又前空翻

4 July 16 大考過後，Isaac 都係返半日，咁多空閒，梗係比佢返下彈床班。呢日又要練下前空翻（按此），呢個動作，真係越做越得心應手，乾淨脷落。希望停左彈床班後，Isaac 唔會忘得一乾二淨吧。

暑假之後，無機會再玩彈床了，因為⋯⋯小二了，係時候要抉擇專注哪項課外活動嘛。

開心食

2 July 16 經濟唔好，好多食肆都做特價賣。好似呢間御前上茶咁，短短日子裡，已經第二次做買一送一。呢日路經，見仲有QUOTA，梗係試下幫襯。難得兩位咁鐘意食，岩哂佢地。

返到屋企，媽媽試下拎蕃薯黎焗蕃薯條。做法係參考舊同學既工人做法，不過媽媽焗前加左黃糖，令堆蕃薯條容易上色。焗好出黎，有個妹仔流哂口水，喉住碟薯條囉。

Claire: 我想食呀⋯⋯
媽媽： 你放係枱面啦，好熱架。

兩兄妹親密照

1 July 16 七一紅假，唔記得爸爸去左邊，只記得呢日，係媽媽帶住佢兩個去睇戲。之後，落左商場巡例一影。點解呢兩兄妹，忽然咁痴纏架，好似人地情侶咁架。

Claire：我鐘意哥哥吖嘛。
Isaac: 我都好鐘意妹妹架。

你睇你睇，十足人地愛情電影既廣告畫咁。連坐姿都咁一致。

Isaac: 妹妹，你挨埋D吖⋯⋯等阿媽見唔到我塊面先⋯⋯

Claire: 點解我坐左咁耐，仲未有WAITER比MENU我叫野食既⋯⋯
Isaac: 係呀，媽咪，我都好想食野呀⋯⋯

Claire: 我想食後邊個D馬卡龍呀！
Isaac: 不如我地去食下午茶吖⋯⋯

之後，有個人仔學媽媽笑，認真核突，笑死媽咪（按此）。

放假日，例牌去公園放電。媽媽成日都話，最欣賞Claire 個種不掘不撓既精神。好似呢日咁，佢仲未識玩馬騮架的。不過，Claire 就好勇於嘗試，雖然最後唔成功，但媽媽好欣賞你呢種努力的表現呀（按此）。大個左之後，一定要保留呢種性格呀。

開心小片段

29 Jun 16 又係學水日，本黎都DELETE左唔少踢水片段，不過見呢條片幾搞笑⋯⋯就係阿蛇指住忽然間游遠左既Claire⋯⋯媽媽當堂忍唔住笑左出黎。按此去片。可惜既係，明明當時學得最好既Claire，寫BLOG呢日，已經停左學水，原因係好驚⋯⋯唉，呢個心理障礙，媽媽都唔識幫佢呀。

Claire: 媽媽，睇下我幾勁！

 當晚返屋企做功課，有個妹仔忽然好興奮話終於可以做到畢業典禮既小司儀。媽媽都替佢開心呀，因為學校既小司儀名額有限。難得Claire 可以有份上台講野。不如睇小司儀之前，睇下佢點分享可以做小司儀呢個信息比爸爸啦（按此）。

30 Jun 16 呢日係婆婆牛一，我地約左婆婆食生日飯，咁岩婆婆有張雪糕券，就帶我地一齊去食。點知呢⋯⋯當媽媽影完呢張相之後，只不過幫婆婆部手機POST左呢張相係佢FB咋嘛⋯⋯相中既雪糕窩夫已經被兩兄妹搞到消失左⋯⋯當媽媽同婆婆抬高頭打算食雪糕時，婆婆大叫： 有無搞錯呀，咁快食哂⋯⋯
笑死我地三母子女⋯⋯認真食飯唔見咁快，呢杯雪糕我同婆婆掂都無掂過，真係離譜呀。

Claire: 我準備好筆架喇⋯⋯你快D影完收手啦。

幼稚園同學HEA 聚

28 Jun 16 呢日人才濟濟一大班K3 同學仔約埋係餐廳相聚，幾咁辛苦，先可以召埋一班小一生望排排坐望鏡頭影相。不過Isaac 依然係整古做怪無厘正經。

一向牛高馬大既Isaac，升左小一後，同幼稚園同學身型真係越來越大分別呀。

Isaac: 哎呀⋯⋯你唔好唧我耳仔啦⋯⋯

開開心心又一個下午，難得大家一年小學生涯就快結束，大家又考哂期考，出黎聚真係好有心去維繫下兒時感情架。希望黎緊小學生活，可以繼續同呢班幼稚園同學，開開心心咁玩落去啦。

繼續練側手翻

26 Jun 16 呢日又上體操，Isaac 又被導師要求練前空翻。其實打打下，咪打得幾好（去片），係睇佢有無心去做既姐。

係彈床試完，又到充氣墊試下，可能係充氣墊上打前空翻對Isaac 黎講比較新鮮，Isaac 仲有少少怯，就無彈床上邊做得咁好（按此）

之前之所以比 Isaac 學體操彈床，因為以前聽講座，話學體操對前額葉好，操數都會好。咁就比Isaac 玩下，玩下玩下都唔覺有乜作用。只係見到佢平時體能好左⋯⋯直到最近，有媽媽提起後悔無比小朋友細個學體操打側手翻，搞到佢小朋友跳舞唔識打側手翻。聽到呢位朋友咁講，媽媽忽然諗起，好在我地有學體操，因為後黎Isaac 跳繩比賽時，有一個花式係側手翻，Isaac 完全無難度。可惜既係，時間有限，學校又無體操呢個活動，所以，最後我地放棄體操，專注跳繩了。

開心聚舊日

25 Jun 16 考完試，約左年紀差不多大既BERELEY姐姐出黎玩⋯⋯地點係佢屋企個會所。原來個度有好高好高既室內滑梯架，超正。兩兄妹玩得好開心。

雖然我地只係LUNCH後上BERELEY屋企，五點左右走⋯⋯但睇呢兩兄妹，一上車就暈哂，就知方才有幾咁放電啦。不過⋯⋯媽媽隻手好攰呀⋯⋯

係東涌坐巴士，千里迢迢去到觀塘，就係同呢班靚太一聚。

靚太有一班精靈小朋友，都係相識於㣲時，大家都係0904BB⋯⋯一起成長⋯⋯一起增加屋企成員 －－細佬妹。家下濟濟一堂。大家都七歲了。

成班仔，最易混熟。

 睇個樣，Isaac 應該都好混得埋喎。

呢次GATHERING地點係觀塘工廠大廈內，感覺麻麻地。不過人多多，真係好難揾地方GATHERING，呢D係舊式工廈內的公司為左生存，改營方式，岩我地之餘，公司又可以繼續生存落去，都不失為一個經營之道。下次成班再出黎，唔知大家係咪變成青少年了。

台上演繹故事

24 Jun 16 好期待呢日來臨，因為，係媽媽首次上台演繹故事呀。唔知效果如何呢！只知一班義工們，都好落力去演出，包括後台佈景製作的那位扭波仔義工媽媽，佢真係好勁呀，可以接JOB 搞生意。

個舞台係咪好靚呢？全部由一個義工砌出架，真係可以接JOB幫人開PARTY做佈景。多謝呢班義工媽媽們，令到呢日演出真係好成功。

當日演出造型。原來媽媽都好鐘意扮到咁演出架喎⋯⋯想起兒時愛踩台演出的性格。哈哈。 

 事後，幾位老師都上台要和這位'公主'合照。

這麼多的義工，合力演出，感覺有點好似為這個主角而做，真的不好意思。

演出後，負責老師為我們準備了新加坡小食，好好味呀⋯⋯不過也超肥，所以只能淺嚐。

這次演出，唯一遺憾就是仔仔不肯上台和媽媽單獨合照。好傷心呀～～～媽媽失望到有點兒不想再回校為他做故事媽媽了。雖然如此，不過這個'公主'角色，應該都好討好各同學，因為晚上，收到同學媽媽傳來的影片，好開心呀。

側開二重

21 Jun 16 呢日放學，特登走去學校附近玩，諗住順便等下幼稚園同學仔'偶遇'。當然，最後乜都等唔到，但就練熟左側開二重花式（按此）可以連跳幾下，Isaac 當堂自信心爆棚呀。

側手翻。前空翻

19 Jun 16 呢日又係體操堂。Claire 成日都想學哥哥咁打側手翻，勇字當頭，乜都敢去。所以，導師叫佢做示範⋯⋯hm.....靚唔靚呢，見仁見智。（去片）難得Claire 超勇敢唔驚，已經成功了一大半。假以時日，Claire 一定會做得好靚既側手翻的。

另方面，Isaac 終於豁出去，成功打到前空翻。（按此）好叻呀。猶記得佢仲係K3時，見到大哥哥打前空翻，佢就已經同媽媽講，佢大個唔學體操，因為佢心底裡好驚前空翻。估唔到，一年後的Isaac ，可以打破心理障礙，打出個前空翻。繼續努力呀。雖然小學後，好多課外活動要玩，不過有空時，媽媽都想你再去玩下體操的。

晨早貝澳再摸硯

19 Jun 16 係大強屋瞓左一晚之後，晨早起身揾野食，原來貝澳無早餐食架，哈哈哈。好難先係車站附近揾左間外國餐廳食西餐早餐。求其食飽飽，又衝落沙灘玩。好曬呀⋯⋯好在我地做足準備，曬完應該不留痕。

藍天白雲，影相就靚。不過當下真係熱到溶。難為Isaac 曬一陣就黑哂。如果唔搽防曬，分分鐘曬燶。

睇返張相，原來半年前既Isaac，係好瘦架⋯⋯

大熱天時，仲未有水退，所以，大家係摸唔到硯既。臨走一刻，爸爸死不心息，瞓哂身落去再摸⋯⋯認真唔話得。

因為要趕住退房，所以，十一點前就要執野走。拎住呢筒大大隻的蜆回家去。

反到屋企，稍為洗刷一下，就清水煮。兩兄妹都爭住食。

真係幾厚肉既⋯⋯

不過，花成千蚊租間大強房⋯⋯加上去年既偏僻渡假屋位置。媽媽就提出，下次再摸硯，唔好再嘥多餘錢租間住唔落既屋了。揹住行裝又重又要瞓係個D咁污糟唔知幾多世無洗過既床單上，不如用呢D錢打的士回家⋯⋯都仲有錢剩。又可以舒舒服服瞓返係屋企。所以，之後我地又再黎貝澳摸硯，就無再租屋住了。

下長沙摸硯去

18 Jun 16 接近夏天，Claire 有時會諗起去年掘硯既樂趣，就會提起想再去玩。爸爸當然不亦樂乎，一於訂營去玩。經過去年既教訓，我地唔再租貝澳沙灘邊LU，原來鬼咁遠。今次BOOK係巴士站附近⋯⋯但原來間房有兩隻大強架⋯⋯ 搞到我地最後屈埋一間房瞓⋯⋯其實呢間都可能有，不過眼不見為乾淨，扮無小強照瞓也。

未出發，已經無厘精神既Claire, 一陣點掘硯呀？

Claire: 邊個話我無理精神？睇我幾精靈。

終於，我地到左長沙呢個地方。聽聞好多硯架喎。較岩時間，去到開始係水退，我地涉水行去深一點的地方。

一望無際既泥地。原來下面好多硯住架。

這幅圖好美，如果有專業攝影師，應該效果更加好。

一開始，大家各有各忙。

Isaac: 我係度摸緊硯呀！

Isaac: 好野⋯⋯第一隻我摸既硯呀！！我係咪好叻呀？

呢日既水退時間好短，話咁快，D海水又漲返上黎了。最搞笑係，媽媽睇住自己既行裝，被海水漲到漂流緊，要同爸爸即刻飛奔去救行李。最後，卒之大家的衣物都全濕，無得換衫，真狼狽。

摸到咁上下，呢兩兄妹就唔係再摸硯，而係各有各玩水。一個射槍一個撈魚仔。

Claire: 嘩，呢度D蜆好大隻呀！ 

Claire: 仲大過我對眼呀！！

 哥哥又試下先。

是日收獲有咁大隻，真開心。

一隻手掌只容納到兩隻，見到都滿足。

太陽開始下山，我地就急急腳坐巴士返貝澳住。準備明天一早再玩過。

父親節禮物

17 Jun 16 就快到父親節，幼稚園梗會叫小朋友造下父親節禮物。呢個呔形紙袋，就係Claire 係學校做返黎既。點知，有一刻，呢個妹仔手㾗，忽然話要加返爸爸個樣⋯⋯哇哈哈，點解堂眉會咁既呢？？睇下右下角，有兩個字寫住"生氣"，仲要指實爸爸⋯⋯笑死媽媽了。

不過，當事人見到，話係媽媽旨使妹妹畫，然後由媽咪寫上個兩個字仔喎。好在⋯⋯Claire 堅稱係佢一手創作，兩隻字都係由Claire 自己寫的⋯⋯梗係，爸爸都唔知Claire 已經學過寫生氣呢兩隻字。

唔知爸爸睇左之後，有無反省下自己既作風⋯⋯定仲係堅稱係媽媽加鹽加醋畫上去既呢，哈哈哈！

Isaac 同學仔生日會

16 Jun 16 媽媽之前收到Isaac 同學仔家長WHATSAPP 邀請，去佢地屋企玩順便開迷你生日會。媽媽其實唔識又未見過呢位家長，不過又知Isaac 好鐘意同呢D同學仔玩，唯有硬著頭皮去約會。好在，小朋友去到，各自埋位⋯⋯可惜有個大哥哥嫌棄Claire 細粒，唔比佢玩。好可憐呀⋯⋯身為哥哥既Isaac 一於少理，繼續自己玩。激死媽媽。

Claire: 喂⋯⋯我就黎跌啦。
Isaac： 哈哈，你咁輕，我一YOUNG你就飛出黎啦。 

卒之，被排斥的Claire ，自己走去玩板車。

媽媽開頭以為Claire 搞唔掂呢部車TIM，咦，點知佢又控制自如喎。真係估佢唔到。

無左個小妹妹Claire, 呢幾位大姐姐哥哥，玩到幾咁HIGH。（按此）

板車都好搶手架⋯⋯最後，又被迫走去玩大富翁⋯⋯係呢班小朋友GATHERING，就睇得出佢地都係大蝦細，排斥年紀輕輕的Claire。不單止同學仔哥哥唔比妹妹一齊玩搖搖板。連呢堆女同學，都唔比Claire 玩大富翁，就Claire 唔識玩喎⋯⋯好在，Claire 一早已經係屋企學識左，出到去，無人蝦到佢，反而Isaac 同學仔唔識玩就真囉。

食完飯，大家例牌影返張合照。

Claire: 部板車好似無人踩囉喎⋯⋯

呢三位，小一同班，之後，左邊的上恩同學就會轉去元朗讀，淨返中間位雅雯同學，唔知之後，Isaac 會唔會再同雅雯同班呢？