再戰藍球

25 Jan 11 呢日Isaac再戰藍球, 因為爸爸又落樓下打波.

阿仔第時應該同我地一樣, 都好鐘意打波做運動, 見佢拎住個藍球好開心. 快 d 大 d, 一家四口落去打波啦. 不過阿囡我一定要教佢打羽毛球的, 唔係細細個變男仔頭咁同班男仔搶藍球就慘囉.

Isaac: 哈哈, 我搶到個波啦

Isaac: 我拋, 嘩, 爸爸你接唔實個波架

Isaac: 大肚媽媽, 你唔好掛住坐係度影相啦, 過黎一齊打

有左上次經驗, 爸爸話今次要帶波仔落去比阿仔, 分散佢注意力, 唔好成日同爸爸搶藍球喎.

堆波仔同個鑊仔, 其實只有工人同阿仔至明點玩既拍波囉, 因為工人教阿仔用個鑊仔係咁打波. 不過阿仔成日都打到大大聲咁騎騎笑架喎

Isaac: 媽媽, 過黎我教你拍啦

拍到成地都係波仔.

Isaac: 我唏....

Isaac: 媽媽, 我呢個姿勢似唔似掟飛碟呀?

Isaac: 哈哈, 不過堆波仔無用架, 我都係鐘意搶藍球

圓方一遊 (2)

終於係第二個folder度摷返另外既相出黎啦. 原來真係影左唔少相不過相機自動分folder.

阿仔一入到圓方遊樂場, 其實第一樣野想玩係呢個氹氹轉, 可惜無位. 玩到咁上下終於有位, 爸爸捉左阿仔上去坐

Isaac: 媽媽, 我開車啦

其實呢個氹氹轉係腳動既車咁, 要踩郁佢至會轉. 點知呢轉呢, 無人踩腳踏喎, 爸爸唯有人手推, 成班細路笑到騎騎騎. 媽媽就睇到心慌慌, 好驚爸爸太快, fing左阿仔落地. 因為爸爸無捉實阿仔黎轉架. >_<

Nathan 天王行網, 好小心

可惜後面跟著左活躍仔 Isaac, 猛咁係個網到跳, 當堂嚇到 Nathan 驚驚, 越來越慢動作咁行去另一邊. 爸爸話一陣嚇親人地喎.

返到圓方商場, 阿仔又要扮返斯文, 因為玩完啦嘛

Isaac: 我呢個姿勢夠唔夠老積, 前後腳喎

Isaac: 咁擺夠唔夠可愛呀爸爸?

Isaac 係公認鐘意sharing既小朋友, 性格一點都唔似其它獨霸野玩or爭野玩既小朋友. 可能爸爸媽媽好愛 Isaac, 所以 Isaac 年紀細細, 但都識得關心返爸爸媽媽架. 除左爸爸媽媽, 阿仔對公仔一樣咁愛錫. 好似呢隻白兔咁, 呵完仲要kiss 返一啖,

 好似阿仔平時對爸爸媽媽咁. 有時見到爸爸媽媽唔開心, 阿仔都會即時跑黎呵返我地仲要係咁 kiss 我地黎氹我地. 好聽話

Isaac: 爸爸, 我咁坐夠唔夠cool.

四天王一齊坐, 不過目光都唔一致.

圓方一遊 (1)

23 Jan 11 呢日我地去圓方, 因為天王媽媽話要去圓方個公園玩喎.

我地好準時到架, 不過三大天王都未到, 我地自己影下相仔先啦, 21個月既阿仔, 家下已經企定定擺POSE 影相, 仲要企得好正經. 無哂以前個 D 又踎呀又翁鼻古靈精怪樣.

Isaac: 架車好靚呀, 幫我影返張留念吖

呢個咁特別既裝飾, 爸爸話要阿仔影張相喎. 跟住阿仔又真係企係度唔郁等你影飽佢

其中一個天王到左. 係咪逢親叫四大天王都不和既呢可, 好似娛圈咁.

Nathan: 我睇你唔到      Isaac: 我都好無奈, 你估我想同你合照.

跟住去遊樂場玩, 呢個類似繩網既野, 岩哂仔仔, 一點難度都無

Isaac: 唏, 我話咁快就飛到過黎啦.

Zac: 嘻嘻, 我要等埋 Isaac一齊過網呀

Zac: 姨姨, 你幫我同爸爸影張合照吖. 不過爸爸係後面.

咁多個設施中, 阿仔最鐘意坐車車, 坐左好耐都唔願走. 開頭係迫於無奈做乘客.

後黎終於有機會做司機了, 你睇阿仔幾開心

Isaac: 我學爸爸渣車車呀, 爸爸, 你想去邊呀?

吖.......摛晚upload相時, 問爸爸點解咁少相既呢.........爸爸仲話, 跟住無影啦嘛.........寫寫下, 忽然醒起, 可能其它相落左相機另一個folder到. 等媽媽返屋企再摷返 d 相出黎繼續寫圓方呢篇先. 以後真係唔好淨信爸爸講野

有原則的阿囡 @ 30周

阿囡真係好有原則, 係遺傳自爸爸呢, 定係媽媽呢?

 

呢次去產檢, 醫生又係好好人咁諗住影下囡囡個靚樣, 點知呢................阿囡原來用兩隻手一齊黎遮住塊面仔, 真係無佢符.

 

媽媽都好無奈咁問左一句: 乜d bb 成日用雙手遮面既咩?

醫生聽到, 無回應, 因為唔知點回應.

 

醫生左右兩邊係咁大力推媽媽個肚諗住推開囡囡對手, 但都搞唔掂.

 

卒之, 要媽媽食完飯再去照下啦, 見醫生咁想幫地影4d, 唯有食完飯再返去. 隔左兩個鐘. 返到診所, 阿囡對手係放低左...................不過, 塊面敷左塊mask, 因為成塊面特登中埋去個胎盤到, 唔比人睇. 醫生夾硬影張相啦, 就好似個冚左絲襪既賊人一樣, 模模糊糊. 真係無符.

 

不過叫聽話既呢, 就係阿囡終於掉頭了, 媽媽可以放心準備順產. 呵呵呵.

 

 

 

囡囡生長情況                                   哥哥生長情況

6wk 2d         0.57cm                             6WD 6D           0.96CM

10wk2d        3.40cm                             10WD 1D         3.16CM

11wk2d        4.50cm                             12WD 5D          6.39CM   

17wk1d          6安士                             20WD 1D           12安士

20wk1d        13安士                             24WD            1磅 8安士

25wk2d    1磅 7安士                            27WD 5D      2磅 6安士

28wk5d    2磅 3安士                            31WK 5D     3磅13安士

30wk2d    3磅 2安士                            33WK 5D      4磅 7安士

                                                              34WK 6D     4磅12安士

                                                              35WK 5D      5磅 4安士

                                                              36WK 5D      5磅 9安士

                                                              37WK 6D     5磅13安士

                                                              39WK 0D     6磅11安士

                                                              39WK  6D     7磅 4安士

                                                              40周出世            3.25 kg   

打藍球

21 Jan 11 呢日爸爸得賞所願, 就係同仔仔一齊打藍球. 因為太夜關係, 媽媽只係帶左阿仔落去一陣咁多啦.

Isaac: 爸爸爸爸, 我要射波          爸爸: 比你啦.

Isaac: 波波, 唔好走啦.

Isaac: 媽媽,一齊射藍吖                 爸爸: 喂, 阿仔, 你拎走個波我點玩呀

阿仔實在太興奮, 起勢咁拎住個波通場跑. 又學爸爸射藍. 大肚媽媽都射左一下, 估唔到咁多年無打, 一擊即中. 可惜跳左一下都唔敢再跳了, 免得整親個肚. 其實媽媽都想打埋一份呢. 好想跑出一身汗呀, 大半年無做運動, 好難忍............>_<

Isaac: 哎, 又甩手tim.

睇住阿仔追波個樣真係好搞笑, 可惜媽媽無帶相機, 否則可以錄低佢, 比佢大個自己睇返.

媽媽快d生好bb啦, 生左放產假, 可以同爸爸一齊射藍又打下波, 到時可以陪Isaac一齊追波, 放假多一樣親子活動, 應該好開心的.

真我

呢幾個月以黎, Isaac明顯變得好active, 唔知係咪爸爸媽媽放假都好落力同佢周圍去, 所以 Isaac 長期處於亢奮狀態. 無論係屋企, 定係同爸爸媽媽出街, 都會有以下表現.

 

多謝工人終於都錄低左阿仔個亢奮表現.

 

有時同爸爸媽媽出街, 忽然興奮上黎, Isaac 都會係街到又跳又叫. 講都無人信. 因為一見到外人呢, 就會即刻扮斯文同文靜, 果然有阿媽遺傳呀. 媽媽細個又係咁架.....見到外人就算係親戚都會扮斯文, 無人不讚媽媽斯文乖巧, 不過婆婆就會好討厭咁玩踢爆, 係咁數其實係屋企不停咀咁講野, 駁咀駁舌到不得了..............所以媽媽最憎係家長日. 不過咁寫, 又提醒媽媽以後對外人 or 家長日, 都唔好踢爆 Isaac 其實係不停咁又叫又跳, 精力旺盛 ^_^

心情有點低落 @ 28周

阿囡呀阿囡, 點解你咁唔聽話既呢.............

 

醫生一路照超聲波, 一路係咁自言自語, 唔聽話呀下呢個bb

 

唔聽話之一: 醫生都記得, 你每次都要遮住個靚樣, 唔比人見到. 難得醫生呢幾次都想拍下4D影清楚你個面仔比爸爸媽媽睇嘛

 

唔聽話之二: 28周將近29周, 但頭仔仲未倒轉. 醫生話, 二月中你再唔倒轉, 媽媽要有心理準備開刀. 因為一過34周, 頭仔倒轉個機會率係好細. 二月底就要約手術室了. 爸爸聽到, 好像有點不開心.

 

唔聽話之三: 呢個媽媽真係有點嬲, 點解近 29周既你, 仲係咁細粒架. 得兩磅. 醫生說是徧細碼.  媽媽明明前後重左 16 磅, 扣除胎盤同臍帶, 仲有十磅去左邊? 一諗起到時生完除左要面對鬆到FING出黎既肚皮外, 仲要修返呢十磅, 媽媽就好唔開心, 好唔開心好唔開心 x N

事實再次証明, 陀仔陀女皮膚唔係傳統講會變好or 差, 仲有就係, 再次証明, 多食雞旦同飲奶都未必對胎有幫助, 呢胎媽媽日日食雞旦咁滯, 有時仲要打孖食, 一日又飲兩盒奶. 但阿囡仲係堅持要 keep fit, 無計.

 

囡囡生長情況                                   哥哥生長情況

6wk 2d         0.57cm                             6WD 6D           0.96CM

10wk2d        3.40cm                             10WD 1D         3.16CM

11wk2d        4.50cm                             12WD 5D          6.39CM   

17wk1d          6安士                             20WD 1D           12安士

20wk1d        13安士                             24WD            1磅 8安士

25wk2d    1磅 7安士                            27WD 5D      2磅 6安士

28wk5d    2磅 3安士                            31WK 5D     3磅13安士

                                                              33WK 5D      4磅 7安士

                                                              34WK 6D     4磅12安士

                                                              35WK 5D      5磅 4安士

                                                              36WK 5D      5磅 9安士

                                                              37WK 6D     5磅13安士

                                                              39WK 0D     6磅11安士

                                                              39WK  6D     7磅 4安士

                                                              40周出世            3.25 kg   

                                                             

 

happy 2 days

8 Jan 11 呢日婆婆話係畢業典禮喎, 早成兩個月約左我地去觀禮. 不過媽媽要返工, 觀禮就免啦, 因為媽媽遲大到, 唯有係出面影下相等婆婆出黎啦.

未到呢日, 阿仔已經不停 up 姨婆姑婆舅父姨媽同埋笑..............因為佢知呢日要影相, 要笑

放工飛返屋企再帶埋工人同仔仔影左相先

兩隻野做乜咁齊心踎低呢

原來睇貓貓呀, 唔知幾時唔知點解, 呢排阿仔係瘋狂咁愛上貓貓

一出街見到貓貓就係咁say hi 係咁揮手, 係咁叫貓貓, 仲越叫越可憐咁....因為 d 貓唔啋佢吖嘛，咪越叫越無癮掛

Isaac: 貓貓, 你係度做乜呀?

貓貓: 你做乜踎係度裝我

Isaac: 媽媽, 婆婆姨婆姑婆佢地咁耐都未出黎既, 好悶呀

媽媽等到差唔多瞓著咁滯, 婆婆佢地至完左個典禮, 影左一輪相, 又去食晚飯了. 阿仔真係好少可同成班親戚一齊食晚飯, 難得呢晚肯坐足差唔多三個鐘, 仲不停咁整古做怪, 姑婆同姨婆都話阿仔古古惑惑. 梗係啦, 佢遺傳左老豆個 d 古靈精怪既表情嘛.

9 Jan 11 呢日下午, 同阿仔去揾雪晴妹妹, 好耐無黎囉. 但阿仔既記性係超乎阿媽想像. 點解? 因為一去到, 都唔駛兩分鐘, 阿仔已經無耐性企係個廳到, 自己好自然咁走入雪晴妹妹既玩具房, 自己坐低就玩車車. 熟哂架步咁...........之前黎過兩次咋嘛, 仲要成八九個月無再黎過, 咁都記得.

Isaac: 媽媽, 你睇少我

Isaac: 我仲記得呢套煮飯仔, 當日我細個黎個時, 已經係咁玩

雪晴妹妹後黎入房, 指住阿仔講: 呢個係 bb 黎架.......well, 好搞笑, 唔通雪晴妹妹當自己係大個女, 大份過佢既Isaac 卻係一個bb

雪晴妹妹: 媽媽, 點解呢個 bb 係度玩煮飯仔既

阿仔已經有意識係揾同伴玩, 因為妹妹一出玩具房, 阿仔都會望下佢去左邊, 仲會拖返佢入房一齊玩煮飯仔.

玩左一陣, 齊齊坐沙發開餐, 餸菜係電視巴仙光年卡通片.

呢兩日阿仔不知幾開心, 雖然媽媽好攰, 不過平日無得出街, 放假點都要帶佢周圍去下架啦. 夜晚, 阿仔仲一個人獨食哂成個北海道牛奶布甸....食完後好似上身咁, 勁high, 又重演爸爸媽媽好眼瞓但佢就係咁周圍跳係咁叫既現象.

新年新開始

新年新開始, 阿仔越來越獨立. 要做一個大人喎

出街已經唔肯再坐 bb 車, 除非瞓著左唔知情就無得講. 行街仲要自己拎袋

Isaac: 咦, 我feel到爸爸影相, 等我企定定先

由屋企拎到去巿中心, 阿仔仲好堅持...........

Isaac: 點解今日好似行得無咁輕鬆咁既

不過當見到媽媽係小販度買鹽焗蛋後, 個袋即飛左比爸爸, 要衝上黎食雞蛋囉, 果然食係第一.

新年新開始, 呢日我地去左飯堂食飯, 阿仔晚餐係兩個飯團. 不過只係食到一個咁大把

除左出街要做大人, 阿仔話係屋企都要學習自理能力喎

明明係媽媽想幫阿仔剪腳甲, 點知阿仔自己除哂對襪, 坐係地下, 有模有樣咁學人自己剪

 爸爸, 你咪以為阿仔唔識除襪呀, 佢要除個時, 真係快到你唔信.

Isaac: 呢 d 小兒科, 邊難到我

 不過阿仔手指仔仲未夠力按個指甲鉗. 相信好快佢會摸到個技巧, 會自己剪架啦, 唔知兩歲得唔得呢

呢日有朋友黎探訪, Isaac 聽到不知幾興奮, 係咁企係門口叫住叔叔叔叔叔叔

不過有相為証, 阿仔係學足爸爸既

所以身教真係好重要

Isaac: 新年快樂呀. 我又就黎做哥哥了, 我希望做好呢個角色, 等媽媽再錫我多 d.