廿四孝媽媽去散步

兩個月零十一日:

等媽媽讚下自己廿四孝先.

早幾日, 爸爸說豬流感大爆發, 建議我和Isaac暫時不要到人多 + 細路堆埋一齊的教會喎. 加上最近天氣好熱好焗, 迫住廿四小時開冷氣比 Isaac仔嘆, 所以, 媽媽決定今個周日, 帶BB散步. 呼吸下新鮮空氣.

不過天氣熱, 所以, 媽媽心裡已經打算, 晨早流流餵完早奶後, 趁太陽伯伯威力唔係好勁時, 就帶BB出動架啦. 當然, 媽媽都預左爸爸會缺席, 寧願走去找周公談心.

今天五點幾, Isaac又喊醒要食奶奶啦. 一如所料, 爸爸又瞓到唔願起身. 餵完奶奶, 媽媽食完早餐, 媽媽一個人就帶 Isaac仔去公園行.

因為今日晨早, 好似想落雨咁, 媽媽一個人唔敢帶BB行落公園, 只係向有瓦遮頭既地方逛下咋. 費事忽然下雨, 擔得遮黎推唔到BB車啦.

 Isaac: 媽咪, 我好熱呀, 行完未呀?

媽咪: Isaac仔, 我仲熱呀, 我好想拎你車仔把風扇黎吹呀, 媽咪而家成身濕哂啦, 估唔到太陽伯伯無出動, 都可以熱死媽媽.

Isaac: 媽咪, 點解你叫廿四孝既?

媽咪: 因為媽咪以前想像唔到自己會肯半夜或者晨早流流起身餵奶, 跟住仲要咁熱天時, 仲有心情同bb一齊去散步囉. 就係為左比你吸下新鮮空氣.

行左一陣, 媽媽推返BB入商場, BB就即刻瞓著左了. 可能有冷氣真係易瞓著.

跟住, 媽媽懶叻去超巿買餸啦, 點知超巿未開門, 迫住同班婆婆伯伯企係門口等開門, 個下覺得自己好異類呀. 得媽媽一個人推住BB, 其它人都係耆英.