離開 Isaac 5 日了 vs 唔要面的媽媽

1 Sep 09 呢日媽媽要返大陸做野呀, 好唔捨得BB. 爸爸好好呀, 呢日帶埋BB去機場, 等媽媽可以見多BB個零鐘.

成朝, Isaac都已經扁埋個咀咀

......好唔開心咁. 爸爸話, Isaac心靈感應知道媽媽要走了, 所以都好唔開心呀, 聽到爸爸咁講, 媽媽真係唔捨得到好想喊tim.

係機場, 臨走都要埋一次身先, 明知都無乜奶架啦, 都要埋下.....怕幾日無埋身, 就變成無奶了. Isaac成程掛住望住機場個育嬰室, 又係唔望媽媽, 唉.

唔要面之一: 媽媽一上到機, 開始兩個hr都泵一次奶.....直到返抵香港. 老闆都等到好似有少少黑面呀, 因為回程同老闆一齊走, 死人都要入廁所再搞搞先....已經好快手求其泵十分鐘左右咋, 點知出到黎, 見到老闆塊面呢~~~~無計, 為左唔可以再跌wat又為左要谷返起佢, 都要架啦.

唔要面之二: 係大陸幾日, 公廁超恐怖呀.....唉, 不過為左 Isaac, 我呢個意志真係好強既呢, 堅持兩個hrs消失鋪頭一次, 閃左去泵奶, 每次泵大約十五至廿分鐘, 加埋來回時間, 可能每次消失左半個hr.....每次返回鋪頭, 其實好驚見到老闆望住我, 可能心虛啦, 怕佢計住我去幾耐嘛. 仲要企係個公廁, 真係好好好唔願意囉....為左阿仔, 無法.

唔要面之三: 唯一一晚老闆帶我地幾個key person去食飯....好想泵奶呀......點知閃唔到, 唯有趁大家岩岩坐低點菜時, 閃去泵啦, 已經好求其架啦, 泵佢大約十分鐘左右, 以為大家仲諗緊食乜....點知出到黎, 大家都望住我, 原來大家已經食緊了. 好瘀呀, 咪當自己肚屙囉(我咁同自己講)

唔要面之四: 回程時, 諗住懶去飛機washroom泵奶啦, 索性坐係位到泵....泵下泵下, 其實唔知有無奶出. 不過呢, 忽然覺得條褲點解暖暖地既呢..........好驚呀. 原來流哂落條褲+手袋+座椅到.....個下好驚滴埋落地下, 人地以為我賴尿呀.............

2 Sep 09 呢日, Isaac好明顯已經忘記左媽媽啦, 睇佢玩得幾開心, 係咁望住自己隻腳仔.不過婆婆扣漏左粒鈕呀, BB 你走光呀...

Isaac: 嘻嘻, 走光tim....

衰豬好明顯已經玩到唔記得媽媽了...

3 Sep09

4 Sep 09

究竟bb做乜呢....其實係比婆婆同爸爸, 抱住要佢坐係電腦前面睇mama...可惜BB集中力唔好, 通常都係周圍望跟住唔肯再坐.

Isaac: 係呀, 我鐘意同人玩多過坐係度呀.

或者趴係度我都好鐘意.

5 Sep 09

傍晚終於返到屋企了, Isaac望到媽媽.....一點反應都無呀, 原來媽媽係度同唔係度, 對bb既分別不大架.

出差一如所料, 無觀光無購物. 只影左兩張相.....就係鋪頭個條街了.

同埋酒店去鋪頭, 必經的一間教堂.