其實無野

過去兩天, 好像不停的呻新工的辛苦.

正所謂, 一波未平一波又起.

今天, 知道要常常跟老闆食政治飯, 跟他出去SOCIAL. 基本上, 跟做一個DIRECTOR的SEC 無分別.

即是又一份百搭工: 乜乜搭秘書.

原本打算月尾出trip, 自己靜靜雞早返香港. 怎料, 老闆剛才又命令婆仔, 回程時, 要經深圳~~見大客. 即是說又要預左超ot. 幾天出trip緊接上大陸再緊接翌日晨早上班, 必定捱殘.

不過, 都係呻下姐.

呻下, 係打工仔間唔時都會出現的常態.

其實, 返左五天工, overall 都習慣了, 老老實實, 其實是份很愛的工作.

因為, 自由度相當大.

講的自由度, 不是指上班時間可以上網.

而是, 打從第一天, 老闆都很比機會自己發揮.

超過五隻手指的打工生涯, 算坐得耐的兩份工, 就是job duties 自由, 有機會按自己方式做事的崗位, 而不是上班當一部模機; 當然, 相對地, 揹鑊程度都高.

所以, 今份職位, 又是百搭~~跟之前坐得耐的工作一樣. 不會每天重覆又重覆做同一個duties. 岩哂婆仔性格.

不過, 耐不耐, 都會呻下既. 亦是婆仔性格.