HEA 黎影

24 Jan 10 Isaac去左邊呢, 點解得隻熊貓架....

Isaac: 邊個揾我, 我好似聽到有人叫我......

25 Jan 10 Isaac: 媽咪, 你又影乜呀?

26 Jan 10 呢日媽媽放學返黎, 發現又係無人幫Isaac影相呀, 拿拿臨補返飛先. 不過影得唔好, 無法子啦.

27 Jan 10

唔知點解呢個wk好似無乜心機影咁, 搞到無乜相post tim, 所以topic 叫hea黎影, Isaac仔唔好怪阿媽呀.

食通粉唔通真係咁好味

22 Jan 10 Isaac: 嘻嘻, 媽媽話我知今晚爸爸帶隻rody horse比我吖, 嘻嘻嘻....

Isaac: 無錯, 就係呢隻.

Isaac:爸爸, 我坐左隻rody 個樣係咪扮到好斯文含蓄咁呢?

23 Jan 10 點解Isaac又笑到咁開心? 咪因為食左通粉, 開頭試都仲係探索下味道.  ...試真d, 就笑到騎騎騎. 其實媽媽都唔明點解Isaac笑到咁開心.  

呢日Isaac瞓左一瞓後, 比媽媽發現Isaac左眼變左雙眼皮咁款呀~~~~oh, 點解會連呢個都遺傳埋媽媽呢, 一單一雙. 不過有可能係岩岩瞓醒至係咁. 睇多幾日睇下Isaac係咪都單雙先.

Isaac: 媽咪, 你做乜影我?

媽媽特登zoom近d, 左眼係有少少摺架....

企企 + 擘大口

19 Jan 10 Isaac: 唉, 好悶呀, 媽咪又返左工........

20 Jan 10 Isaac: 我唏 (用力起身)....

 好明顯 Isaac 真係好鐘意拆 d 地墊黎玩, 你睇由起身到行去網床, 都墊不離手.

Issac: 唔係呀媽咪, 你睇我而家企係到無拎住架.

 Isaac 鐘意聽兒歌, 一開比佢, 就好全神貫注咁聽, 完全唔記得自己係企緊既. 所以呢下都企左好耐呀, 不過係企住唔郁, 可能怕跌跌掛.

21 Jan 10 Isaac: ee, 你對腳好臭呀, 可唔可以移開呀?

夜晚 Isaac又走去扮daddy咁, 打keyboard.

跟住爸爸又捉住阿仔玩騎膊馬, 今次 Isaac 開心到擘大口得個隆.

兩個新玩意

17 Jan 10 自從食過面包後, Isaac 就愛上面包了. 唔通連呢個口味都遺傳埋媽媽??

下午, 幫 Isaac 約左朋友仔係屋企樓下玩.

爸爸: hmmm....做乜阿仔諗乜呢, 唔坐埋朋友仔到玩既?

Isaac: hmmmm...爸爸去左邊呢, 唔過黎陪我玩既?

要amy 媽媽出動彩色碗仔, Isaac 至融合埋朋友仔到一齊玩

 Isaac: 呢個黃色碗我比你啦, 我唔要呀, 咁女仔.

玩左兩個鐘, 返到屋企媽媽又整啤梨溶比Isaac食, Isaac 真係好鐘意食野架, 除左食粥食奶外, 其它甜點 (對Isaac黎講都係甜) Isaac就食到笑哂口.

18 Jan 10  Isaac: 爸爸, 你出門口喇?

大左既 Isaac 唔鐘意玩具, 鐘意拆哂地墊黎玩. 媽媽已經由得 Isaac 拆黎玩, 只有爸爸仲同 Isaac 鬥, 又砌又拆互搶

呢晚媽媽要同爸爸去買餸呀, 所以帶返頂帽帽, 因為媽媽發覺最近買左幾頂帽帽, 都無用過. 就夾硬幫 Isaac 帶返頂先出街.

 爸爸話帶左帽似女仔喎.

臨瞓, Isaac望乜呢?

Isaac: 喔...去左邊呢?

原來玩掟野,越掟越精神, 死未

掟波波&單手扶住行

16 Jan 10 呢輪, 爸爸話Isaac終於學識采人, 陪你玩一陣掟波波. 不過睇心情啦.

媽媽趁呢日半天假, 就同Isaac試下, 原來稍為有聲, Isaac都會陪你玩--- 一陣咁多. 都叫比面啦.

跟住, 爸爸放工返黎, 示範比媽媽睇, 要點扶Isaac單手扶住都行到. 果然行得好快呀.

第一次食面包, 唔知乜東東

16 Jan 10 呢日媽媽又要返工了, 究竟幾時至可以返五天, 周六日係全時間陪bb既呢 >_<

返工時, 買左包白面包比Isaac, 估唔到, 食包包食到咁開心, 仲笑到好甜tim

媽媽: Isaac, 唔好執面包碎食啦, 至多媽媽比多塊你喇.

Isaac: 真架?

Isaac: 哈哈哈哈....

其實Isaac 未見過面包架, 你睇, 比塊面包佢, 佢呆左一輪架, 要媽媽親自示範點食, Isaac至識食.

最搞笑係, 開始識點食面包時, 問佢好無食, 佢又笑笑口好似答緊你咁喎. 真可愛.

呢日放工返去, 婆婆話, Isaac個pat pat 比人wear損左一撻呀...睇真d又喎, 仲要係好明顯無左忽皮咁, 肯定痛死囉. 嫌疑犯係ee..不過明天問ee, 實唔認架啦. 全部人只有ee留長指甲, 激死. 下個新工人黎, 一定要唔淮佢留指甲. 太恐怖了.

熊出沒注意@九個月

10 Jan 10 呢日爸爸去街巿買左幾種生果返黎, 其中一樣係蜜瓜. 趁媽媽去左打波, 爸爸搞左蜜瓜溶比Isaac食. 其實媽媽都唔知bb食唔食得, 因為都幾甜架, 尤其對於鐘意食既Isaac黎講, 簡直係人間極品.

Isaac: hmm 好似幾好味喎

Isaac: 嗒真d又真係好好食呀.....不過要忍住笑. 唔係比爸爸識穿左我開心爸爸就會好得烕的.

Isaac: 媽媽打完波返黎, 我要扮下乖, 自己睇書書先....(不過本書係掉轉左)

Isaac: 我唏....

Isaac: yeah, 媽媽, 我一野企左起身呀, 叻唔叻呀?

不過九個月大既Isaac已經不甘於係地墊玩, 而家佢最興奮係周圍爬.

Isaac: 媽媽, 你又影我相, 爸爸已經呢埋左係我呢隻黑熊後面啦.

Isaac: 媽咪, 唔好成日影啦, 我食餅餅顧唔到儀態架, 我咁鐘意食野...

Isaac: 跌左一塊tim

Isaac: 好在比我揾到.

食完餅餅, 一償爸爸嘈左好耐既心願...無錯, 係爸爸唔係Isaac. 就係同Isaac坐呢d機動遊戲機, 原來Isaac好鐘意坐上去渣車的, 係咁搶個呔盤黎渣.

11 Jan 10, 呢日Isaac正日九個月啦. 話咁快九個月了. 固體食物已經食左既有: 旦黃, 豬肉, 牛肉, 雞肉, 魚, 菜心, 西蘭花, 西生菜, 豆苗, 蜜豆, 節瓜, 薯仔, 南瓜, 日本蕃薯, 紅蘿蔔, 粟米, 蘋果, 雪梨, 香蕉, 木瓜, 蜜瓜, 芝士

九個月大既Isaac, 曉得表達屙屎屎了. 媽媽不用每次都train Isaac坐痰罐. 因為Isaac有便意時, 已經曉得唔唔唔咁了. 好叻仔喔.

食完飯飯, Isaac又係周圍爬時間.

媽媽: Isaac你望乜呀?

Isaac: 無呀, 我擺下post 比你影相咋嘛.