台北一遊day 1

10 April 10

呢日同Isaac同埋老公換左asiamiles去台北. 我地落左機, 因為無做足功課, 見到好多巴士話經台北車站. 不過飛狗巴士零零舍舍收得貴, 問個飛狗賣飛既阿嬸點解你特別貴過人啦, 佢話其它巴士行唔知乜路, 耐d至到台北車站, 加上飛狗會車我地去到酒店門口....一聽到酒店門口, 都無再諗其它lu, 因為推住bb要行去揾酒店又拎住行李都幾麻煩.

點知.....行左四十分鐘, 停左係路邊, 踢哂我地台北車站既人落車, 轉呢架巴士, 好煩呀

等左好耐, 呢架接駁巴士仲未有人上. 等左成廿分鐘, 至有人上, 跟住仲要只係向台北車站踢哂我地台北車站附近酒店既人落車, 乜咁叫停係酒店門口咩 我記實飛狗, 以後去台北唔會再搭你.

一家三口既行李, 細喼係bb 水同baby food, 大喼有一半都係bb野, backpack又係bb野, 超人袋又係bb野. 果然帶bb去旅行, 係幾乎帶哂成間屋去咁滯.

好"領hea"至可以去到酒店. 點"領hea"? 就係Isaac瞓著左, 又要抱又要推bb車仲要推兩個行李揹埋袋, 四隻手做咁多野. 不過過左呢part, 之後就係好似平時出街咁.

酒店check in左, 我地去左附近既良品食紅燒牛肉面,好正喎, 不過唔辣既.

至正就係豆漿. 臨走個日想飲多轉, 點知老公買左第二間. 都係良品好味d, 有豆味.

除左牛肉面, 仲叫左個一般水平既水餃.

食飽飽, 一家三口去淡水逛下, 真係純粹去逛囉.

行到呢間牛角包店, 好香出爐牛角包味. 買左個黑糖同原味, 試過都係黑糖好食d. 但唔知點解呢隻牛角包唔係酥黎, 而係實的的既包. anyway, 黑糖係好味既

行到尾, 至揾返第一次去淡水, 令二少著迷既魚丸. 因為有bb車, 我地唔入去迫住坐, 同店員特別要求企街邊食. 店員見我地有bb, 都特殊比我地拎住個碗企街食.

淡水而家原來仲有賣天仁茗茶店, 呢支抹茶雪糕好香抹茶味, 我覺得比起個d 10元台紙既超高雪糕, 不如試呢個啦.

淡水和廿四孝老豆.

見到好似幾多人排除既阿媽的酸梅湯. 買左一杯黎飲, 又係幾好味喎. 去咁多次台灣, 第一次飲, 真係大鄉里.

行完淡水, 返到酒店都七點, 拿拿臨煲水浸熱baby food同埋同Isaac仔沖涼涼. 因為二少好好好攰, 所以呢日既晚飯, 無掃街. 只係向酒店附近揾食. 行到有間叫老董既台灣面, 諗住好食啦, 點知一入門口, 好好大陣"蘇"味撲埋黎.

兩碗牛筋腩面都係充滿牛"蘇"味. 平時對食無要求既二少, 今次罕有地罷食囉, 咁可能真係好難食. 不過我都係唔識欣賞. 似乎up dump既良品牛肉面好食過好似好出名既老董囉.

罷食後, 比我點左二少入呢條後巷買野, 後巷位置係凱撒後面一個街口既橫街. 岩岩係呢條banner既轉入去, 不過入去唔係買涼面.

岩岩又係向呢間賣珍珠店既轉入去. 對面係賣鐵路便當.

有圖為証, 小妹經過見, 嘩, 乜咁多人企後巷買野食, 梗係好好味架啦....二少先拎ticket 等....一等等左有半個鐘. 救命, 乜真係咁出名咩?

等左半個鐘, 就係買左呢盒, 好多人都係only order 呢個菜餅喎.

35台紙咁厚咁大份, 係幾抵既. 好味在佢無粉, 真係菜, 似食菜多過旦漿個d.

二少話呢間店仔, 門口貼左十幾年前電視飲食介紹既報道. 唔怪得咁多台灣人都肯入呢條後巷買野食啦.