幪面超人@楓葉

陳家二少下周生日, 見二少成日估公司有無同事買旦糕比佢慶祝....所以, 早一週, 已經去訂了個旦糕比二少大人呀. 本來是打算送上二少公司, 等佢同事一齊幫佢切下旦糕氹下二少的. 不過阿低屎姐姐提醒左一句, 分分鐘到時係二少拎住盒旦糕要人幫佢切---仲核突所以, 都係我地兩個人自己係屋企食算啦.

今次係因為機緣巧合, 係街見到一間專造造型旦糕的鋪頭仔, 見幾得意, 所以就係呢間訂了個

究竟似乜呢.....其實係幪面起人黎架喎, 張牌仔仲係由 Isaac仔署名架, 可借返到屋企, Isaac仔已經同周公玩緊, 唔可以一齊影張相.

其實呢, 收貨個下, 有 d 失望架....點解係一個圓形加唧花而已既.....佢鋪頭做開個 d 面包超人呀, winnie the pooh 呀, 真係好似同埋有哂形狀架喎...

well, 好快食剩半個超人頭.....

原來唔係, 其實呢半個超人頭, 睇真 d...全部 cream 黎架.

所以, 1.5 磅旦糕, 其實有 1.3 磅應該係cream....唔怪得我食完 = 無食過野咁.

造型旦糕要成210元/磅呀, 貴過美心多多聲....抵唔抵就見仁見智了, 不過咁, 遲 d 我都會訂返個公仔造型旦糕比 Isaac的.

多謝低屎姐姐幫我摷左個楓葉電話: 2317 1755, 地址係向尖沙咀山林道.