Isaac病倒了

29 Dec 09, 早上九點, 婆婆打來說Isaac尿片有一撻仔淺粉紅色血, 媽媽已經說, 要去睇醫生呀~~~, 婆婆堅持說, 唔係屎屎有血呀, 係片裡面有. 點解釋都無用.

十二點, 婆婆打來, 說Isaac嘔了. 原來半天屙了兩次爛屎. 好慘呀, 心都急埋, 馬上點婆婆去睇醫生, 但又揾唔到爸爸, 好在媽媽仲有理智, 馬上上網check以前睇開個醫生的電話, 可惜booking要到下午四時...嘩, 相隔四個hrs, 媽媽心急慣, 唔等得喎, 於是又上網問下各方好友, 又search下info, 就係碼頭揾左個不知名西醫睇.

不過都難為了婆婆, 三點幾出門睇, 五分鐘車程之嘛, 都要睇到成六點至返歸.

醫生話, Isaac腸胃炎, 好在無乜事, touchwood今日只係中午前屙兩次同嘔一次而已.但如果呢幾日仲有屙血, 就要了d便便再去睇醫生了.

呢日, 媽媽又走堂返去陪Isaac, 計返條數應該唔夠quota claim 政府個一萬蚊, 因為媽媽缺席已超過兩成了.

Isaac: 媽媽, 你唔好咁擔心啦, 我仲笑笑口架.

而且, 我仲係好似平時咁百厭, 要你費心去護住我個頭仔tim, 不過今日係靜 D 咁解之嘛.

最近, Isaac愛上玩凳

 

Isaac 多面睇

27 Dec 09 眾所周知, Isaac仔爛瞓程度係可以九十度拗腰既.....到家下八個半月大, 都仲可以拗架.

唔知佢可以拗到幾大至可以乖乖咁瞓呢.

除左瞓, Isaac 仲好鐘意食野, 唔信?

Isaac: hmmm 好似幾靚喎個橙

Isaac: 點解好似食唔到既!!

食共瞓外, Isaac 都有佢靜既面, 就係睇書書.

Isaac: 等我拎本書睇下先

Isaac 仔最鐘意係A-Z既書仔, 爸爸媽媽一揭慢D咋, Isaac已經急不及待催你(打本書or 自己揭書唔等你了) 希望Isaac大個都鐘意睇書啦.

除左書書, Isaac 最鐘意聽兒歌, 尤其係聽A-Z 同APPLE 呢兩首, 睇到入哂神仲笑笑口架.

唔好睇Isaac咁文靜, 其實佢都有頑皮的一面, 最近愛上"捐凳底", 摛日去bbq撞著橫風橫雨, Isaac 要比我地笠住個雨袋, 佢就好不耐煩了.

Isaac: 放我出黎呀, 做乜困住我呀?

28 Dec 09 Isaac: 媽媽, 你好啦喎, 講我咁多壞話既...我其實好乖架, 一個人可以好靜咁玩玩具---如果你陪我坐係mat的話.

前兩日, 即係26/12咁上下, 已經聽到Isaac 講baba兩字了, 不過係好間唔時咁講, 仲要兩個發音.

但呢日, 已經係一連串咁bababa, 媽媽入左廚房洗野, 仲聽到Isaac叫埋mama 架.

 

影相相

26 Dec 09 晨咁早, 媽媽就迫左爸爸去青衣城排隊 --- 其實係一齊去排隊, 為左呢個爸爸介紹既sanrio villiage, 爸爸個時話要帶Isaac去影相嘛, 鬼叫之前一次去到大排長龍, Isaac 已經要急住揾周公, 所以諗過度過,都係晨早趁大家都仲未起身時, 我地就出發.

不過去到, Isaac 仲係瞓緊覺, 但媽媽又唔想等佢起身, 因為一等, 人龍又會出現了. 足之大家摷醒Isaac....好明顯佢係好不滿, 成場都仲呆呆咁.

Isaac: 婆婆, 我好眼瞓呀 仲乜摷我起身姐

婆婆: 你媽咪話要摷醒你之嘛.

Isaac: 媽媽, 我買呢支花花比你吖, 你鐘唔鐘意架?

Isaac: 嘩, 好靚既南瓜喎, 等我買d返去比媽咪煮粥粥我食先.

Isaac: 媽咪, 呢d波板糖我食唔食得架?

Isaac: 唉, 我好眼瞓呀.....你地影完未呀?

聖誕唯一一張家庭照. Isaac 超級眼瞓 + 無奈 + 唔耐煩了.

晨早影完相仲可以去埋酒樓飲茶茶, Isaac 就係時間開餐了. 睇佢食得幾happy.

跟住, 返到屋企好忙呀~~~爸爸媽媽, 因為又要再開餐又要洗野, 到沖涼涼時, Isaac 仲好開心咁請請tim.

呢日, 爸爸媽媽放低bb係屋企比婆婆, 兩公婆走左去睇3D既阿凡達. 好耐無拍拖睇戲了, 呵呵呵.

聖誕日又跌跌了

23 Dec 09 Isaac: 媽咪, 我露少少膊夠唔夠靚仔有型呀?

24 Dec 09 Isaac係到做乜呢, 好似睇得咁入神咁既

原來係梅緊塊餅餅, 仲望實手仔個塊仔, 等住食.

25 Dec 09 呢日好慘呀, 媽媽諗住爭取時間做下家務啦, 就放Isaac係窗台玩, 媽媽係側邊抹玩具. 點知Isaac 又跌左落去呀....心痛死. 係隔離都跌到, 仲要撼到個咀仔, 係咁兩邊流血好似彊屍咁, 希望Isaac 牙較同d牙肉無事啦. 媽媽真係對唔住了.

好在跟住有兩大美人黎陪Isaac玩.

Isaac: 阿姐, 你做乜昅住我個圈圈呀?

Britney: 呢個圈圈我想攞先架喎.....

難得大家目光咁一致.

Isaac: 媽咪, 爸爸又偷影我出浴呀

呢日, 爸爸仲錄低左, Isaac 死都要執返個奶咀塞住把口, 笑死.

驚嚇

今天婆婆又清媽媽的相簿了, 呀, 好驚呀, 點解裡面有張阿仔既相相架.

XX年前既仔仔

VS 早幾日既仔仔

乜原來真係咁似樣, 餅印咁, 嚇死.

冬至

21 Dec 09 Isaac: 媽咪, 聽日做冬係咪出街食飯呀?

媽咪: 係呀, 出街街好無?

Isaac: 好呀好呀~~~聽晚出街街, 好野.

22 Dec 09 呢日做冬, 爸爸本來話帶bb去尖咀睇燈飾等bb多d視覺刺激. 不過爸爸遲左放工, 都係唔出去了. 係屯門食飯影相算啦.

媽媽: Isaac你做乜咁愁呀, 頭先明明好活躍玩支飲管架?

媽媽: 喂, 你做乜咁架, 對腳fing哂上枱都有既....

Isaac: 係呀, 我似唔似大爺呀?

呢日做冬食物有刺身, 爸爸話好靚要影張相喎.

媽媽爸爸食刺身, 免得Isaac仔好悶, 就比塊磨牙餅佢食, Isaac鬼咁鐘意食, 一路食一路笑笑口, 仲要笑到好甜. 食哂成塊餅餅仲好怕羞咁笑住拍拍手擰轉面唔比爸爸望到佢開心的一面.

做冬的反卷和炸物.

其實只係一部分, 慣住湊bb睇bb都唔記得影相tim.

唔知出年做冬, Isaac 會唔會一齊食到飯呢.

乖孩子

19 Dec 09 Isaac: 你做乜望我呀? 我想學媽咪咁, 剪指甲呀, 我識剪指甲咁媽咪就唔駛幫我剪咁辛苦啦.

Isaac: 唏, 我剪

Isaac: 噢, 跌左個鉗tim.

20 Dec 09 呢日媽媽帶 Isaac 參加朋友仔聖誕party呀. Isaac 成場最鐘意就係呢隻馬馬. 係咁捉實放.

捉實唔放例子咪係咁囉>>>留意下, 隻馬比 Isaac 捉到離哂地架

Isaac: 唏, d 女仔又喊啦, 好煩, 我都係專心做野, 學爸爸咁先.

Isaac: 媽咪, 呢個波咁既.....

呢次party有爬行比賽, Isaac 大熱勝出, 恨死隔離.

呢日媽媽好感恩呀, 事緣今天去完party 後, 爸爸要ot. 媽媽回到家和Isaac沖完涼涼後, 輪到自己啦, 又怕Isaac 扭計, 就同Isaac講, 輪到媽咪沖涼啦, 你乖d 等媽咪出黎...Isaac好似聽得明咁點頭跟住自己好靜咁玩, 直到我出黎為止至嗲我抱抱.

感謝神賜我一個聽話的小朋友喔.

氣温驟跌的一周

14 Dec 09 呢日, Isaac 仲可以著條薄衫薄褲

15 Dec 09 仲可以好輕盈咁玩碰碰架.

16 Dec 09 開始凍了.

唔知點解 Isaac 好enjoy 揾兩件玩具互相碰碰, 可能發出唔同既聲浪, 佢會覺得好奇, 點解呢樣同呢樣碰埋 d 聲唔同個樣同呢樣既呢....

17 Dec 09 Isaac: 我呢個 post 英唔英呀?

18 Dec 09 氣温越來越凍.....

 Isaac 而家好鐘意成張玩具枱拎起....就係類似呢個post 啦.

Isaac: 無呀, 其實我好乖架, 不過而家好眼瞓, 爸爸快 d 比我去瞓啦.

八個月了

11 Dec 09

Isaac 八個月啦, 八個月, 固體食物已經食左既有:

旦黃, 豬肉, 魚, 菜心, 西蘭花, 南瓜, 日本蕃薯, 紅蘿蔔, 粟米, 蘋果, 雪梨, 香蕉, 木瓜, 芝士

不過Isaac 八個月正日呢日, 媽媽要返學, 真慘. 爸爸又ot到好夜, 又陪唔到bb tim

Isaac: hmmmm, 等我計下日子先, 今日好似係八個月......

12 Dec 09 為左補償返無陪bb成個wk, 呢日媽媽返左工, 爸爸親自下廚泡制bb牛肉粥不特止, 仲帶埋bb落街玩, 你睇bb幾型仔

Isaac: 媽媽, 我企比你睇, 我大個仔啦.

Isaac: 爸爸, 好大隻河馬呀, 咁大個口既, 佢係咪想同我爭食粥粥呀?

媽媽放工返去, 同爸爸帶埋Isaac 去青衣, 諗住去影相, 點知排排下隊, Isaac 要瞓覺了, 唯有打道回府, 白行一趟.

眼瞓中的Isaac 冧人招數又駛出黎, 冧死又係好眼瞓既爸爸了.

13 Dec 09 摛日Isaac係青衣係咁拍手, 無錄低, 呢朝又叫Isaac 拍手仔啦, 佢又好敷衍咁拍兩野就收工(按此)

 呢日媽媽好累呀, 不過都早起身, 帶Isaac 返教會. 唔知點解呢兩日, Isaac咁鐘意食手指, 爸爸話係Isaac食餅餅既姿勢喎.

係咪真係? 睇下呢度咪知