1 Oct 10 爸爸連續三日假期(媽媽就無囉, 因為周六要返工). 第一日假就帶左Isaac去沙田. 先去再食一田bb餐
Isaac: 我個 look 似唔似返緊學呀?
第一個餐黎到, Isaac開始自己餵自己食.
食完一個餐, 再order第二個, 呢個香好多, 係有木魚既飯團. 阿仔好鐘意食呢個餐
食完一田, 就去同阿仔參加0904媽媽搞既扮野party. 我地都無扮到野, 因為無道具. 不過一如所料, 現場都無乜邊幾個扮野.
阿仔見呢個汽球, 不知幾鐘意, 成日走去hug住佢
Zac: 我都好鐘意呢個汽球架
Isaac: 爸爸, 你坐係度食野啦.
Isaac: 我真係玩到無你地咁好氣, 我抖抖先
呢次gathering地方好大, 最大係有一個細路仔會愛上既遊戲室
你睇阿仔一個人大大膽走去波波池就知有幾吸引.
阿仔平時唔係咁愛波波池, 不過呢日爸爸同佢玩波上飄, 阿仔笑到騎騎聲.
落到地墊, 見到有最鐘意既車車, 又唔放過. 仲上演同Jasper爭車玩
Isaac: 話咁易搶到架車返黎.........
阿仔係呢度玩到好興奮, 可惜媽媽以為四點完, 所以無帶下餐飯仔. 唯有四點幾走人了.
臨走有機會比大人推左四大天王埋波波池一邊, 睇黎得Jasper同 Isaac 識得enjoy比大人玩
你睇Jasper 開心到呢.
呢日阿仔瞓得好少, 所以一走左, 都未上到車, 已經伏左係媽媽膊頭大覺瞓了. 開心假期第一天咁就完左
沒有留言:
張貼留言