海洋公園玩水2017

11 Aug 17 爸爸牛一，梗係要去享愛港人優惠 －－海洋公園免費遊。

今時今日，去海洋公園，最開心好似係呢兩位小朋友，而唔係壽星公喎。

天氣炎熱，去海洋公園，路過冷氣地方，點都要入去過下冷河。不過媽媽好唔喜歡這裡的袋鼠館，實在太狹小了，有點虐待動物的感覺。

我地去海洋公園，去企鵝館或者海龍皇餐廳食貴價LUNCH好似已經成了潛規則。呢日爸爸牛一，當然更不例外。不過咁大份兒童餐，究竟呢位小妹妹食唔食得哂呢？

Isaac: 我就實食得哂啦～

 食完LUNCH，妹妹同爸爸排隊去玩過山車，至於哥哥，則係附近玩攤位遊戲。

咁好彩，又比佢掟到個大公仔返黎喎。不過咁咪要拎足全日囉～～

玩完少量機動遊戲後，我地直驅目的地～～～玩水去。

媽媽雖然無參與，不過見到呢位小朋友玩得咁開心，媽媽都覺得好開心呀！

Claire: 媽媽，好舒服呀～～～

 不過，最開心唔係玩水，而係玩泡。

Claire: 我成個下巴都係泡TIM。

Claire: 嘩，好似沖泡泡浴呀！

玩到差點被泡完全遮蓋。

Claire: 你睇下幾多泡泡！！！

Claire: 哇，泡泡多到遮住我塊面咁滯呀～～

 至於哥哥，可能長大了，玩得比較含蓄。

明明好喜歡BUBBLE的，但卻又不能開懷大笑。真的長大了。

Isaac: 嘩，D泡會滴返走架～～～

Isaac: D泡終於流走哂⋯⋯

就係咁，我地係海洋公園玩左一天，趕著關門前離場。好攰呀～～～不過兩位小朋友就滿載而歸，各自抱著大公仔歸家去（因為妹妹見哥哥掟到隻大公仔，於是出盡辦法扭爸爸買隻毛公仔比自己～～）。

encore Pizza Baby 再去 嘆甜品

10 Aug 17 呢日帶左哥哥去學跳舞之後，巧遇同學仔雪盈，大家一齊食M記。不過唔知點解雪盈塊面咁⋯⋯

之後，好忙呀～～～～去會所同班同學仔玩餐慒。

不過唔知點解玩玩下會所，有幾個小朋友走左去玩POKEMON咭囉。

係度玩左成個下午，差不多五點，我地拉大隊出發，又去食PIZZA BABY。在車上，仍不忘玩樂的幾位小朋友。

又研究POKEMON咭。

好快就黎到PIZZA BABY了，只有兩位女孩子有興趣影相⋯⋯

上次黎PIZZA BABY，都無同佢咁特別既MENU影相TIM。淨睇菜名，真係估佢唔到係乜。

一行五位小朋友。大家都好興奮去懷緬一下奶樽咁喎。

齊心飲奶，邊個飲得最快？

Claire: 我想餵雅雯飲奶呀！

Claire: 好乖喎，仲有兩啖飲哂啦！

輪到Claire 被餵奶。究竟有乜咁好笑呢？

雅雯： 唔好笑啦，正經D飲啦！

成班人食飽PIZZA飲飽奶後，我地又移師到嘆甜品繼續食。

Claire: 嘩～～～成個雪糕球比我桔起左呀，好搞笑呀！

點解同雅雯姐姐合照，Claire 忽然變得咁拘謹既呢？

至於Isaac, 就獨自嘆左呢個甜品。

媽媽都好想食呀～～～～不過岩岩食完PIZZA都好貴了，加埋呢兩客甜品，真係好大支出呀。可惜的是兩位小朋友堅拒同媽媽SHARE，所以，媽媽成程只能白看而已，嗚嗚～～～

PIZZA BABY～～～YUMMY

9 Aug 17 呢晚我地慕名而黎幫襯屯門既PIZZA BABY。主要為佢特別既裝修，加上好味既PIZZA啦。一到門口，兩兄妹好興奮，因為門面太CUTE啦～

Isaac：嘩，我擘大個口都食唔到塊PIZZA呀～～

Claire: 嘩～～～個奶咀好實呀，我抆唔到出黎呀！

黎PIZZA店，當然要試下佢既招牌手作PIZZA啦。望返張相，都超想食呀～～～好多芝士，好正呀～～～

店內創作的木魚温泉蛋PIZZA。

炸魚薯條，味道就不懂欣賞了，因為價錢好貴喔⋯⋯所以吃不出點解有咁貴。

連切PIZZA的用具都好精緻哦！

看得出店主很用心經營，就連餐巾都變成了口水肩，十分配合BABY的名字。MENU內也有朱古力奶等等提供，並用奶樽奉上的。看，十分有BB FEEL的小妹妹在嘆奶。

Isaac: 嘻，我咁大個仲飲奶樽喎⋯⋯

Isaac： 似唔似我以前細個飲奶呀？

好味又好玩既PIZZA BABY，可惜店太小，座位有限，如果MISS左第一輪⋯⋯就會等成個幾鐘先有餸上枱了，好耐呀～～～～怕怕。所以，之後我地再去，都一定做第一個入店的食客。唔駛等咁耐～～～