25 Feb 11
Isaac:呢日媽媽生日, 我特備左幾個POSE 氹媽媽開心
Isaac: 打唔到比媽媽呀, 仲諗住打去同媽媽講生日快樂tim
Isaac: 呢個紮馬姿勢係咪好核突呢. 但媽媽見到會笑架喎
Isaac: 嘻嘻, 呢個拗腰加少少屈腳唔係個個做到架
Isaac: 你影好d呀, 媽媽今晚返黎睇架, 我要氹媽媽開心
Isaac: 呢個pose掂唔掂?
Isaac: 但我都係鐘意貓貓多d
Isaac: 而家正經扮下打鼓先
Isaac: 跟住扮魚游水, 我撥撥撥. 
Isaac: 最後係dancing, 跳返隻生日舞賀媽媽先
呢晚爸爸媽媽去左洲際食buffet. 不過唔好海鮮的媽媽, 感覺上都係帝苑同見城好食好多囉. 不過洲際個景就靚好多, 係望哂成個維港景食.
呢日媽媽生日, 爸爸老年咁遠去到大坑買呢兩支糖花比媽媽, 話係仔仔囡囡送架喎.
爸爸就買左呢樽畫哂心心同i love you 既糖比媽媽. thank you 爸爸.
24 Feb 11 呢日媽媽產檢, 一如以往, 都係帶阿仔出左街街先去睇醫生.
我地呢日無去飲茶, 去左食M記早餐. 估唔到阿仔咁大食, 成份通粉早餐比佢掃清. 媽媽真係服左你囉阿仔
Isaac: 我feel到有鏡頭影住, 等我扮個有儀態既樣先.
食完早餐, 我地即去supermarket 買餸. 阿仔明明食到好飽架啦, 做乜仲比呢 d 甜品旦糕櫃吸引住架
Isaac: 你唔記得我一歲未懂性已經係台灣係咁 lui 住甜品旦糕櫃咩? 爸爸賴係你遺傳我架喎.....
去完 supermarket, 我地去圖書館. 一如以往, 一去到商場, 阿仔就會好high咁跳跳紮紮.....真係sorry, 媽媽錄唔到最瘋狂個時. 呢個video 算係斯文咁跳了. 又有可能係阿仔由朝到晚不停咁跳, 所以食量至咁驚人掛..................
每次去圖書館阿仔都好high咁大叫大跑. 媽媽每次都好驚比管理員鬧.
Isaac: 媽媽, 我家下好靜好斯文咁擺pose你影相架.
19 Feb 11 幼稚園開放日, 爸爸話要媽媽請假一齊出席喎. 一如媽媽所料, 呢 D 開放日真係隨便你地各人走黎走去, 根本無老師會一對一咁睇住參觀者既. 所以我地好快走得.
開放日都係比 D GAMES 小朋友玩. 不過媽媽睇返, 呢日開放日好似在校生返去睇頒獎禮多過我地呢 D 連INTERVIEW都未有既校外生囉.
阿仔企定定比老師要求帶住個好女仔既白兔耳仔, 玩跳跳. 阿仔最開心就係跳, 岩哂佢個範
不過阿仔似乎鐘意自由活動去搞搞震課室多過玩GAME
嘩, 幾專心上堂........................其實係睇電視
去完開放日, 我地揾左婆婆去飲茶. 當中有個嚇親媽媽既小插曲. 話說爸爸婆婆好聚精匯神咁坐埋一邊玩電話同休息. 媽媽企係出面睇籌號同埋陪 Isaac 走黎走去. 當叫到差唔多我地張枱時, 媽媽諗住行出少少揮手示意婆婆同爸爸拎埋張籌黎拎枱啦......就係呢刻, 阿仔唔見左呀, 但婆婆又見唔到媽媽揮手喎, 爸爸又好專心咁上網. 阿仔唔見左, 媽媽不停轉身周圍望都唔見左阿仔, 忽然唔知要去邊度揾, 好驚阿仔自己走左落後面個扶手電梯到囉
好在後黎穿過人群見到阿仔企係酒樓個包點conrner位到, 仔仔咁岩又見到媽媽, 即刻走埋黎, 個時見到阿仔都似媽媽一樣, 有點嚇親.
自從一歲, 阿仔就開始鐘意畫野, 一埋位見到筆就好自然咁要人拎支筆比佢畫一番.
好認真架, 畫埋爸爸啦, 太陽伯伯架. 唯獨係畫巴士小巴就要媽媽出馬.
夜晚, 我地去食烏冬, 媽媽好安慰. 因為見到阿仔自己顧自己食. 唔駛媽媽照顧. 望住阿仔食野呢刻, 媽媽真係覺得好安慰呢.
14 Feb 11 Isaac 第二年既情人節, 終於唔係撞正大年初一. 爸爸話要同埋 Isaac 一齊去飯堂食飯喎
媽媽的兩個情人, 出年會有三個. 不過睇爸爸個冧樣, 似乎阿仔係佢真正情人黎
情人節, 媽媽更加唔會戒口, 照食可也, 呵呵
媽媽話過要食多 d 肉等細囡快高長大, 所以呢餐唯有叫扒. 好在係好好好細舊, 不過媽媽都食唔落咁多肉
爸爸一路食一路彈既主菜.
阿仔好專心咁睇餐牌, 而家阿仔去親餐廳都要學人點菜. 好搞笑. 一如以往, 阿仔又逗到隔離枱既夫婦開開心心, 周圍撩人既性格越來越明顯. 個對夫婦仲讚仔仔好乖又多野講..........係咩, 多野講咩?
Isaac: 爸爸, 幫我點呢個.
成餐媽媽最鐘意食呢味了, 呵呵呵, 阿仔都忍唔住坐係媽媽大脾一齊筆黎食. 呢 d 叫有福同享.
返到屋企繼續食, 呢個朱古力士多啤梨旦糕係爸爸係海港城買返黎既, 一打開個盒, 就好香朱古力味. 正
爸爸媽媽三扒兩撥已經 KO 哂成個旦糕, 阿仔係餐廳已經食到飽飽, 對呢個旦糕興趣不大.
呵呵, 多謝爸爸.
5 Feb 11 年初三, 開始我地好優閒既新年假期. 因為唔駛去九園又唔駛拜年. 朝早帶阿仔去食個菠蘿包早餐, 阿仔繼續佢周圍撩人既本色, 仲氹到隔離枱個婆婆顏飛色舞, 猛讚阿仔好乖. 仲比左封利是阿仔, 媽媽真係超級唔好意思.
下午瞓醒晏覺, 去揾爺爺食個晚飯. 去爺爺屋企前, 係樓下個公園玩一陣, 阿仔已經好開心了.
Isaac: 爸爸, 媽媽做乜成日坐係到唔玩呀?
好動既 Isaac 一 d 都唔驚爬上爬落, 呢個爬上去既斜板一點難度都無. 不過媽媽嫌塊板太污糟, 都係爸爸的住佢踩上去好 d.
玩黎玩去, 阿仔都係鐘意轉呢個飛機多 d.
6 Feb 11 年初四又好hea, 一家三口出去食個早餐, 阿仔又周圍撩人, 媽媽幾驚又無啦啦多一封陌生人比既利是. 食完早餐跟住去朋友到拜下年又半天了.
食完早餐話同仔仔影相啦, 阿仔擺哂pose. 死都唔肯放返隻腳落黎影相.
返到屋企仲好早, 洗完白白食個生果就瞓晏覺咁又一天了.
Isaac: 做乜影我食相呀?
Isaac: 我專心食, 唔理你.
一連四日假期咁快就過左去, 仔仔同媽媽都好開心, 因為日日都有節目但又唔會似聖誕個時咁辛苦早出晚歸. 而家媽媽最期待係放產假既日子了, 因為可以日日對住仔仔女女親子下.
4 Feb 11 年初二唔駛拜年, 媽媽就建議晨早去九龍公園玩下先. 點知去到, 成個公園既噴水池都無水噴, 媽媽仲諗住比仔仔睇水水架嘛, 真係有點掃興.
食完早餐既兩母子, 好齊心咁一齊行去公園. 你睇兩母子幾幸福幾ENJOY
去到公園, 爸爸話要同仔仔睇BIG BIRD喎.
爸爸最鐘意就係睇動物.
Isaac: 我都好鐘意.....摸架...
唯一一個有水睇既地方, 就係百鳥苑出面
呢張相媽媽覺得勁樣衰, 但爸爸竟然做左桌面背景, 話做乜兩母子咁似樣喎, 連影相表情都要一致埋.所以都比面下爸爸, 放係blog到啦.
爸爸好落力影相bird bird 時, 阿仔就好無聊咁周圍玩
估唔到連麻雀都咁齊心企哂係度
咦......點解阿仔眼濕濕挨係媽媽到呢?
事緣爸爸買雪糕食, 一買完轉身唔夠兩秒, 阿仔即撲向爸爸仲擘大口要食雪糕, 媽媽見狀忍唔住大笑..................then 可能太大聲, 仔仔以為媽媽鬧佢, 咪成副扮哂野既衰樣扮喊囉. 而家絕招黎架, 無左以前既撼頭埋牆或瞓地既發脾氣, 改為扮嗲喊.
扮嗲喊絕招成功, 爸爸第一啖就比仔仔食
爸爸: 你睇阿仔, 食完咁快又要擘大口食 Isaac: 呀..................
爸爸: 嘩, 你就黎食哂喇....留返 d 比我呀
Isaac: 等我睇下我個頭大, 定呢個窿大先.
係九園玩左近兩個鐘, 我地就去海港城lunch了. 一路lunch媽媽一路好想瞓. 返到屋企同仔仔大被同眠後, 傍晚就去婆婆到拜年了. 呢個新年好似日日都咁充實咁既
