發脾氣之一表現

22 May 10 未臭脾氣發作既Isaac, 一面可愛咁

一有唔如意事, Isaac有幾種發脾氣方法, 而家最常用係冚自己個頭, 狂冚.

第二用既方法, 係死蛇爛蟮咁向後中, 等你捉佢唔實, 然後係大字形攤係地下再用眼尾掘住你.

第三係以前一嬲做開既----大喊, 迫你屈服.

不過我地而家唔會屈服, 然後, Isaac喊幾聲發覺無料到, 就會掉哂床上既野落地.

Isaac: 呢招最有效, 一掉哂落地, 我就可以放生, 比媽咪放返落地要我執返哂 d 野上床, 其實中左我計, 呵呵呵

摛日要Isaac落床執返哂 d 床上用品, 見到Isaac笑笑口, 媽媽決定以後唔要佢執野住, 等佢掉埋自己落床, 至放佢落地執野. 哼, 媽媽唔會再上你當架啦.

Isaac: 喂喂, 大佬呀, 你教個招, 好似比媽咪識穿左呀

Isaac: hmmm 等我諗下你講呢個新招駛唔駛得先

呢日, 媽媽整左米飯布甸比Isaac食, 食到佢lam lam 脷. 不過highchair 洗左, 媽媽一手抱住佢一手餵, 無錄到餵食豬個樣.