媽咪比人偷銀包呀

29 Nov 09 呢日媽咪特登和Isaac去海港城影相, 因為有次放工經過, 見個頭已經佈置得好靚呀....比Isaac見識下有d新野望下刺激下嘛.

慣住同Isaac 影相, 媽咪揹住呢個手袋~~~~竟然比賊仔光顧, 成個銀包不翼而飛...賊仔好過份呀, 擺明恰媽媽顧於照顧bb咋嘛.

呢輪Isaac好enjoy 學行路. 擘大口笑哂架.

爸爸就最鐘意抱Isaac騎膊馬, 不過相比學行路, Isaac 已經無咁enjoy了.

Isaac招牌式嗲人姿勢, 冧死人架.

唔知 Isaac幾時至可以同呢棵聖誕樹一樣高呢.

經過1881, 順便入去影多張相.

1881同海運個邊一樣咁多遊人影相, 仲有結婚新人影相tim

30 Nov 09媽媽比人偷左銀包, 呢日請"病假"去補領. 無法啦, 公司唔講人情, 幾個鐘照扣錢, 不如請病假, 比人扣一日既1/5...都平過比人扣半日人工, 仲要返埋個半日來來回回咁頻撲.

所以, 呆等補領身份証幾個鐘後, 下午媽媽帶左Isaac落樓下玩. Isaac 好專心喎, 望乜呢...

原來係呢個噴水池呀.....一直吸引住Isaac望實.

Isaac: 等我裝下出面先...

媽咪: 你裝到D乜呀?

除左噴水池, Isaac最鐘意企係到望野....連滑梯都未識enjoy點玩tim.

做乜偷影呀

26 Nov 09 Isaac: 做乜又偷影我食粥個樣呀

Isaac: 爸爸, 你好囉喎, 影完我食粥又偷影我瞓覺......

夜晚媽媽返左學, 爸爸同Isaac玩, 你睇Isaac 誓死要拎到盒cream幾勁.

27 Nov 09 晨早, 爸爸就比Isaac睇bb電視了

可能Isaac仔細無睇開電視, 所以對電視興趣不大, 咁都好. 唔會變電視迷.

Isaac: 你又做緊乜呀....又想影我相呀?

28 Nov 09 Isaac: 哈哈, 爸爸話呢個係藍色......

Isaac: 又偷影.....

無題

23 Nov 09 Isaac: 呢舊係乜黎呢?

Isaac: 爸爸, 呢舊食唔食得架?

無論食唔食得, Isaac都會放入口咬下. 不過睇書講, 呢d係bb仔探索世界之一...只係佢地用口黎探索, 所以媽媽一般係唔會阻止佢咬野既.

24 Nov 09 Isaac: 等我扮下cool 先..

Isaac: 其實我唔係好cool 咋.

25 Nov 09 Isaac 咁聚精會神

原來係睇緊電視.

Isaac: 係呀, 媽咪, 爸爸新開左個有線台比我睇呀...

新玩意

21 Nov 09 熟習左新屋環境後, Isaac 除左咬玩具外, 仲比佢揾到兩個新玩意.

望下街街轉移下媽咪目光先......

Isaac: 媽咪, 你睇我唔到睇我唔到

...其實係圍位張凳係咁反手轉, 跌低又企係身又黎過.....Isaac 應該覺得好好玩定.

22 Nov 09 呢日, Isaac 居然成功爬上個箱到呀.....哈哈哈, 果然係一名好動仔仔呀.

爬完箱箱. Isaac 仲不忘舊玩意~~~咬玩具.

仲咬得好專心架, 你睇, 趴係到都keep住舊紅色野

搞左好耐, 呢晚bb太興奮啦, 瞓唔著, 竟然要爸爸抱住瞓. 成十點lu......

yiiiii, Isaac 仔去左邊呀~~~~

成長記斷左一日相呀

18 Nov 09 Isaac 做乜呀.....唔通想搶相機?

19 Nov 09 扮斯文怕羞的 Isaac.

媽咪: Isaac, 你係度做乜野呀.

Isaac係度專心望乜呢?

哦, 原來睇爸爸打藍球呀....點解個波會識彈既呢, Isaac 梗係咁諗.

20 Nov 09 呢日好失敗, 返左學, 放學返去又忙呢忙路, 完全忘記幫bb影相呀....嗚嗚, BB 成長記斷左欖了. so sad

爬唔到上去就打打

17 Nov 09

錄於媽媽返左學, 爸爸錄低左 Isaac 既行為

本來係想爬上個箱到

幾經辛苦都唔得, 足之係咁打.....爸爸形容為, 發脾氣, 打死你(箱)

無時停

15 Nov 09 呢日忙忙碌碌, 下午仲要同 Isaac 出去同其它屯門 BB 玩玩. Isaac 好明顯好似比其它 bb大隻咁.

返到屋企, Isaac 又醉心於新枱仔玩具----咬咬咬.

Isaac: 媽咪, 我唔理你呀, 我想食左呢舊野去.....

除左咬玩具外, Isaac 開始鐘意爬去坐窗邊呢張大人凳到..........當然係爬唔上去啦, 媽媽見 Isaac 想學大人咁坐, 就抱佢上去坐, 你睇, 陰陰咀奸笑.

16 Nov 09 呢日又唔記得幫 Isaac 影相, 唯有影張睡美男啦.

 17 Nov 09 Isaac: 好悶呀, 乜媽咪今日仲晏仲未返架.....

Isaac: 我唏.....我要撐上去坐呢個箱呀.......

結果係點????

請按這裡.

咬玩具

11 Nov 09 Isaac 係度望乜呢?

哦, 原來係婕婕黎左同Isaac講野.

12 Nov 09 Isaac: ee, 你做乜偷影我食粥仔個樣呀...

13 Nov 09 呢日媽媽放學返到去, Isaac 已經瞓到好淋了. 唯有補影一張相.

14 Nov 09 攤到成地玩具, Isaac 係咁醉心於咬咬咬, 手拎一件, 腳又夾住一件.

媽媽放工返黎, 幫Isaac收起成地玩具, 地墊上只可以有三樣野既姐.....你睇Isaac 幾專心玩張枱.

oh, 轉過頭, 其實係擰轉面自己拎黎食.