迎 B 頭

本身頭髮都短加上又難打理, 一向都要 KEEP 住每個月去修理. 算起手指, 距坐完月還有三個月, 又不想下個月腹大便便走去SALON訓低洗頭又要在街上迫. 所以, 昨晚便去CUT短頭髮.....以免已經走樣的短髮STYLE, 再等埋生完 BB 坐月時間, 嚇親人啦.

和髮型師說: 第一, 我要CUT 哂髮尾的 "的水" (本身短髮的髮尾長了, 碰著衣領好樣衰)

第二, 我要一個可以KEEP 三個月的髮型, 都不會走大樣的.

然後, 髮型師揭了一版書給我看, 看起來好像不太短. 雖然他說, 會幫我CUT短貼耳仔的. 好讓我坐月完畢都不會走哂樣 (頭髮). 心想, 應該 OK 啦, 便低頭看書, 由他去剪.

一抬頭, 不得了呀.....頭髮都沒有了 (頭側). 一邊嚷著好短, 好男仔頭....髮型師好無奈, 唯有把前面的頭髮保留不再剪短...就成了這個樣 (就是相裡看到 --- 最多頭髮的部分是髮型師手下留情的)

如果我沒有嚷著 "無哂頭髮啦...." 可能前面那堆頭髮, 已經 = 二少現在的髮型.

髮型師說, 一個月後, 我可以用髮夾, 把前面的長陰夾起了.....都好, 起碼一個月後, 個頭叫做正常返少少.

二少看到新形象, 不停發出微言: 成個男人咁呀, 無頭髮.....因為後面, 是跟他差不多的 ---鏟平了.

我咁大個都未試過咁貼服的短髮呀. 其實有點不開心呢, 忽然剪到咁短, 比我想像中還短.

不過, 為了生仔, 又要顧著坐月期間見得下人的樣子, 唯有把心一橫. 短短地, 易打理. 無咁嚇人嘛.