Isaac 一歲了

10 April 10 晨早八點, 一家三口打的士去機場, 本來Isaac瞓到豬咁, 點知一去到機場放bb 車, 就醒左, 仲彈起身周圍望. 可能機場環境陌生吧

Isaac: 媽咪咁早帶我黎呢度做乜呢?

其實係爸爸媽媽帶 Isaac 去台灣呀, 因為翌日係 Isaac生日. 當係爸爸慰勞媽媽辛勞湊仔一年再加埋賀 Isaac生日. 一次過, 抵呀.

 Isaac第一張係飛機上面既相.

Isaac: 爸爸, 輪到我開餐未呀, 你地食哂飛機餐, 我仲未食呀?

去到台灣, 先去酒店check-in, 我地book左台北車站對面既凱撒. check in 完, Isaac仲係好眼瞓不過似足媽媽咁, 去旅行喎, 眼瞓都唔瞓啦, 點都要撐大對眼周圍逛

Isaac: 爸爸, 等我推啦                     爸爸: 你夠唔夠力架?

Isaac: 呀, 你睇個邊            爸爸心諗: 又話推車又掛住望街

Isaac: 好野, 我地坐捷運去淡水, 媽媽比我扮下大人自己坐

淡水一隅

Isaac好似大個仔左, 似個細路仔lu

Isaac: 爸爸, 你睇 d 水水, 郁架

11 April 10 呢日係 Isaac 生日, 一歲囉, 所以要帶呢件一歲生日口水肩. 不過去到台北, Isaac係鐘意玩同睇野多過瞓覺. 你睇呢張相, 又係好眼瞓但又唔願瞓既樣

Isaac: 媽媽, 我好眼瞓呀....爸爸拎住支咁似baby food 既野黎引我望既....

一家三口攝於台北動物園門口

Isaac大個仔了. 究竟你幾時至可以學識一個人關埋房門瞓覺呀? 媽媽試過幾次你都狂喊唔肯學瞓覺, 仲要個晚好似嚇驚左咁, 係咁喊醒. 大個仔要一個人瞓架啦. 知唔知呀?

工作vs遊戲

7 April 10 之前個日去黃金, daisy 姨姨送左個藍色波波比Isaac, Isaac愛不惜手, 成朝係咁拎住

我地返工, Isaac就係屋企返工打字. 佢好認真咁按keyboard d button架, 唔係'了' d button出黎. Isaac係學足我地咁打字架.

Isaac: 放工囉, 又到遊戲時間, 等我拎d心愛藍色玩具遊下先.

8 April 10 Isaac: 開工前先食個飽飽先

Isaac: 唔, 乜你又影人食野

Isaac: 媽咪, 唔好阻住我啦, 我要洗衫呀

Isaac: 嘩, 唔夠力呀, 要成個身"坐"落去壓下d衫先

Isaac: 再用力按下d衫就會乾淨d

9 April 10 Isaac: 嗚.....除左做野, 我仲鐘意玩. 呢個盒係我既玩具

Isaac: 仲有呢個十元雞既鐘. 我鐘意佢發光又識發聲. 到而家我都唔夻點解會有聲既

Isaac: 仲有呢張膠椅, 爸爸買比我推, 但我唔鐘意學其它朋友仔推凳. 我鐘意反轉張凳玩凳腳, 仲有係鐘意跪係上面或者企係凳上面又或者側身打坐係張凳上面, 引你地注意我.

10 April 10 呢朝起身, 要同Isaac出門囉, 出發去台灣, 臨行前好大風, 窗簾都吹起哂, Isaac就係咁指住. 好好笑.

黃金海岸一遊

6 April 10 假期最後一天, 媽媽約左班師奶s去黃金海岸. 因為之前個日去迪迪尼, Isaac去到至揾周公, 所以呢日點都要迫 Isaac瞓左覺至出去.

遲左去黃金, 朋友仔都去哂沙灘囉, Isaac唯有等下次. 呢次去探下Isaac最鐘意既氹氹轉先啦.

婆婆: Isaac 陪婆婆坐氹氹轉吖.

Isaac: 我想企係圓心多d喎

Isaac: 點解呢個圓形咁熟口熟面既..............係邊度見過呢 (其實屋企樓下個氹氹轉咪一樣囉)

夾硬拖Isaac離開佢最鐘意既氹氹轉後, 爸爸帶 Isaac 玩好似好危險既野, 就係行呢條搖搖下既吊橋. 隔離仲要有個大哥哥一齊玩緊, 睇到媽媽心驚胆跳.

Jasper 爸爸見 Isaac爸爸咁危險, 又走黎有樣學樣

 Isaac: 嘩, 好難平衡呀

Isaac: 咦, 爸爸你睇個度

Isaac: 等我擺個pose似大佬先, 唔係比jasper 搶哂威點得.

踩完吊橋, 又走去玩sir滑梯. 不過nathan仲未喊完囉, nathan媽媽話nathan比沙嚇親喎

Jasper: 你咪鬼喊啦, 男人老狗仲喊咁耐.      Isaac: 你兩個讓開啦, 我 sir 緊落黎呀, 一陣撞到你地唔關我事.

爸爸: Isaac: sir 落黎啦.....                         Isaac: 比我望多陣風景先得唔得呀?

話咁快 Isaac就sir左落黎, 仲要係自己young 落黎唔駛人推.

玩完一輪, 輪到大人們食野囉. 食完野又要返歸比bb們瞓覺覺

Isaac: 爸爸, 我地係咪返屋企啦            爸爸: 係呀, 但你唔好咁大力wear我啦...好痛呀

連續五日假期咁就過去, 每日都攰過返工呀阿仔.

迪迪尼草地一遊

5 April 10 呢日清明節, 爸爸媽媽仲未知去邊好. 忽然爸爸建議去迪迪尼酒店個大草地玩. 出發前, 先比Isaac食生果先 --- 香蕉半條

Isaac: 做乜又影我相

去到東涌, Isaac 又嘈要落地扮大人一齊推車仔. 越來越無佢符.

爸爸媽媽先shop一陣, 跟住同姨姨一齊入迪迪尼酒店食個tea buffet先, Isaac一坐上呢張沙發, 就好happy, 笑哂口仲狂摸張沙發.

Isaac: 爸爸, 點解呢張沙發同屋企個張唔同既?

媽媽: Isaac我地一齊影張相先啦                  Isaac: 媽媽, 唔好抱咁緊啦

媽媽要開餐, 掟Isaac坐highchair先.  Isaac: 乜你咁架, 慣住食

Isaac: 好在我連濕紙巾都玩一餐姐

超級疲累的一家三口

食完野, 爸爸媽媽就同Isaac出去大草地玩, 原來個草地真係好大架喎

Isaac: 嘩, 好開心呀, 咁大撻綠色既, i like it

姨姨仲同Isaac玩吹波波tim

Isaac: 我要捉波波呀

Isaac: 唏, 仲捉你唔到

Isaac: 點解 d 波波係咁走架

玩左都唔知有無十五分鐘, Isaac已經好累要揾周公囉. 爸爸媽媽好似白行一趟咁tim. 唯有沿海邊行下, 可惜好大霧, 無乜景睇. 不過有風, 其實都幾舒服.

由hollywood 行去disney hotel, Isaac仲未醒, 於是我地返番去東涌繼續shopping囉.

Isaac: 咦...

原來係水聲, Isaac鐘情於水水架, 有相為証

嗱, 呢張擰後扁咀, 係因為我地要走囉, 無得再睇水水

跟住成個身桔哂出去

向媽咪發嗲, 想返番去睇水水.

呢日好攰呀, 媽媽返到屋企攤左係沙發到恰, 九點幾已經要同 Isaac一齊揾周公囉. 點解假期仲攰過返工架