11個月人仔識行好多步了

11 Mar 10 話咁快Isaac就11個月大了, 時間過得好快. 11個月前, Isaac仲係一個好難湊既蘇蝦仔, 日喊夜喊, 搞到爸爸媽媽成日半夜起身. 而家既Isaac好湊好多了, 又肯食又肯瞓. 好聽話.

Isaac: Jinla, 今日我唔係十一個月大咩, 點解爸爸媽媽都唔係到架? 連婆婆都唔黎......

Isaac: 個個都唔係到, 咁我自己散下步算.

Isaac: 唔淮偷影

12 Mar 10 呢日, 媽咪係cam見到Isaac 識行好多步了. 之前都仲係衝呀衝呀咁衝兩三步就要撲埋黎. 唔知點解呢日忽然行到呢. 好神奇.

Isaac: 但我唔想比你地影到我行路個幅相喎, 你地都唔陪我玩.

Isaac: 唔好阻住我啦, 我行緊路呀, 聽日媽咪返半晝, 媽媽放工返黎,我要行比佢睇架.

13 Mar 10 好唔容易終於又等到周六. 放工飛返屋企陪Isaac. 到十一個月大, Isaac仲係要搶媽媽d故事書自己睇. 完全唔聽媽媽講故仔.

不過Isaac 呢個踎係度睇書既姿勢, 真係對一個bb黎講, 會唔會高難度左少少. 好似大人咁.

自從爸爸買左個玩具桶後, Isaac最鐘意係呢個藍色蓋. 媽媽絕對有理由相信, Isaac其實係鐘意藍色.

Isaac: 噓, 媽媽借過呀, 我碌緊個蓋.

忽然拎起個蓋, Isaac 就起勢咁行, 媽媽當然要即刻錄低佢啦.

呢個下午Isaac又唔肯瞓但又好眼瞓. 唔肯瞓咁媽媽比左半個豬仔包佢食, 次次一食, Isaac就好好好好開心.

媽咪: 你睇你食到個咀都係包碎

Isaac: 嘻嘻, 唔緊要啦, 媽咪會幫我抹.