去驗眼

18 Aug 15 話說四歲又要去驗眼，不過之前媽咪湊住兩個小朋友都幾忙。健康院又只可以周二下午去，所以，媽媽索性拖住無去。咁岩暑假醒起Claire 周二下午不用學野，一於約期同佢去驗下眼仔，雖然流流地，不過都叫做驗過吖。

去到等既時候，有個衰妹勁樣衰⋯⋯

Claire: 你做乜話說我樣衰姐⋯⋯

點解咁既樣？因為，媽媽忽然聞到一股好臭既味⋯⋯問下平時無放屁既Claire ，係咪佢放，Claire 就咁回應⋯⋯按我

見到真係想打打佢屁股。

好流既健康院驗眼，結果一切正常。咁又走得了。

體操彈床節錄

17 Aug 15 又係時候上體操彈床班，呢日錄到Isaac 動作純熟咁做彈床動作 －坐轉跪趴分腿抱膝，真係睇到媽媽眼前為之一震。佩服佩服！（按片）

至於體操方面，Isaac 呢堂好少可咁大膽，自己彈跳去前方既單槓。果然玩左成個暑假，玩到熟哂，膽都大埋。（點我）

之前Isaac 成日都怕輸既引體上升，牛高馬大既佢，次次都鬼咁快落返黎。呢次都好似唔例外。真係睇唔出佢對手臂咁無力喎⋯⋯（點我）

暑期黏土油畫班

17 Aug 15 呢日收到畫班老師SEND黎既相，係Claire 上暑期特別班 －輕黏土油畫。媽媽見幾特別，二合為一，就幫Claire 報名玩下。第一堂係做黏土先。原來搓左一隻兔仔同一隻企鵝仔。第二堂就油畫，之後黏埋一齊。

好專心畫雲既Claire.  

黏埋輕黏土之後，仲用工具𠝹花紋，Claire 上堂真係又專心又落力架。

完成左幅好靚既黏土油畫，Clarie 一返到屋企，就話送比爸爸。不過爸爸第一時間已經放埋一邊封塵。如果Claire 好似哥哥咁，一做完送比媽媽，咁幾好呢。

甩牙記

14 Aug 15 呢幾日，Isaac 都好愁苦，因為佢有一隻牙鬆左，想甩想甩但又唔甩咁。呢晚，Isaac 無啦啦坐係到喊。真係嚇親。想知點解？（按此去片）

呢幾日爸爸唔係香港，Isaac 好決絕咁叫媽媽幫佢扯甩隻牙。不過媽媽都好驚呀⋯⋯都係等幾日，爸爸返黎先啦。嘻嘻。

15 Aug 15 係時候要清下野，講既，就係收藏呢叠超厚既愛心勞作。係Isaac 由K1 開始，日日係學校整比媽咪既畫同勞作。以前，日日放學，都會好開心咁比媽咪睇佢勞作或者畫，然後送比媽咪。真係好令人窩心。

18 Aug 15 呢日，正當媽咪同妹妹沖涼時，忽然哥哥大叫⋯⋯原來，係佢自己整甩左隻牙呀。嘩，終於甩第一隻牙了。開心得佢吖，仲懶得戚話唔痛。唔知邊個之前痛到想喊想喊呢。

巡例都要影下隻牙位。不過影埋Isaac 爆拆既臉頰TIM。

唔好以為甩左就唔驚，之後個D牙，都係生左恒齒先，攪到有一隻乳齒要去牙醫剝，明明打左麻醉針，但醫生話根太長，唔可以一扯就得，最後要慢慢擰，擰到Isaac 流哂眼水係度喊，為左呢D牙仔，Isaac 唔知最後會喊幾多次，先可以換哂成棚乳齒呢。

撲厘厘

14 Aug 15 上完跳繩堂返屋企，無乜野好玩，媽媽就提出玩撲厘厘。一講玩呢個，兩兄妹不知幾咁興奮。不過，捉人永遠無媽咪份，因為兩兄妹都好怕被人捉。媽咪厘埋一邊裝佢地捉，又係另一番樂趣。

先睇Claire 妹妹幾老實咁周圍摸先。（去片一）   （去片二）

跟住到哥哥捉我地，睇下係咪一樣咁老實周圍摸先。（按此去片）

由細到大，媽咪都鐘意同佢兩兄妹玩撲厘厘，真係玩極都唔厭。

努力跳跳跳

14 Aug 15 又到跳繩堂。其實Claire 好似真係無乜意欲去玩，不過佢知道報左名就要去，就唯有繼續去。又有可能，對佢完全唔識跳繩既妹妹黎講，睇見其它同學既花式，佢覺得真係好難，所以更加唔想去跳。

點都好，睇見Claire 好努力嘗試，媽媽已經覺得佢好叻了。睇下呢堂，阿妹點跳大繩先。（按此）雖然都係會比阿SIR笑越跳越前，不過可以連跳到幾下，有進步了。

唔單止跳多左，Claire 仲可以係跳大繩時，做埋花式動作TIM，開合轉身都做到，好勁呀。（按此）

阿SIR見妹妹進步左咁多，就比佢玩下隻人跳大繩。又真係幾難既⋯⋯不過好好笑，兩個小朋友跳跳下，跳到走哂位。睇片笑下先。

後黎，Claire 仲同哥哥一齊跳大繩呀。兄妹檔，齊心就事成。（按此）

17 Aug 15 自從學跳繩後，媽媽都叫Claire 係屋企試下。因為媽媽想Claire 越跳越高吖嘛。可惜Claire 成日跳唔到。估唔到學左幾堂花式跳繩後，Claire 自己可以控制到條繩之餘，仲跳到幾下了。睇下，開心到佢自己尖叫，正傻妹黎。

花式跳繩第三堂。開合踢腳

14 Aug 15 又到花式跳繩堂時間。當時仲未係好熟跳繩既Isaac，就要係大繩上做埋花式  －開合踢腳轉身，媽媽睇見佢覺得好叻呀。真係手腦協調得好厲害。（按此去片）

跟住，阿SIR仲要挑戰難度，整個隻人跳大繩。媽媽真係邊睇邊笑。（按此）

不過，講好笑，都唔及兩兄妹上場，兄妹檔跳大繩。身型差咁遠，真係要哥哥帶住至得。（按此）

Isaac 呢堂都好努力自己練習個人跳。臨放學時，阿SIR見佢跳得幾好，就叫佢出黎示範表演。Isaac 當然無怯場啦，一樣跳得咁粹熟，睇下。。