27 May 10 Isaac仔呢輪成日玩脷仔, 一係伸出黎, 再唔係用手扯住條脷, 好核突.
大少仲鐘意發脾氣
發脾氣其中一種表達方式, 係特登係你面前仆地.
仲要眼尾哨住你, 大字咁攤係地, 睇你仲氹唔氹返我
Isaac: 咦, 呢個媽咪仲唔走黎呵返我架.......
Isaac: 轉個身再仆係地先, 睇下媽咪投唔投降.
28 May 10 Isaac: 我掘緊你呀, 你仲影.....
29 May 10 呢朝Isaac晨早起身要食旦旦. 自己畢旦旦食(其實係玩具)
30 May 10 呢日去食飯, Isaac本來見到姨姨睇menu, Isaac又有樣學樣暗笑住指住個menu學大人咁逐樣睇, 點知一比爸爸扣好條安全帶, 即刻變面.
Isaac: 人地明明睇緊個menu 想點菜架嘛, 爸爸做乜要扣住人
Isaac: 姨姨, 媽媽比我舊面包好好味, 你比埋你個舊我食吖
Isaac: 你真係唔比?? (棟起腳扮惡)
31 May 10
27 May 10 之前約左班0904 媽媽去LITTLE GYM GATHERING, Isaac好開心, 由此媽媽決定幫 Isaac 揾類似既gym class, 當係summer 避暑都好.
呢日, 就去左 my gym 到trial
朝早習慣要恰一恰既 Isaac, 見到父母係到, 死都唔恰. 搭車好攰個樣, 但仲撐大眼仔, 不過呢個人好迷人喎, 好似女仔擺pose咁.
入到 my gym, 仲未開始, 先同 Isaac係滑梯熱下身先.
Isaac: 爸爸, 我大脾 d 肉又啜實左條梯呀, sher唔到
課堂開始係圍圈唱歌仔, 做下熱身, 跟住就成堂都係 free time, 幾好喎, Isaac 最鐘意不受控咁周圍走既
Isaac: 媽媽, 你做乜掟我入呢個圈呀, 你嫌我煩走黎走去呀?
呢個assistant好熱心, 同媽媽不斷咁解釋 my gym class 係比bb做乜既
Isaac: 咦, 個度有野玩, 趁媽媽唔為意閃開一陣先
Isaac: 媽媽, 我執到個波波返黎呀, 你唔好掛住講野啦.
My gym class 話每個wk個 gym setting都唔同, 等bb仔唔會黎兩三次玩到悶喎. 以媽媽所見, 呢條樓梯啦, 就係新拎出黎既, 之前係扮到海底世界咁架, 仲有塊好大既網網住.
自由時間得好緊要, 其實呢家仲係自由時間, 我就同 Isaac 踩左單槓, 因為方便朋友幫手影相.
自由時間中, my gym仲不停拎新野出黎, 其中有男子體操同千秋. 導師無迫大家玩, 係自己鐘意就去玩架. 仲有行平衡木, 跳彈床等等
Isaac 準備玩男子體操
除左體操, 仲有小朋友最意既千秋, 係 Isaac 第一次玩咋, 無法啦, 屋企附近揾唔到千秋比佢玩. 所以成13個月至第一次玩千秋. 估唔到 Isaac 一點都唔怕. 可惜個阿媽唔識做, 係咁叫住 Isaac, 搞到 Isaac 要嗲嗲抱抱
玩到咁上下, 忽然見到門口又有新玩意喎, 又抱 Isaac 去門口玩下先.
Isaac: 做乜呀, 我最唔鐘意坐車車架
Isaac: 嘩, 點解架車會sher落去既, 仲快過我sher 滑梯喎
前面有擋板, 當係撞車咁, 架車會撞入塊板到, 不過 Isaac好明顯係唔知做緊乜, 做乜事架車會停低左架...
臨走, 同爸爸影張相相先
呢朝玩得太攰了, 朝早死撐唔瞓既 Isaac, 做完一輪運動後, 坐落車仔唔夠五分鐘, 瞓著左.
my gym class好 full呀, 要wait wkend的話, summer course都唔會有機會入到喎. 唯有順其自然啦. 反正媽媽又揾左另一間trial, 都係旨在比 Isaac 玩下gym happy 下姐.
24 May 10 Isaac: 你估下我係邊個?
Isaac: 嘻嘻, 咁都嚇到你, 咁渣架....
25 May 10 又比Isaac發現左爸爸個公事包了....又要扮大人咁拎. 媽媽已經叫左爸爸唔好再比 Isaac 拎佢個石頭公事包, 免得弄傷阿仔腰骨我地唔知, 咁就一世就唔好了.
Isaac: 好重呀, 唯有拖住行
26 May 10 工人又整古 Isaac啦, 幾慘, 塞佢入個細盆到. Isaac 好委屈咁屈住對腳呀.
Isaac: 咦....放返我出黎呀
夜晚, 輪到 Isaac 整古媽媽, 先move張餐椅先, 去邊呢??
嘩, 想move去窗邊, 好危險呀. 媽媽決定唔理爸爸反對, 放假自己揾人裝返個窗花. 以 Isaac既活躍程度, 相信佢唔駛一個wk 就爬到上呢張餐椅.
點解媽媽咁講? 睇下面咪知.
Isaac: 媽媽, 呢架車仔我發現左個新玩法
Isaac: 你睇住我點玩啦
嘩, 唔駛兩秒, Isaac已經踩左上呢張有碌既車仔, Isaac一路踩上去, 架車係一路會郁架, 媽媽即刻要按實架車, 好危險呀阿仔, 你知唔知.
Isaac: 見你咁驚, 我唔跳囉, 我呢邊落返地算. 都唔好玩既.....
23 May 10 兩個月前既呢日, 媽媽book左Little Gym同一班相熟既0904mama gathering. 朝早, 先帶埋 Isaac 共吃早餐. 係 Isaac 第一次同枱一齊食早餐呀
Isaac: 呀....出面有樹樹喎
gathering係三點半開始, 十二點 Isaac 已經敵唔住周公急call, 食食下lunch都瞓著左. 有史以來第一次. 跟住坐的士出去時, Isaac 一臉倦容架
Isaac: 媽媽, 我地去邊呀, 我好想再瞓覺呀
不過咁, 細路仔真係細路仔, 一去到 Little Gym 又龍精虎猛. 鬼打咁好精神喎. 仲笑哂口
Isaac: 嘩, 單槓喎, 等我試下先
Isaac: yeah, 媽媽同我玩單槓, 好開心呀爸爸
Isaac: 哈哈, 阿sir 講野咁搞笑既
Isaac: 我要征服呢條斜台先....諗諗計點搞
Isaac: 媽媽, 點解呢個波波仲大過我個頭仔既?
Isaac 個波碌左出去, 咁岩有朋友仔搶左, 一顯 Isaac 本領, 睇定 d 先
睇完跟住一齊搶波波
媽媽覺得Isaac 好enjoy 呢間playgroup 既設施呀, 可能多軟墊啦, 夠哂新奇又刺激. 同以前個 d 玩樂器仔呀玩具仔迫你練小肌肉大肌肉個 d 唔同feel. 又或者可能今次我地係gathering 形式, 所以都係自由玩居多, 岩哂一歲既 Isaac
不過, 集體遊戲裡面, 都有個撻生魚, 擺明係爸爸enjoy多過Isaac囉
Isaac: 發生乜事, 做乜瞓低左咁既
仲有個遊戲, 玩完既 Isaac 都唔知自己發生乜事. 好似大人仲開心過佢咁.
不過overall 呢日既 Isaac係好happy, 走左都仲係咁四萬咁口架
有相為証
Isaac: 爸爸, 好好玩呀頭先
連夜晚刷牙都風騷過人
Isaac: Ginla, 我呢個pose好老積咩.......我想比你睇我刷牙個樣之嘛.
本來媽媽覺得個 d 做手工藝呀玩小肌肉既playgroup 對 Isaac 作用不大, 一直無心去留意 playgroup呢樣野. 之但係, 去完今次個Little Gym, 雖則佢成個流程好兒嬉好呃錢feel, 但係對佢裡面既軟墊設施, Isaac 係十分之enjoy. 所以, 媽媽呢幾日都揾緊邊度仲有類似既中心, 比 Isaac happy 下, 當假日親子活動, 反正又到炎夏, 要避下暑.
