好忙既Isaac

17 April 10 Isaac爸爸一心陶造一個似男仔既 Isaac, 所以Isaac好細個已經買車車比佢玩, 仲係咁教佢點玩. 而家, Isaac 終於識玩仲間唔時拎黎玩tim

Isaac: 呢架坦克車係爸爸買比我既

玩到趴哂地

Isaac: 嘩, 好快呀架車, 爭 d 衝左落枱底

18 April 10 除左車, Isaac 拎住個膠袋都可以玩一餐.

19 April 10 呢頭爸爸想 Isaac玩男仔野, 個頭係台灣就買左個熊貓公仔比 Isaac, 不過Isaac 係得閒無事至拎上手玩兩玩咋, Isaac對呢隻熊貓都不及佢做bb仔個時個隻唱歌既bear bear 熊既鐘情

睇下, 話咁快隻熊貓就比Isaac 掟左落地. 媽媽最近教 Isaac唔可以掟落地, 掟左要執返.

 Isaac: 我好忙呀, 我無手拎熊貓咋嘛......

Isaac: 等我睇下仲有無其它玩具玩先

Isaac: 我炮緊煲湯書, 想學煲湯比媽咪飲呀

Isaac最近仲鐘意拎住支筆係咁畫.

Isaac: 畫好, 你睇下我傑作靚唔靚?

Isaac 其實日日都好忙, 睇佢額係摷到新玩具出黎玩. 真係激死. 明明叫左工人限制佢拎出黎玩既玩具件數, 但工人永遠都係please 少爺仔就算 ~_~ 永遠搞到成地都係玩具.

一歲打針針

13 April 10 去完台北返黎既 Isaac, 晨早又食包包, 展現佢狼吞虎嚥既食野方式. 都唔知點解Isaac食野咁急, 唔知係咪諗住拿拿臨食完就快幾秒再食下一件咁呢.

 Isaac: 你點知我咁諗架媽咪?

除左食, Isaac仲好鐘意拎住個匙, 係呢張膠凳玩. 媽媽自己覺得佢好似人地玩煮飯仔咁

Isaac: 靚女, 你想食乜呀, 輪到你啦. 快 d 落單啦.

呢日爸爸放假, 無帶bb車, 就咁帶左 Isaac去街巿個頭買金魚

睇見 Isaac 係咁比爸爸叫行快 d, Isaac又真係行快幾步, 好鄧佢索氣呀bb.

點解忽然停低既, 望乜呢?

Isaac: 點解裡面有隻野會郁既...............

其實係貓貓, 呵呵

14 April 10 Isaac: 做乜影人睇書呀?

 Isaac其中一個嗜好係, 睇書, 真係好. 希望佢可以持續到大個啦.

Isaac: 承你貴言

15 April 10

16 April 10 又返健康院打針針. 一個月人仔既 Isaac 重廿三磅. 無度高, 唔知幾高呢.

未打針既 Isaac好風騷咁周圍social架

Isaac: 你好, 我地做個朋友吖, 我叫Isaac.

Isaac: 乜等咁耐架, 我行左好多個圈仲未輪到我入去.

打完針針, 返到屋企 Isaac好忙咁遊屋, 日日都係咁架佢, 拎住條紗巾屋頭行到屋尾再重覆咁行.

行到攰, 同爸爸詐下嬌咁. 難得爸爸係屋企喎, 梗要嗲下佢啦.

打完針既Isaac, 去到四月廿五號晚十一點幾, 終於發燒了. 最高燒到38.5度, 不過大多數時間係維持係37.x度浮浮下咁. 廿六號晚飯時間正式退燒. 廿七號見到少少疹仔, 應該係打針後遺症.

下次歲半支針, 打之前, 媽咪會記得要煲多幾轉涼水比 Isaac飲, 等佢唔好燒至得.

Isaac教你買旦糕 @ 台北

12 April 10

Isaac 第一個生日, 媽媽都係堅持無學人買旦糕同Isaac仔切. 因為額係好似同買個旦糕比自己食無乜分別, Isaac 都唔食得幾多咁. 加上媽媽仲係好堅持去control Isaac 食清淡既bb 食物until兩歲. 所以, 旦糕, no way.

可能係咁, Isaac 係台灣百貨公司, 見到呢隻咁cutie既旦糕, 竟然駐目左好耐.

Isaac: 嘩, 好靚呀呢個旦糕

Isaac: 爸爸, 買呢個旦糕同我補返摛日個生日啦

Isaac: 一生人一次既一歲生日, 等我放縱下先, 自己點旦糕. 唔駛等媽媽買

Isaac: 唔該, 我要一盒

Isaac: 唔.....呢個朱古力旦糕應該幾好味

Isaac: 比埋呢件我吖姐姐.

Isaac: 我仲要埋呢款芝士旦糕

Isaac: 咦......呢 d 好似都幾好味既野食黎架喎, 當送比自己做生日禮物都好喎

Isaac: 等我自己開鎖拎盒先

Isaac: 呢個鎖係咪要踎低至開到架....咁緊既

Isaac一歲人仔, 不過係超級餵食. 一聽到食呢個字, 對眼會發光仲會定哂形咁留意下食既"來源"

爸爸話係媽咪遺傳喎. 其實媽媽生左Isaac後, 已經無以前咁餵食架啦, 媽媽估應該唔關媽媽事呀, 可能係Isaac搞到媽媽大肚時特別超級餵食就真

台北一遊 - DAY 3

12 April 10 本來媽媽打算係Isaac正日生日個日, 係呢個車站影返張相, 起碼有個叫台北既名吖嘛. 不過生日正日好忙咁, 返到台北車站都夜晚lu. 唯有後補一張家庭合照.

呢日last day, 特登去西門町買南蠻堂蜂蜜旦糕. 其實應該話, 之前個晚有去過西門町揾南蠻堂, 點知原來南蠻堂收六點, 我地三個摸門釘. 唯有臨走特登再去西門町囉.

咪就係呢盒蜂蜜旦糕. 老老實實, 佢最近升為新貴手信, 好味在邊呢....可能係面個層甜甜地既蜂蜜味. 但overall佢既出品係結實型, 唔係我地杯茶.

特登去買左一大袋旦糕, 揾個嘆咖啡的地方hea. 西門町晨早都係無乜咖啡館, 同台北車站附近爭好遠. 行下行下, 不知不覺竟然去到蜂大咖啡, 去幾次台灣都無試過, 呢次咁岩行到門口, 的左二少入去嘆咖啡.

二少點左早餐, 我就點左熱既台北咖啡, 好正喎, 杯台北咖啡. 仲有試下所謂出名既花生糕同合桃酥. 我見隔離枱一班台灣無業師奶們嘆咖啡都放左一碟合桃酥作伴的. 合桃酥係鬆化既. 但又未至於話好好好好好食咁囉. 反正去嘆咖啡就差唔多

臨走, 仲見到唔少電單車既地道男人去買咖啡豆回家.

Isaac: 媽媽, 做乜要迫我係台北車站留倩影呀?

Isaac: 唉, 媽媽又要迫我一個影相.

last day既lunch, 額係覺得要食埋鼎泰豐先至似去過台北. 我都係覺得鼎泰豐好食過點水樓架, 所以點都係要去食返老牌鼎泰豐既小籠包

Isaac: 爸爸, 快d入去呢間食啦, 個籠包好似好好味咁

呢日, Isaac第一次執筆, 好開心架佢

第一次執筆, 畫到張紙花哂.

呢次好hea咁帶住Isaac去台北, 手信唔多. 除左一大袋蜂蜜旦糕, 仲有幾盒呢款查理布朗雞旦布丁. 同事個個都讚好滑. 不過無我想像中咁甜品feel. 所以我下次唔會再買佢. 可能呢個叫有期望有失望.

係雞旦布丁既查理布朗店, 順便買埋鳯梨酥. 好似話係入奬定點的.

個人反而接受到呢隻鳯梨酥, 無以前買個d咁漏. 前前後後都唔記得自己KO左幾多件lu.

台北一遊 day 2

11 April 10 呢日Isaac正日生日, 媽媽特別安排左去動物園, 比 Isaac 玩足一日.

晨早流流好眼瞓但又唔肯瞓既Isaac同媽媽合照.

係動物園門口開餐完, 一家三口來兩張合照先

Isaac幾聽話, 兩張都望鏡頭喎

呢個動物園好好大, 話多野睇又唔算. 不過香港大開既, 又鐘意動物既, 真係要去一去, 因為呢隻mix埋既羊駝, 真係未見過

呢大大金龍海洋公園都有

但呢隻咁卡通片feel既大雀, 我就未見過囉.

Isaac: 好開心呀, 爸爸, 好多動物呀, 仲有我又可以周圍行

非洲班馬同.....羚羊, 無記錯的話

非洲長頸鹿

Isaac: 唔, 乜呢 d 動物我未見過既, 好怪.............

去動物園, 媽媽仲刻意幫Isaac著左件動物短袖衫打底. 終於有機會暴光囉, 呵呵.

Isaac一推唔到架bb車郁, 就會有呢個衰樣, 發哂忟憎咁.

Isaac: 我好可愛呀, 做乜話我衰樣

唔怕樓梯既百厭仔 Isaac, 當樓梯係平地咁行, 難為了媽媽每一步都心驚胆跳. 怕Isaac踩空級趴係到.

離遠見到呢隻大烏龜, Isaac已經手指指, 一於影張母子照先.

Isaac: 媽咪, 我指緊係前面個隻呀....       媽咪: 唔理啦, 影左先啦

動物園裡面又真係有好大隻烏龜, 海洋公園好似無既

Isaac: 龜龜, 我摸下你先

仲有海洋公園一定無既企鵝呀, 其它動物園都好少見.

可能帶埋bb, 本來諗住行兩三粒鐘既台北動物園, 咁又hea足六個鐘. hea到人地閉館至走. 不過仲未逛哂成個動物園.

對 Isaac黎講, 呢個生日都夠特別啦, 睇左咁多未見過既動物.

夜晚, 終於有少少精神, 去士林夜巿掃街. 不過推bb車唔方便, 所以二少就揹住 Isaac去. 你睇二少扮到個樣幾辛苦 (雖然真係好辛苦....)

入到士林, 好攰既Isaac就咁伏左係爸爸心口瞓著左lu. Isaac生日就係咁度過左.