早了出發

這份新工, 一早預左每個月都要北上駐幾天.

新上任了足足一個月, 除了北上駐了廣東省的店外, 華東一帶還未涉及.

過去一個月, 籌備新店開張, 足足忙到嘔血到今天仍頭昏腦漲.

今天, 老闆定了日子.

北上華東日子, 比預期中早了足一星期.

七天後, 便要跟二少暫別.

暫定最少去十四天. 兩個省份三間新店.

是婚後第一次最長的暫別.

希望二少這星期, 會推翻他固定的友會, 陪陪婆仔吧.

 

福利

公司福利百無.

無雙糧, 無花紅, 無老COMM, 無膳食, 無津貼.

不過, 有兩樣, 阿Q的婆仔安慰自己, 算是福利:

第一, 是某些貨幣兌換率比銀行優惠一點.

可惜除了旅行之用, 一年到晚, 無幾次享用此"福利". 不過婆仔性格, 慳到一點點, 都好過無.

第二, 是員工優惠價.

婆仔員工優惠價, 今天同事建議婆仔買的一樣貨, 如果買下, 比街價平宜五位數. 是五位數, 不是五十元.

因為價錢昴貴, 一年都未必買一次的貨. 既然公司有員工價, 當然 趁在此公司工作時, 要大手入貨.

希望在未被叮走前, 有機會入大倉貨吧.

 

 

難熬的一役

繼早幾天北上途中發燒

後(

詳文), 昨天北上, 又嘔 起上來.

不知就裡的太子爺, 以為婆仔對那工場的氣味感不適.

其實, 心裡清楚知道, 應該是感冒菌入腸胃了.

可惜很多事在身, 不能休息. 還要陪太子爺和師傅們商量工作細節.

嘔吐過後, 胃裡空空如也. 所以, 臨走時, 再一次作嘔, 都只能嘔出胃水.

那刻忽然覺得做大肚婆那種作嘔都幾難頂.

回程途中, 三個大男人陪婆仔焗在無空調的車裡, 病到半死的婆仔雖然不好意思, 但怕吹風後又嘔吐, 唯有不作聲.

九時多才回到香港, 馬上看醫生吃"消夜".

怎料, 睡到半夜卻又發起燒來, 周身骨痛. 真是難捱.

今天, 下班回家, 倒頭大睡...卻又來多一趟發燒, 加骨痛.

幸好, 再多睡片時, 精神好了.

希望明天可以精精神神無病無痛吧.

鬼叫你窮呀頂硬上呀

今天上深圳, 其實是安排幾個不同PARTIES讓他們自己見面詳談細節.

昨天因為太累, 暗暗祈求可以三點多完工, 然後自己由深圳回家休息. 又可以不用回公司.

神的智慧真是無可測度.

晨早起床, 周身骨痛, 頭又痛, 喉嚨又不適.

可惜不能請病假, n 咁多樣野等住婆仔做完交代給老闆.

唯有頂硬上囉.

上到深圳, 一向超有性格的designer比哂說話婆仔聽, 唉, 收到啦; 不過扮get唔到, 為了同老闆交代, 死人都要頂硬上, 打厚面皮繼續追瘦designer.

怎料, 一個小時後, 混身發熱~~~原來短短的路程中, 已由骨痛變為發熱.

可惜又是不能折返香港.

唯有頂硬上囉, 鬼叫你窮咩.

同行的同事割愛最後一粒葯丸予婆仔. 無辦法下, 唯有照吞.

由發熱變為發冷, 不過卻要呆坐等幾個parties搞好才能離開.

按老闆意思, 明明自己的角色, 不過是捉著幾個人齊齊北上到工場, 由他們自行商量決定; 去到某個鐘數, designer跟同行同事, 忽然卻大發脾氣, 比哂面色給婆仔看, 齊齊拋波~~~大家都推說是陪婆仔上來.

咁即是點??

最離譜是連同事都一副爛面色. 好像公司的攤子跟他沒份兒.

可惜婆仔新來報到, 唯有硬食他的態度. 難為老闆還一心旨意他會幫忙決定~~~和作為婆仔的臨時拍擋.

既然designer聯同同事齊齊大發爛渣, 低級的婆仔+另外兩個外來parties聲都不敢聲, 唯有奉命急急腳離開~~心想, 今趟無野交差.  不過既然連同事都堅持搞掂, 到時老闆追究上來, 當然鑊是他揹.

面色和說話夾攻底下, 唯有回香港.

回程時, 輪到另一個party又有說話. 唉, 跟我說, 是無辦法呢~~~同事都不合作, 我又可以點. 自己雖然是病了, 其實都好想繼續留在深圳把各樣事都confirm呢...可惜老闆欽點的同事堅持要離場, 婆仔位都未坐熱, 真是無符.

看畢醫生, 四時多便回家休息.

身體不適, 大條道理早點回家休息. 不回公司繼續工作.

雖然有點心裡不安, 不過, 神的安排真是超乎人所想像.

即係做乜

老闆去了沖繩島旅行. 終於可以整天坐定定撥電話~~~追數.

碰巧今早華航爆炸.

剛才九點幾十點, 正回家途中. 老闆打來了長途電話.

交代了一輪後, 略略說了華航爆炸嚇了他一跳. 婆仔都不曉得如何回應他. 只有說聲反得開心點(當然, 趁老闆不在, 婆仔精神上也可以休息幾天).

新工返了足三星期.

不過, 每次被問到份工做乜, 真係不知如何回答.

三星期, 好忙. 忙到水都無時間飲~~除了每早十點半前

忙乜呢?

其實都未到戲肉.

不過, 就已經忙到陀陀轉. 差不多每天, 都是最遲執包伏離開的那位.

終於明白, 什麼叫做放工後~~(腦)筋疲(腦)力盡.

目前做的一輪忙功, 其實都未到崗位的戲肉.

友人知道目前環境, 都懷疑是否有能力担任.

不過, 大家結論一樣~~學野囉.

當然, 要趁戲肉未到時, 要多方套料; 免得被人叮走.

新彊菜

昨天半地胆作領隊, 一行七人, 打算上深圳吃幾餐特別菜.

可惜人算不如天算.

擾擾攘攘, 一行七人, 累到剩下半條人命~~~~連一個驚喜都沒有. 只帶給大家行個不停摸釘子的疲勞.

最後, 領隊臨時想起一間新彊菜. 於是在科學館站下車, 又要折騰一番, 才找到位置徧僻的新彊菜.

全部侍應部長, 都是新彊人, 有些是帶有俄羅絲mix, 輪廓很好看.

先來一個脆脆香香的餅. 領隊說新彊當地人, 街頭是以這個充飢.足有隻碟咁大. 味道像吃梳打餅, 濃濃的芝麻味. 不錯

羊肉餅~~~可能是遲上枱的關係, 反而剩下差不多半碟沒人問津.

地胆領隊說紙包魚很出名. 當然要來一客. 味道也不錯, 帶少許辣.

普通小炒, 忘記菜名. 不過大家都說味道很好.

粟米西瓜酪. 底托是脆薄的東西. 本來應該很好. 可惜吃不慣粟米配上甜甜的檸汁. 令到這個以為是小菜的物品, 頓時變了甜品.

全場最好味, 大家都讚不絕口的~~~大盆雞.

有點像我們的咖哩雞. 不要以為紅紅的大盆油以為好麻辣, 其實一點都不辣.

白色的, 是新彊的粉皮, 不過較厚身. 婆仔見侍應倒出來時, 連粉皮水一起倒進, 所以不敢吃粉皮 但見大家都好陶醉於這個粉皮, 還沾滿那"紅油"才放進口. 說這樣就好好味喎.

好熱的鐡板豆腐.可能是新彊香料過多.

豆腐是橙色的. 加上其鮮橙紅色的汁, 又以為是勁麻辣的豆腐.

原來, 又是不辣的. 味道都不錯喔. 推介推介.

甜品有哈密瓜提子乾杞子湯~~~又是以為是湯, 端上枱才知是糖水.

味道怪怪~~~因為熱食關係.

大家一致認同, 冰凍後吃, 才為一絕.

同行者老公說, 在香港婚宴中, 起碼9,500一圍的菜, 才可享有類似的糖水.大家可以想像它的質素啦.

又是領隊介紹的~~土豆餅.

味道不錯, 起碼不油膩. 不過吃了半塊, 就很飽肚. 吃不下其它東西了.

昨天行程, 雖是整天混吉, 不過, 幸好有這餐新彊菜, 叫作不枉此行.

七人行, 啤酒汽水各樣小菜, 四百元有找.

地址: 深圳地鐡站科學館出再行約十分鐘.

深圳巿東園路濱河新村53號. 電話755-25870699

甜品行

到時到候又是時候塞錢入髮型師口袋.

今次少有地, 二少過海接婆仔一起食飯. 真難得.

去了一直沒機會試的阿拉面館...噓, 完全失望既呢.

全場最好味, 但又其實不算十分好味的豆沙香蕉窩餅做法簡單不過~~因為阿拉無採用傳統的旦皮.

不過, 相比其它小籠包雲吞饍糊等等, 這個窩餅算是滿意的一個了.

離開世貿, 看到對面的御品軒好像有甜品.

於是乎又入內試試.

二少常常笑婆仔: 就是明明肚皮飽, 不過對準甜品呢家野, 真係可以攞命搏~~點都繼續撐

好貴的水牛奶乜乜乜(忘記了)多謝婆仔32大元.

好像好普通的龍眼水牛乳. 多謝婆仔26大洋.

幸好沒有加一.

邊吃, 總是覺得自己都懂得弄這個賣成廿幾三十元的飯後品.

不過, 吃裝修, 御品軒都算不差.

愛靚唔愛命

今天, 臨出門, 屎忽痕, 把半寸鞋換了三寸踭出門.

下到街, 往車站的路未到三分一, 萬分後悔.

忘記了, 三寸踭, 經大雨洗禮後, 碼數好像大了一個碼, 勁鬆.

三寸高跟鞋變了三寸有踭拖鞋, 舉步難跟. 邊行邊甩. 要用腳趾屈實才不會飛踭.

後悔都來不切. 換著以前, 就會折返家裡, 換對半寸踭.

不過, 今早為了著哪件上衣和鞋, 遲了點出門. 再折返, 就會遲到.

新公司規定, 遲到罰錢.

心想, 今天頂不了, 都是坐OFFICE, 就捱那前後十分鐘的路程吧.

不過, 往車站的路, 變得好遠. 婆仔, 由一個健步如飛的人, 變了個行路拐拐下的美女.

瘀到爆.

還要是邊行邊停下, 用手再弄一弄對三寸踭.

未到車站, 都已經想掟甩對三寸踭.

好不容易捱到公司, 差一分鐘遲到. 一半原因是為了買份奶醬多; 另一半原因是, 不能正常行路.

早上, 同事忽然建議一起外出, 奉旨逛街.

整個下午, 就是逛街~~~~頂著那對爛鬼鞋.

回家途中, 完全無力. 沿途要扶著欄杆. 好想喊救命.

那兩個腳瓜好像抽筋一樣...起碼抽了半天.

痛到點捽都無效.

忽然覺得愛靚唔愛命就是攞黎賤.

點相

一直不明白, 為何有些公司愛要求員工提交近照.

一直以為是浪費的一種方法.

也徧見地以為, 那些近照, 不知會落在那個封塵的儲物櫃裡.

直到今天, 才知道近照的用法.

就是, 不好彩地, 被人點相.

今天, 老闆 照肺, 唯有愚笨地坦白了某些所見所聞.

然後, 老闆掟來了一小叠員工資料咭, 附上照片. 要求婆仔點出那位員工.

拿著那叠附近照的小咭, 好想跟老闆說~~忘記是哪位同事...因為, 難聽點說, 那刻感覺好像是篤人背脊.

當然, 如果護著那位同事, 變相讓老闆覺得自己又能力不逮.

唯有無奈地點出那位同事的相.

暗暗希望, 不要因而令他掉飯碗.

經此一役, 終於明白, 公司要求員工交近照的用意了.

生日快樂

老公大人牛一.

晨早的禮物是~~~~

醒他難得的機會, 駕驅載婆仔上班.

辛苦哂.

慰勞是~~太興早餐外加果沾多士一份.

放工後 , 兩口子到太平洋LOW COFFEE. 原來那個賣相好厚好大份的三文治, 烘好後, 既脆且薄. 推介推介.

看完頗好看的周杰倫秘密戲後, 便到半島酒店吃日本菜.

當然是由二少訂枱.

日本菜, 其實是半自助.

MAIN COURSE有彈牙蝦的天婦羅

或者牛肉燒


自助的, 有各式剌生

還是帶子合婆仔口味. 可惜沒有魚子.

自助的其它部分食物稻庭烏冬.

合婆仔口味的酸酸味PLUM TART (左邊)二少說好爽口的洋菓子. 可惜婆仔一點都不懂欣賞.
好多水的茶碗蒸.全場最好味的~~~是柚子味雪糕.

可惜每人只有兩球咁大把.

埋單多謝壽星公.
生日快樂呀. 祝你日日都咁靚仔呀.

八號風球回來了

久違了的八號風球, 終於回來了.

可惜婆仔仍在深圳回港的路途中.

三天行程, 深圳佛山南海到此一遊.

第二次北上, 都頗舒服. 起碼這間公司的文化, 跟超人截然不同~~不會要求婆仔九點正就要在深圳, 或南海開工.

每天都不用像之前一份一樣: 北上就要六時起床, 更甚者要五時起床趕火車.

目前為止, 這公司算做有專車管接管送, 坦白說, 這樣的出TRIP, 比起去旅行還舒服. 起碼不像超人一樣, 以為婆仔都是女超人, 可以單獨在廣州坐車, 拉著行李周圍轉車又轉車.

駐了三天佛山, 買了當地名牌李禧記回港.

南乳花生個個讚不絕口, 下趟會像同事一樣~~~買到好像上倉一樣.

感謝神, 因為在此公司工作之先, 讓婆仔有機會一嚐什麼叫OVERDEMANDING的超人老闆. 磨練了北上工作的精神負荷.

強烈對比下, 婆仔會更愛這份工作.

凡事感恩

這份工, 多要北上留幾天至個多星期.

為免晚上沒事做, 早幾天忽發奇想, 看看可否把NDS載入聖經版本.

這樣, 就不怕被公安捉拿 目前宗教在國內依然打壓得很厲害. 婆仔可沒宣教士那種隨時殉道的膽量.

沒耐性搞了一陣, 好像好複雜~~懶根發作, 索性叫二少幫忙.

二少搞了一晚, 都搞不通.

幸好, 今天他公司同事幫了大忙, 讓婆仔的NDS可以READ到聖經了.

可喜可賀.

以後出差, 有新伴相隨了.

遲一點, 再叫二少下載日文字典到NDS... 一於物盡其用.

謝謝二少今趟的寶貴時間喔.

按SCHEDULE, 應該趕得及星期六回港跟二少賀正日.

今天DESIGNER談起, 會WKEND上深圳. 碰巧老闆星期六下午才方便. 即是要北上, 又要星期六下午, 可能過夜~~~

聽到, 心想, 又會咁Q.

不過, 一年一個正日, 總沒理由不跟二少一起嘛.

唯有跟老闆說, 今個SAT下午有點事, 不能北上.

估不到, 老闆在電話那邊笑笑口, 肯遷就婆仔的SCHEDULE.

掛線後, 忽然覺得這個老闆好有人情味.

換著以前的超人, 明明講到明不能開OT, 都依然掟一大堆理由帶婆仔遊花園, 結論是, 你死人都要幫佢做.

今天, 為著兩件好小好小的小事.  心情, 好感恩.

學識凡事感恩, 生活都會開心一點.

徧向火坑行

可能性格問題, 這幾年, 好像專挑人家不建議的工來作.

開始這份工前, 其實都有另一OFFER, 不用出差. 長期留港, 適合已婚女性.

最好的, 是可以不用腦, 又無壓力~~岩哂懶精婆仔.

當然, 最後徧徧選了份要出差的苦工.

友人說, 這份工, 其實是另一個火坑. 只是由超人的火坑再跳去另一火坑. 轉工都沒什意思. 反正都是火坑一個.

原因是, 友人知道婆仔其實想找份安安定定返工等放工不用出差離港的工作.

不過又不知何解, 犯賤的婆仔, 暗地裡其實又好想選要出差的工.

返了一個星期.

一早預左, 要出差.

今天, CONFIRM了下星期出差的日子和地點.

接著, 還有月中月尾直落到九月的出差地點仍未落實.

今天, 跟友人談起出差地點. 她感到好難接受~~無得回家的情況.

叔仔聽到下星期的出差地點, 好奇怪, 問為何這份工又要出差. 仲要是越出越遠.

可能是性格問題吧, 總是做些出人意表的行為.

不過, 希望大家在禱告中記念, 讓婆仔可以有能力適應這種生活吧.

謝謝.

無乜好講

好快又五DAY了. 新工坐了五天. 這兩天, 同事都問習慣不習慣.

除了個別同事暗地裡間歇性地MSN外(即是公司不能公然開MSN), 不過卻可以公然用SKYPE(証明是精打細算的公司)其餘都沒有不習慣.

手頭上PICK UP的, 相信仍不足百分之一.

還待99巴仙待婆仔慢慢慢品嚐.

返了五天, 回家見到二少. 工作上的性質沒有野想講, 唯獨是~~

想跟二少分享:

我老闆.

親身觀看, 原來有錢人, 真的是可以有錢到咁的.

以前, 總是覺得房價炒到天咁高, 連美孚曼克頓山都要萬元呎, 西九銀海又要萬萬聲. 總是好懷疑那裡有這麼多有錢人.

原來一直都是井底蛙.

炒來炒去, 分分鐘都是那堆有錢人.

這五天, 幾乎每天, 都會好驚訝跟二少驚嘆老闆的"驚人消息"(其實只是婆仔覺得震驚).

不過都是那句, 咁多身家, 邊用得哂.

當然, 少不得一句~~咁多收入, 就應該比更好福利條件給員工嘛~~即是婆仔.

好熱呀

天時暑熱.

昨天傍晚跟老闆"逛街", 今天中午, 又奉旨行街.

熱到溶

LUNCH老闆和內地拍檔吃飯, 一行四人, 吃了二千六百幾.

果然是有錢人老闆.

作風都差好遠.

婆仔白吃, 靜靜的埋頭於那些美食中. 北方口音, 還是聽不慣.

飯後, 又和老闆逛了一會兒. 天時暑熱, 真是好辛苦.

好想問下, 可否不化粧呢

老闆這兩天說, 今個WKEND可能要北上逛一周.

內地比香港更熱 , 可否不化粧呢

今天收到超人寄來的REFERENCE LETTER, 好意外.

兩個月貨仔, 都沒有問過要REFERENCE LETTER, 居然會寄給婆仔.

學二少話, 婆仔真的令他好失望. 當然, 這個婆仔都認同的. 超人係幾好, 不過態度怪些. 好難拍擋.