最後一次賣旗

26 Aug 15 呢日又係賣旗日，Isaac 例牌參加，呢年係最後一年，朋友仔好似買少見少，唔係好多人參加，可能撞正佢地小一適應日掛。最後一次，就出發前影張相留念吧。呢日之後，大家都各散東西了。

雖然口口聲聲話掛住同學，不過呢日碰面，Isaac 都無野講咁，好含蓄。

呢年係Isaac 最後一次以學生身份賣旗，亦都係第一次同妹妹一齊參加，咁梗係都要同阿妹影返張相先啦。因為影完後，Isaac 就同妹妹分開兩邊去賣旗了。

辛苦左一朝，終於夠鐘交旗袋了。成程賣旗，Isaac 成日嘈話要痴住同學一齊企，之後係人地個個都係分開企，因為大家係落力賣嘛，唔係玩⋯⋯唔知Isaac 幾時至明呢。

Claire：哼，你就好，可以有媽咪陪你一齊賣⋯⋯

第一次賣旗

26 Aug 15 一年一度學校賣旗日又到了。Claire 引頸以待左好耐架啦，原本係諗住爸爸同佢一齊去賣旗既，點知爸爸後黎唔去，只剩媽媽拖住兩兄妹⋯⋯卒之，老師唔比Claire 去賣旗。幸好，Claire 同學媽咪聽到老師說話，咁岩佢地兩個家長一齊陪㪫㪫賣旗，所以，佢地可以義務騰出一位家長陪Claire 一齊去賣旗了。Claire 返到學校，知道唔比賣旗之後又比賣，不知幾咁開心，鬆返一口氣。梗係啦，細細個已經望住哥哥去玩，佢平時又好期待去幫人貼貼紙，個朝返到學校，聽到老師唔比一個家長帶兩個細路賣旗，Claire 即刻愁哂。

Claire: 好野，我可以幫人貼貼紙了⋯⋯

因為媽媽要跟住哥哥，所以，Claire 就全程跟住㪫㪫去另一度賣旗。所以，很抱歉，媽媽完全睇唔到Claire 享唔享受主動問途人買支旗。而圖片呢，係㪫㪫媽咪後黎比媽咪既⋯⋯睇相，Claire 好似好開心咁⋯⋯

呢兩個小朋友，而家已經長大了。亦都無之前咁密出黎玩，希望遲D大家得閒D，可以出黎玩多D啦。

媽媽暫別左Claire 兩個小時，而Claire 亦都缺水乾曬左兩小時，之後係銀行集合處見返⋯⋯變左一副攰樣。

Claire: 哎呀，博文夾住我條頸呀⋯⋯

Claire: 你好縮手啦⋯⋯ 

Claire: 仲唔縮手⋯⋯我拗斷你隻手架⋯⋯

 果然呢個女好受歡迎，聽聞班裡有兩個男孩子都鐘意Claire 呢。不過COOL爆Claire 成日唔啋人，真係好搞笑。

Claire: 你放手呀⋯⋯夾死我啦⋯⋯
㪫㪫： 媽咪，我攬到頌恩呀⋯⋯
博文：嘩，我又攬⋯⋯

媽媽不經不覺都參加左三年既學校賣旗了。每年都好愁⋯⋯因為汗流脥背又比蚊咬，都要去賣。無計，鬼叫兩兄妹都愛賣旗，而學校又只有暑假先有期比學生參加。所以，都要繼續熱下去。

花式跳繩第六堂。後繩

26 Aug 15 呢日係花式跳繩既尾聲，就睇下Isaac 跳成點先。首先係跳後繩，真係估唔到佢咁快上手喎。（按此）

之後，到跳大繩，嘩，原來學左幾堂花式後，繩中繩都跳到，真係厲害呀。難怪Isaac 自此迷上跳繩。（按此）

妹妹跳繩進步左

25 Aug 15 自從Claire 跟哥哥學花式跳繩後，Claire 好明顯興趣都無哥哥咁強，可能因為佢人仔細細，體能無人咁強； 而佢又成日同哥哥比，咁梗係無哥哥跳得咁叻啦。媽媽覺得Claire 可能係咁諗，所以Claire 令自己對跳繩好無趣，所以更加唔想跳。不過以佢呢個年紀，識得跳繩，真係已經好叻了。

好似呢日咁，Claire 發現自己跳到開合花繩，佢不知笑得幾咁開心，仲好雀躍咁同爸爸分享。由此可見，佢其實都愛跳繩架⋯⋯不過滿足感無咁大掛。（按此）

26 Aug 15 識到少少，呢日上花式跳繩堂，Claire 好似投入左，仲叻左TIM呀。睇下佢呢堂跳大繩加轉身，幾咁利落，玩得好粹熟了。（點此）

除左大繩外，估唔到呢堂，仲夠膽試埋單腳跳繩（點此）。

原來學一樣野，滿足感大唔大，真係好重要架。雖然Claire 無乜興趣跳繩，不過佢天生細粒，媽媽點都要迫佢跳下架啦⋯⋯

體操彈床花絮

24 Aug 15 又係體操彈床時間，呢堂都差唔多到尾聲，過多個星期就返學了。睇下課堂既尾聲，Isaac 有乜玩⋯⋯其實都無乜特別，最特別只係呢個由彈床上面自己打翻斗落地（按此觀看）。

至於Claire 妹妹，一向都話佢大膽，次次玩體操，對住木馬無有怕，何況今堂做D超易既彈跳，即刻跑去做比你睇（按此）。

除左木馬，Claire 係熱身方面，動作都純熟左好多，好似呢個不停咁趴低彈跳，妹妹就好似做得好快手咁。（點此）


玩左成個暑假，最後睇下Claire 彈床又跳成點先（點此）。雖然動作唔算好粹熟，不過以佢身型同年紀黎講，都算係咁了。繼續努力呀。Claire 之後都會斷斷續續玩體操的，希望佢有朝一日，動作可以做得更加靚啦。

學踩單車

23 Aug 15 呢日，我地又興起去踩單車。目的係要教識Claire 踩兩個碌。媽媽見Claire 一向膽識過人，所以叫爸爸拆碌好耐。卒之等到呢日，爸爸先肯拆碌。就睇下Claire 得唔得先。

Claire： 唉，我好辛苦呀⋯⋯

有爸爸教路，果然係好快平衡到。媽媽在旁觀看，不知幾咁開心。

爸爸： 嘩，你唔好踩咁快啦⋯⋯
Claire: 我唔識慢吖⋯⋯

就係咁，快呀快呀，爸爸就陪足寶貝女跑左成個鐘。而Claire 亦都識得踩，不過仲未識開車。

Claire: 我好開心呀，我識踩啦⋯⋯不過要忍住笑⋯⋯唔好比媽媽見到我咁開心個樣⋯⋯

Claire 識蹓冰，膽又大過人，但唔明點解對單車反而咁驚。一講踩單車，佢就話怕跌，希望努力多幾次，佢會好似哥哥咁鐘意踩啦。

和睦兩兄妹

22 Aug 15 呢日唔駛去跳繩，媽媽就同兩兄妹去下公園。呢個BB千秋，只有妹妹可以FIT到坐入去。做哥哥既，只可以推下妹妹。不過睇住佢兩個，一個願推，一個ENJOY，做媽媽看在眼裡，真係倍感安慰。

Isaac: 媽咪，睇下，我推到阿妹好高呀⋯⋯

Claire: 嘩⋯⋯好快呀⋯⋯

妹妹跳繩進步了

21 Aug 15 Claire 第五堂去玩跳繩，好明顯跳高個下進步左，因為無越跳越前了。而且，仲可以堅持到好多下，好厲害呀。

按此觀看下Claire 妹妹跳大繩情況。

此外，Claire 仲曉得係大繩中途轉身呀。嘩，果然係功多藝熟。（點此）

23 Aug 15 呢日我地去街街，呢一身係由超級女仔既Claire 自己配襯既。真係女仔到爆。咁細個女就貪靚，大個左唔知點左點呢？

花式跳繩第五堂。左右繩

21 Aug 15 第五堂花式跳繩，呢堂無乜點學腳步，反而係用手去左右FING條繩，又一新野要手眼協調先得。按我睇下Isaac 得唔得先？

之後，就到娛樂性最高的跳大繩，媽媽睇住，真係目瞪口呆，估唔到Isaac 可以應付自如。點我看看有幾精彩。

不過都唔及呢下大繩內左右FING繩，估唔到唔CLICK住大繩，Isaac 真係好有運動天份。（按此觀看）

完左跳繩，見仲有成日咁長，媽媽就話去公園玩。點不知，玩左五分鐘都無，居然落起失魂雨後黎。睇下兩兄妹個樣，幾咁委屈無奈。

媽媽見咁慘，就話去食下TEA，估唔到，食完個TEA返公園，又陽光普照了。兩個小朋友又可以如常玩餐飽。

同場加映，因為無工人，呢堆玩具就變左由Isaac 執拾，佢執得乾淨過媽媽架，有相為証。真係排到企企理理。不過一有工人，就慘囉，反而成堆變左垃圾咁亂葬崗。所以，無工人真係無工人既好。

各自玩

20 Aug 15 呢日暑期，基本上我地都係HEA住過，玩下彈床玩下跳繩咁又一DAY。再唔係就留係屋企各自玩玩具。睇下呢朝，兩個寶貝各自玩，自成一角。

最搞笑係叫媽媽摺紙船，原來係比佢地既玩具坐。

Claire: 乖乖呀，我帶你去旅行呀。

 其實當各自玩又好似一齊玩既時候，應該係最平和安靜既時刻。哈哈哈，起碼唔會打交先。

如果呢兩兄妹，成日都可以咁安靜，各自玩唔打交，咁就好了。

踩冰去也

19 Aug 15 呢日媽媽要去剥智慧齒，無人照顧兩個小朋友，爸爸就請假帶佢地去蹓冰去。時間趕急，佢地唯有要急速食M記。

Claire: 其實我地好鐘意食M記架⋯⋯我淨係想食薯條架咋。
Isaac: 嘻⋯⋯我鐘意食佢個芝旦包⋯⋯

 食飽飽，趕住去踩冰也。好明顯呢兩個小朋友既運動細胞都好過媽媽。真係厲害。

花式跳繩第四堂 。雙人跳

19 Aug 15 呢日玩雙人跳，好講拍檔既合拍性。媽媽在旁睇，真係忍唔住笑出黎。（按此）

就係咁，呢堂暑期班就不停蝦碌，或者做返之前既動作而已。咁就一堂了。不過難得Isaac 好ENJOY，咁就已經夠開心了。