悠長假期

四日復活節, 話咁快明天又要返工了.

真係好ENJOY呢四天的悠閒假期.

其實每天都沒有特別節目. 頂多浪費了一大小時, 在屯門新開的和民等位~~因為老媽子未食過和民, 唯有大陶荷包, 去了吃極都唔飽的和民食. 還在病中的婆仔, 很多食物都是望著父母和二少吃, 可惡.

其它時間呢, 就是做了很周詳的八日七夜北海道-東京之旅的行程.

實在太開心了, 昨天淩晨一點已大功告成. 幾乎拿著那份EXCEL, 就可以照足出發.

當然, 還欠酒店未BOOK. 出發前, 我都會上網CHECK CHECK 有沒有COUPON的, 原來北海道很多食肆都會在其網頁上POST COUPON, 咁就慳好多.

加上由ASIAMILES換來的北海道-東京機票.

還打算換埋ASIAMILES東京往機場巴士的車票(計下條數如果抵過自己買車票).......呵呵呵...計埋計埋, 今次淨係比車費同食住費.......其實又想換埋ASIAMILES的日本酒店住宿, 又可以慳返晚...不過又唔想轉酒店咁煩

其實八月至出發, 今日PLAN好行程, 原來一點都不過早.

假期開始前的一天, 已發了兩個日文電郵, 向民宿申請入住. 一間回覆說滿座.

一間很有性格......回覆: 不接受用YAHOO, HOTMAIL等等免費電郵的申請. 哼, 所以要等這間很有性格的民宿, 唯有等到明天上班再CHECK 公司EMAIL了. 其實滿有衝動打長途電話直接同日本人講數(讓民宿比我入住). 不過, 當然要CHECK下長途電話費先啦.

其實北海道的KUMASAN很受香港人歡迎, 如果不是像婆仔一樣有怪癖----去旅行不想見到香港人, 去北海道富良野美瑛, 可以BOOK KUMASAN. 包保一定熱鬧~~~皆因差不多整館入宿者, 都是香港人. 晚飯早餐圍埋一齊坐(民宿是一齊開飯的), 還可以SHARE 行程呢. 可惜婆仔不愛這種旅遊生活, 像返到香港一樣, 和香港人一起住民宿, 少了民宿的風味, 況且, 我想大膽一點: 學日文.

可能呢份工實在太忙~~忙極其實不用OT(公司不淮OT), 只是OFFICE HR內, 每分鐘都像玩生死時速一樣, 趕頭趕命. 所以, 難得有這幾天假, 讓我的腦袋鬆一鬆, 實在是太好了.