討厭的屯門母嬰院

D 人成日都話屯門醫院服務差. 都係聽多, 因為自己無經驗嘛.

豈料, 今次產檢, 真是檢到無名火三丈起.

雖然今次不在屯門醫院產檢, 不過, 也在屯門的母嬰檢查.....已經叫我頂唔順了.

失魂阿嬸我都不說了(也差點激到要大罵), 後來我索性不出聲, 等失魂阿嬸自己不知在哪角落找回我的檢查記錄(連孕婦記錄都不知放哪裡, 是否要嘔血呀)

好了, 到戲肉, 真正叫我看清政府醫生的面目, 就是白等了兩小時的輪候. 入了醫生房.

入醫生房, 是因姑娘知道婆仔胸部有點不適. 而安排婆仔見醫生的.

入到房, 醫生不客氣地問婆仔什麼緣故. 婆仔說胸部有點不適. 醫生看看鐘, 那時是12:40PM, 還有廿分鐘, 應該是他們吃飯時間吧.

然後, 醫生命婆仔解衣, 因為他的口吻有點命令又有點粗魯, 嚇得婆仔有點失惜, 手腳也慢了.

然後, 醫生大嚷 "快點啦快點啦.....出面還有好多人等呀", 睛卻是看著時鐘的

婆仔回應說 "除緊啦"........心想, 你有無搞錯呀, 駛唔駛咁趕住吃飯呀.

好了, 再一次戲肉又到:

婆仔又說 "最近幾天子宮有點痛, 應該不會痛架可? 開頭時期都過了(以我所知, 開頭一兩個月, 胎兒植入子宮會引起收縮痛)....."

醫生聽後, 好明顯不想答, 或不想聽到又多一個問題~~~~

醫生急口令的問有沒有出血呀? 小便有沒有痛? 大便有沒有硬?

婆仔三樣都說沒有.

然後, 好奇的病人婆仔問醫生: 咁即係乜野原因會痛呢?

醫生好寸的說 " 你聽我講........................" 其實他的解釋我都聽不明, 因為醫生不是在解釋, 而是在寸婆仔咁鬼多問題.

我好清楚記得醫生在一大堆訓話(寸婆仔)中, 有一句說過 "你而家問我, 我答你唔到點解會痛架喎, 你呢三個問題都話無既話, 呢一刻我只係知道唔係呢三個問題影響子宮痛囉, 但我唔知有無其它原因會痛......我呢度無超聲波, 睇唔到你子宮有乜事" 我心想: 咁我問你黎做乜你無超聲波, 可以寫紙我去屯門醫院照架嘛.

我又記得醫生在那堆訓話中, 大大聲說 "下次你再痛, 你去睇你的私家醫生啦" 我心想: 咁你唔係醫生咩, 點解唔可以而家解釋~~~~~咁如果我無錢睇私家醫生, 係咪由得我痛死.....

婆仔可能又白痴地問 "咁係咪要痛到典床典席時要去睇..." 其實是想知道, 過去幾天隱隱作痛, 是否正常可以不理.

醫生無好氣地打斷婆仔說 "我問你, 如果下次子宮痛, 要點做呀?"

婆仔無奈地答 "睇醫生囉" ~~~心想, 咁你咪醫生囉.......你做乜唔答我.

那刻, 萬分無奈湧上心頭. 咁即係點呀政府醫生. 我好似交左咁多年稅, 做乜你比呢D服務我既...

經過今次的經驗, 我更加相信, 在網上看到的, 孕婦在屯門醫院順產完, 雙腳還維持生仔姿勢~~~~~不過醫生姑娘去哂食飯, 食完飯至回來幫孕婦縫針, 還原雙腳合拼....原來食飯是大過天的.

也經過今次, 我更覺得屯門是好CHEAP的. 因為屯嬰不會安排孕婦做結構照(高齡除外), 但威院是會為孕婦安排照結構呀(當日我付錢照OSCAR時, 威院以為我是威院病人, 打算安排我照結構)~~~~~好後悔當初無跨區出巿區醫院檢查.