"你第時嫁人, 唔好嫁比潮州人呀"
呢句說話, 係今天和一名潮州藉年青男人客食飯時. 由他口中說出的.
特別註明, 是年青男士說.
也特別註明, 說話人, 本身是潮州人.
可想言之, 他的思想, 應該不是傳統超傳統的上一代想法.
也不是對潮州人的徧見.
聽到潮州客這樣對婆仔說, 都不知幾想由心笑出黎~~ 好想大呼: 我真係嫁左個潮州人呀
按潮州客的解釋, 潮州男人, 十分十分重男輕女. 如果真的嫁了潮州男人, 作女人的, 會很辛苦.
辛苦是, 潮州男人: 習慣不會作任何家務. 因為在他們思想中, 家務是女人做的.
>>>婆仔心裡反應: 明白, 難怪婚後, 老爺的習慣完全不同了. 也難怪夫家的各成員, 都很神心, 守足一星期禮拜(當然陳二少周不時, 也會幫婆仔手, 齊做家務)
辛苦是, 嫁了潮州男人. 潮州思想是: 不喜歡女人出外打工. 女人, 是用來留在家裡, 打理家務的.
>>>又明白了. 難怪陳大嫂婚後都養尊處優, 還養出個大肚腩. 也明白, 陳二少常說, 當年她母親不用工作. 原來某程度, 都是潮州人思想作崇.
幸好婆仔常提著一點: 即使發達, 都要折腰出來捱世界
辛苦是, 這個潮州客人說他在家, 都不用做什麼, 因為凡事都是家中女性幫他打理.
當然, 他補充了一句. 男人, 反而想娶潮州女人為妻. 因為潮州女人都是賢淑, 主內一流.
如果有追看此blog的朋友, 應該都知道, 婆仔娘家, 在婆仔臨結婚那些日子, 才知親家是潮州人~~~又是一句: 你(指婆仔)第時好慘呀 . 潮州人xxxxx (下刪n 字)
當然, 親身經歷近距離觀察了一年, 潮州人的確...
幸好, 陳二少應該不算是個流滿潮州血統的人呢
嫁潮州男人沒甚麼出奇，因潮州人在香港委實不少，最緊要大家係真心相愛，最怕係選擇了塊面似潮州柑而對妳不好的男人。
回覆刪除haha....甘橋我就係純種潮州人啦,祖父母,父母....全部都係家geer lung... 就我所知, 潮州男人的確幾大男人, 又好要面, 不過都好錫屋企,他們都是外剛內柔的..(包括我d阿哥) 佢地對家中女人都是x魚頭老chun底....對佢好d, 俾面佢,佢地好易tum 一般潮州男人都好顧家..唔多花fit...甘唔係所有女士都想要的嗎? 至於潮州女性, 都是比較傳統,安份,重視家庭, 重好勤力同節儉,但同樣都好堅強....如果唔係點頂得順潮州怒漢啊...haha 在我家族中只有一pair離婚, 不論男女,都重好好...唔知呢d係咪佢地都好重視家庭所得出的結果呢? 唔講唔知, 我成日俾阿媽話我大使, 但在朋友眼中我已經係一個節儉的人,其實我都好欣賞我媽咪架...佢好勤力, 一切為屆企,我真係要向佢好好學習架... 至於總結 : 潮州男人,嫁得過 (但要純種個隻至係, 其他唔肯定) 潮州女人娶得過 ....
回覆刪除
回覆刪除紅梳化 我諗我家下升格左做半個潮州人呀嘛... 雖則我父母係純廣東人. 不過陳二少係潮州人.
潮州人係未唔花FIT我唔知了, 因為身邊有潮州人有外遇的真實個案.
想講既, 係我個潮州客同娘家都係一句共通結論: 潮州人好難服侍.
不過要頂得住潮州男人個種骨子裡既難哽, 對於唔係潮州人既我, 有時真係幾惡哽.
至於你講, 潮州人, 係真係好勤力的. 呢個我都認同, 我媽都咁講. 身邊好多例子都係咁.
潮州人揾錢, 係好"牛"咁揾返黎, 所以潮州人好慳家...都証明了, 陳二少不是百分百的潮州冷...起碼我慳過佢多多聲.
我只係知道潮州人一定要生個仔...如果只係生女...都幾煩
回覆刪除amkiki 從潮州客口中, 我都相信, 潮州人思想, 係要生仔的. 重男輕女喎, 佢話.
回覆刪除