間, 所以媽媽都無係海洋公園逗留好耐. 本來想同阿仔坐下吊車既, 但哥哥嘈住要坐木馬又坐火車, 時間都去哂囉. 所以都係唔坐吊車LU, 下次有機會再黎海洋公園, 至同兩兄妹坐下吊車啦.

幪面媽媽同仔女合照

返到屋企都近八點, 不過我地仲堅持切旦糕, 因為妹妹翌日係一歲生日了. 呢個旦糕夠哂女仔啦掛.

Claire: 嘩, 等我掂下先

Claire: 多謝爸爸媽媽帶我到呢個世界上面. 我會比心機食多D野, 長多D 肉架啦.

一歲妹妹, 希望你快高長大, 長多D肉啦.

行得進步左

28 Mar 12 係哥哥既影響下, 妹妹而家既玩意就係車同飛機. 拎起架直昇機, 會扮飛同埋扮飛機聲~~YI YI YI 咁架.

29 Mar 12 細細粒既妹妹, 挨近一歲大, 已經可以行到十步八步. 當然好快咁行出街就依然未得啦.   Claire: YEAH, 媽媽, 我行到喇  

Claire: 我夠唔夠得烕呀

Claire: 哈哈, 我黎捉你都得呀

你睇你睇, 著起呢條裙, 係咪一棚骨咁呢?

30 Mar 12 Claire: 媽媽, 我好無奈呀~~~~

Claire: 因為我只可以睇哥哥玩電話, 我無得玩, 淨係可以拎住舊無用既搖控器咋~~

挑皮妹妹

27 Mar 12 呢日係爸媽結婚週年紀念日. 可惜除左妹妹外, 全家都病哂, 又無工人. 所以爸媽決定唔出去食飯慶祝LU.

Claire: 我拿起條褲露下瘦小腿賀你地結婚週年紀念快樂啦.

為預備工人到來, 媽媽要印定RULES & REGULATIONS, 正研究點解PRINT唔到野時, 好快手, 忽然見到有個人形物體企左係隔離~~即PRINTER上邊, 可怒也~~~想點呀


跟手仲要扯起哂媽媽叠紙出黎.

比媽媽話完, 定定地坐係度, 以為做乜啦, 忽然嚇見下巴一堆白泡沫, 原來妹妹你玩口水. 想點呀~~~

 Claire: 我呢D 叫無聲抗議

不過食包包時, 忽然大笑, 真係睇見就開心.
乜咁易就大笑既, 阿妹你既喜怒哀樂都幾明顯架喎.

傍晚睇電視的妹妹, 睇下坐得幾型.

呢輪好興喊到LUR地又撼頭落地既妹妹, 又係度發脾氣. 影下你個衰樣先

LUR 地仲要碌黎碌去咁喊. 激死.

 

有人要出街

24 Mar 12 呢日媽媽病重呀. 不過仲要走黎走去負責新居傢俱送貨事宜. 點知到傍晚已經頂唔順. 實在太攰了. 但夜晚又要出席朋友仔的生日會. 唯有浦一浦頭即走啦, 反正近近地.

大妹妹三日咁大把的豐豐壽星仔. 點解身型爭三個月咁多咁既~~~

25 Mar 12 呢日本來都要去另一個生日會, 但媽媽經過之前一晚既折騰, 夜晚開始尖寒尖凍又好辛苦, 加上呢日爸爸返工. 叫媽媽都係唔好出席了. 唯有三母子女一齊大覺瞓

Claire: 媽咪, 但我想出去玩呀~~







26 Mar 12 有人無啦啦拎住個袋走去門口, 莫非想出街? 

Claire: 喂, 仲唔開門既? 我準備出去囉喎

Claire: 乜你地仲未READY 好咩?

朝朝十點幾十一點, 妹妹都會眼瞓發作. 但媽媽點抱都唔掂, 呢輪發覺有招好駛得, 就係掟佢上BB車, 由佢喊五分鐘, 就會自己瞓左.

瞓左, 幾簡單~~跟住就係推住呢架車出去接放學. 咁咪唔駛抱上床又抱返落床囉. 不過通常湊放學途中又會醒返, 好醒瞓, 唔怪得你唔長肉.

錄到你學行了

21 Mar 12 Claire: 媽咪，我就黎一歲啦～～不如你錄下我點行路啦

呢日， 媽咪心血來潮錄下妹妹學行路。 唔知一歲當日， 會唔會行多幾步呢？

夜晚， 忽然拎住個搖控黎講電話， 學哥哥哥咁，真搞笑。

22 Mar 12 鬼鬼馬馬咁， 唔知阿囡又諗緊乜野古惑野

Claire: 嘻～～乜你咁諗我架

Claire: 嘻嘻， 不過我真係諗緊點整古媽咪喎

Claire: 吼～～拳王上身

Claire：有姿勢架我

跟住放上BB車， 又好搞笑， 無啦啦自己係咁擰頭狂笑。仲FING 埋腳。 嘩， 媽媽諗起岩岩周日， 爸爸係街邊又係咁做架～～～哈哈， 唔通妹妹學足爸爸？

23 Mar 12 成日扭計既妹妹， 呢日晨早流流又扭， 仲要瞓埋地， 想點呀你

Claire: 我哇～～～～ 你仲唔理我～～～哇哇哇

Claire: 嗚嗚嗚～～

坐返起身～～因為螺地呢招阿媽唔受。卒之收聲。

不過媽媽通常都賴野架， 因為妹妹螺地瞓地係呢日至用。之前一直係擘大口喊到大大聲， 所以媽咪都會抱返佢收聲。但媽咪就好唔鐘意要出動到瞓地囉。所以媽咪係唔會理你呢招架。

又去迪迪尼

18 Mar 12 就黎一歲既妹妹， 趁呢日天氣熱， 拿拿聲著返呢件一歲碼既薄裙仔先。不過依然係衣不稱身， 哈哈， 手袖要摺， 膊又濶。不過眼仔碌碌搭夠。懶係淑女LOOK咁。

19 Mar 12 呢日屋企制水，仲要朝九晚五，嘩， 儲完水仲要煲水的黎的去幫放學既仔仔沖涼。。。。所以呢日媽媽索性帶對仔女去迪迪尼玩下。仲邀請埋姑婆一齊去， 陪仔仔玩下機動遊戲。未瞓醒的兩兄妹， 好無奈咁定定地影相。

Claire: 哥哥， 你拖我去邊呀， 行慢D 啦

百厭兩兄妹現真相， 排隊都係咁玩欄杆

呢個危險動作， 幼兒不宜， 特別係細碼B， 阿妹你個頭就黎攝出去卡住架喇

Claire: 乾杯～～

Claire: 我摵到對耳仔似唔似米奇呀？

話說妹妹第一次去迪迪， 仲未識行。而家已經曉慢慢踏步行。唔知下次去迪迪尼， 會唔會行得好快， 要媽媽係人堆中追住佢呢？

20 Mar 12 Claire: 你就想～～～～

Claire: 做乜幫我著到成個美男子咁呀媽咪～～～

撞瘀左

16 Mar 12 Claire:咦....我似唔似彊屍呀

Claire: 我好叻架, 識自己拎住個杯飲水.

呢日爸爸話可以準時放工陪我地食晚飯. 嘩, 好耐無試過啦. 媽媽梗係幫妹妹扮到淑女咁靚. 不過呢個只不過係外表, 睇佢額上既瘀痕, 就知佢有幾惡. 係自己發脾氣撼落地搞成咁. .

17 Mar 12 Claire: 媽咪, 你係度做乜呀

Claire: 插盲你....     媽媽: 哎呀, 我盲喇阿囡.

又有人想偷入廚房呀, 都唔知廚房有乜咁吸引, 媽媽明明已經走左出黎架啦, 阿妹仲要入去搞搞震至安樂.