北海道之旅 DAY 1 落機醫肚

17 Aug 17 又去旅行了，呢次係咁岩兩三個月前打電話去ASIAMILES，咁岩又有飛換⋯⋯仲要係北海道架。開心囉。最開心係呢位小妹妹，望住份岩食既飛機餐，一臉勝利的手勢。滿期待喔～～

最開心原來唔係食飛機餐，而係一落機，就見到A夢迎接佢呀～

係我地行去搭JR 期間，沿途都會見到可愛的BEAR BEAR⋯⋯兩位小朋友猛咁話要影相影相⋯⋯影多兩影，爸媽都話唔好再影，留返回程先影啦～～～殊不知，回程當日，其實係無時間係機場影相的（因為掛住最後衝刺買手信），所以，機場的BEAR BEAR照，就係咁多張。

Claire： 唔緊要，最緊要有影我同多啦A夢既合照。記得影得我靚D喎。

 因為係下午落機，我地由落機之後，就要先醫肚。行勻出境個層，都無乜想食，唯有求其揾一間。

Claire: 我想食咖喱喎！ 

Isaac: 嘩～～～～我擘大口可以吞哂佢碗野落肚呀。

 左諗右諗，我地最後揾左間芝士薯仔既食店。望個牌好似好吸引咁。全國第三位既芝士店喎⋯⋯岩哂我地三母子女的口味。

點知上枱其實好細碟。而且仲好濃烈既芝士味TIM。

真係食芝士仲多過食主菜。難怪佢係花烟牧場全國第三位既芝士出品店。

這種濃烈的芝士不太合我們。好在，最後有個餐的甜品，可以滿足下失望的我們喔。

之後，就繼續上路，坐JR往札榥去。放低行李，就行街街，買玩具同埋打兩父子最期待的POKEMON。

陪佢地行左半天，幸好這晚消夜有佢，總算叫做旅行第一天吧～～～～

小小多啦A夢迷

15 Aug 17 呢日同小妹妹去食夢見屋，咁岩餐廳佈置多啦A夢電影為主題，多啦迷當然要黎個合照啦。紮起辮子好有少女味喔！

睇佢笑到見牙唔見眼，就知呢位小FANS有幾迷多啦A夢了。

Claire:  我都想跑埋一份呀～～～

再見翠蘆莉。暑假碌齡

13 Aug 17 呢棵曾經為Claire 帶黎第一次成功栽種既植物仲要拎埋奬喎，Cliare 點都唔肯掉。卒之因為太大棵，屋企容納唔到，爸爸就移師左去屋企樓下。估唔到，已經長到咁高了。如果Claire 都好似呢棵野長高得咁快，就好囉。

14 Aug 17 呢年既一人一花係翠蘆莉，唔止個名特別，連開花都特別D，就係只會早上開花⋯⋯黃昏就會凋謝，所以要影花相，真係要趁早喔！

Claire: 媽咪，佢長到咁高啦～～～

可惜，好景不常在，這天後，呢棵咁高既翠蘆莉已經被人連根拔起，傷心死Claire。媽媽唯有安慰佢，可能人家有花園，會把這棵小植物種植得高高大大呢！

 下午，我地約左幾個同學仔去美樂個邊碌齡。唔知點解，呢排佢地好興碌齡。

Claire: Hi! 未玩我已經好HYPER囉！

難得Claire 最喜愛既健浩同學都去，Claire 梗係四萬咁口啦。

一個暑假無見姐，都唔駛咁肉緊呀嘛！

打完波，好快又要各自回家了。

健浩： 嘩，你咁行都得？

小朋友模仿力強，連健浩都學埋呢個方法落黎～～～

開心一天的暑假就係咁過了⋯⋯