開心遊公園

28 Mar 10 呢日天氣好好, 爸爸媽媽就按議好的行程, 帶 Isaac 去動植物公園. 今次帶埋公公婆婆去.

一去到, Isaac見到大型噴水, 入哂迷, 仲要young上個"膊"到睇, 越young越開心, 真係越來越男仔.

婆婆: Isaac 你做乜咁開心呀, 你好鐘意爬上"膊"喎

 Isaac: 嘻嘻, 屋企無得爬嘛

Isaac: 爸爸, 你影我地合照呀?

Isaac: 媽咪, 行快 d 啦, 你睇前面......

坐定定食完奶奶, 爸爸買左吹泡泡玩, Isaac 好鐘意喎, 係咁笑.

Isaac: 嘩, 呢個波波好大呀

Isaac: 咦, 媽咪, 你又偷影我......

Isaac: 波波, 唔好走呀.....

玩完波波, Isaac 認得既唔係波波, 係爸爸手裡面支吹波波既槍. 仲指住個支槍意思係做乜你仲唔繼續吹波波呀......可惜無upload條片

玩完波波, 陪下爸爸睇雀仔

做乜兩父子目定口呆......

不過係一隻雀仔咋嘛, 睇到兩父子呢....

Isaac: 媽咪, 你唔好呷醋, 我扮個cutie樣氹下你啦

媽咪: Isaac真係識氹人

 Isaac: 梗係, 見係你至氹你咋媽媽

Isaac: 行快 d 啦爸爸, 落斜喇....

沿途見到菠蘿仔一粒

去到大playground, 好多小朋友係度玩吹波波, Isaac又比波波吸引左

Isaac: 我要去捉波呀

捉完一輪, 又滿足一下 Isaac 睇水既好奇

Isaac: 我掂唔到條水柱.........

Isaac: 爸爸, 你睇, 個度d 水好大聲

Isaac: 爸爸, 你有無睇架.....

返到屋企, 因為就黎要去旅行, 所以試下baby food, 一如以往, 一食到好味既野食, Isaac就會un到張highchair 郁黎郁去, 真係得人驚. 媽媽好怕張highchair忽然un到爛左, 跌親Isaac又嚇親媽媽呀

側面幾日

25 MAR 10 Isaac: 點蟲蟲, 蟲蟲飛

呢晚媽媽食完飯飯就同Isaac和工人一齊去買餸餸. 之後就等爸爸放工係公園玩一陣. 又探下Isaac最鐘意既氹氹轉

Isaac: 呀, 媽咪, 你睇個度

Isaac: 呀, 仲有呢度, 睇下....

26 Mar 10 Isaac: 咦.......我煙牙鬆幹個樣係咪好搞笑呢

Isaac: 我boooooo 谷住度氣一bo, 試過吹哂咀仔d野食出黎, 激到媽媽紮紮跳.

27 Mar 10 Isaac: 爸爸媽媽今日結婚四周年, 我呢個做仔既, 今日自己娛樂日. 希望爸爸年年都咁錫媽媽, 因為我都好錫媽媽, 我唔想有人蝦媽媽呀....

B 模?

24 Mar 10 又係開餐時間, 而家每次食飯飯前, 都要Isaac 自己餵自己先. 到佢真係唔餵啦, 我地至出動.

 呢日好熱, 媽媽搖控要工人幫 Isaac著短袖算. 睇返 d 相好得意, 好似BB Model咁

Isaac:點解呢套夏天裝, 顯得我好肥咁

Isaac: 拍手唱兒歌先

Isaac: 企起身會唔會顯得瘦d

Isaac: 定坐係度瘦d 呢

Isaac: 不如扮個cutie樣, 起碼肥得黎叫做可愛吖

Isaac: 你話係咪喇

夜晚, 媽媽拎呢個槌仔出黎玩, Isaac聽到聲, 笑住搶黎玩, 不過佢好眼瞓啦, 不停咁打不停咁打, 重覆好耐都無表情, 就知眼瞓.

 不過幾眼瞓都好, Isaac 都係堅持用左手黎打, 無力時, 用右手托一托架咋.

學習自己餵食

11 個月既 Isaac, 係時候要開始學習下自理能力. 媽媽就由 Isaac最鐘意食既性格開始.

每次用餐開頭, 都教 Isaac自己餵自己.開始時, Isaac好唔鐘意, 擰哂頭硬哂呔唔願郁. 不過而家好d啦, 開始肯自己餵自己食好多啖至放手比媽咪餵.

22 Mar 10 Isaac: 噢, 電話跌左囉

Isaac: 我想打比媽媽, 聽下媽媽把聲聲呀

Isaac: 我要學習自理能力, 自己餵自己食飯飯.

Isaac: 咦, 做乜又偷影我

媽媽: 因為 Isaac好叻囉, 肯自己餵自己食野

 Isaac: 嘻嘻, 媽媽讚我, 我怕羞架喎

23 Mar 10 又到 Isaac 最鐘意既食野時間. 一食到好好味既野食, Isaac 腳仔就係咁飛黎飛去young黎young去

Isaac: 乜喎. 我媽咪都鐘意食野啦.

Isaac: 除左食, 我仲鐘意玩發光既野, 包括屋企個電話同呢個不停發光既鬧鐘

Isaac: 爸爸, 我擺個自己餵自己食野既pose你影吖. 你記住比媽咪睇, 等媽咪又讚下我喎.

呢日, 爸爸帶左 Isaac 落公園玩, 但 Isaac都係鐘情於水水, 聽到泳池有水聲, 企定定望左好耐

happy weekend 2

21 Mar 10 十一個月人仔既 Isaac, 最鐘意模仿大人. 坐車要渣扶手, 仲要唔比人渣住佢個位喎, 唔係會撥開你隻玉手, 再加老虎叫, 跟住自己霸返個扶手位

 Isaac: 乜姐, 呢 d 係常識黎, 坐車要緊握扶手.

呢日, 我地去濕地公園睇風景. 短短路程 Isaac 已經要揾周公. 岩岩好媽媽爸爸食完lunch Isaac 就醒左.

Isaac: 好眼瞓呀, 你地做乜推架車仔推到duck下duck下, duck醒我.

爸爸: 係呀, 唔好嬲啦, 一場黎到睇下蓮花啦

 Isaac: 蓮花...等我裝下先

媽咪: Isaac 你望下幾多花花

 Isaac: 望完我仲係好想繼續瞓呀

Isaac: 都係郁下醒神 d

點知一落到草地, Isaac 好似震哂咁, 唔係好肯行. 行左兩步要抖抖了.

 Isaac: 好熱呀, 你地慢慢行啦, 我坐係到嘆下餅餅算.

入到觀鳥屋, Isaac 對暗暗的木屋興趣大 d, 係咁望個天花

媽媽: bb, 你睇個度...     爸爸: Isaac, 呢邊吖         Isaac: 你兩個想點, 咁我要望邊好呀?

呢個背景有藍天又有樹, 幾靚呀, 可惜好難要 Isaac望鏡頭, 加上又熱, 爸爸好明顯塊面係lan埋一注既.

Isaac: 做乜你兩個忽然咁好笑呀?

爸爸媽媽: 因為我地行完終於可以返去抖囉, 好熱呀.....

媽媽: 唉, 爸爸又閃左去睇野, 我地再等下啦

 不如放你落石春地行下....

Isaac: 媽咪, 我唔想行啦, 我要抱抱

回程去到有冷氣地方, Isaac 又醒神哂, 四萬咁口.

 仲有樣學樣扮爸爸瞓瞓. 笑死.

搭車又黎緊握扶手囉, 又係爸爸握住左比 Isaac 撥開佢隻手.