媽咪比人偷銀包呀

29 Nov 09 呢日媽咪特登和Isaac去海港城影相, 因為有次放工經過, 見個頭已經佈置得好靚呀....比Isaac見識下有d新野望下刺激下嘛.

慣住同Isaac 影相, 媽咪揹住呢個手袋~~~~竟然比賊仔光顧, 成個銀包不翼而飛...賊仔好過份呀, 擺明恰媽媽顧於照顧bb咋嘛.

呢輪Isaac好enjoy 學行路. 擘大口笑哂架.

爸爸就最鐘意抱Isaac騎膊馬, 不過相比學行路, Isaac 已經無咁enjoy了.

Isaac招牌式嗲人姿勢, 冧死人架.

唔知 Isaac幾時至可以同呢棵聖誕樹一樣高呢.

經過1881, 順便入去影多張相.

1881同海運個邊一樣咁多遊人影相, 仲有結婚新人影相tim

30 Nov 09媽媽比人偷左銀包, 呢日請"病假"去補領. 無法啦, 公司唔講人情, 幾個鐘照扣錢, 不如請病假, 比人扣一日既1/5...都平過比人扣半日人工, 仲要返埋個半日來來回回咁頻撲.

所以, 呆等補領身份証幾個鐘後, 下午媽媽帶左Isaac落樓下玩. Isaac 好專心喎, 望乜呢...

原來係呢個噴水池呀.....一直吸引住Isaac望實.

Isaac: 等我裝下出面先...

媽咪: 你裝到D乜呀?

除左噴水池, Isaac最鐘意企係到望野....連滑梯都未識enjoy點玩tim.