39週產檢

阿囡阿囡， 你究竟會幾時出世呢？ 媽媽放左幾日假等你啦。真係今日唔出世， 你不如再等多兩日至出黎囉， 因為明天係四月一日愚人節， 你明天至出黎， 細個實比同學仔取笑的。

唔知係咪媽媽已經停左日日食牛扒， 摛日產檢阿囡同媽媽體重都無增長咁。媽媽真失策，  其實要問醫生點解呢個星期增長得咁慢， 會唔會阿囡已經開始唔吸收呢

如果阿囡你仲唔出黎， 媽媽就要等下周見你了。因為摛日BOOK埋七號催生了。希望阿囡你錫媽媽， 唔好要阿媽比人催生啦。

囡囡生長情況                                   哥哥生長情況

 6wk 2d         0.57cm                             6WD 6D           0.96CM

10wk2d        3.40cm                             10WD 1D         3.16CM

11wk2d        4.50cm                             12WD 5D          6.39CM   

17wk1d          6安士                             20WD 1D           12安士

20wk1d        13安士                             24WD            1磅 8安士

25wk2d    1磅 7安士                            27WD 5D      2磅 6安士

28wk5d    2磅 3安士                            31WK 5D     3磅13安士

30wk2d    3磅 2安士                            33WK 5D      4磅 7安士

32wk5d    3磅11安士                           34WK 6D     4磅12安士

34wk5d    4磅9安士                             35WK 5D      5磅 4安士

36wk4d    5磅2安士                             36WK 5D      5磅 9安士

37wk4d    5磅8安士                             37WK 6D     5磅13安士

38wk4d    6磅3安士                             39WK 0D     6磅11安士

39wk4d    6磅4安士                            39WK  6D     7磅 4安士

                                                              40周出世            3.25 kg 

結婚五週年

呢日係爸爸媽媽結婚五週年。吖， 咁岩呢日天氣同個日一樣， 忽然好陰涼好凍又有幾陣雨喎。

今日爸爸要開工， 所以大肚媽媽節目係陪阿仔， 去到夜晚， 至出去同爸爸撐枱腳。好耐無同爸爸兩個人撐枱了。本來爸爸話係元朗食， 但元朗都FULL BOOKING， 橫掂出美孚坐巴士實有位坐， 媽媽建議不如去美孚個間超細既MIA啦。好耐無去了。

週年晚飯BOOK左六點半， 媽媽搭四去到， 仲未開門， 不過已經有人同媽媽一樣， 企係門口等開門～～～都係BOOK左枱架， 因為無BOOK枱呢， 要八點半後至有位。

週年晚飯既餐湯有甘筍薑湯， 食慣街邊味精既爸爸話無味喎， 但媽媽就覺得幾好飲， 又唔會太濃味。

無記性既爸爸問駛唔駛點多個包， 媽媽話之前食過一味蕃茄法包， 好正。爸爸一點印象都無。嗱， 呢張法包相， 係黎自半年前既， 呵呵， 有相為証。好好味， 其實最鐘意佢個層芝士同埋酸味味既蕃茄

上次黎， 聞到隔離枱個PIZZA好香， 已經好想試下。今次有機會試了， PIZZA大大個， 不過呢，係得個芝士夠厚同餅底唔油。算係咁啦， 大蝦PIZZA真係每件都有隻蝦， 好夠平均。如果芝士味濃返D就好囉。

跟餐既海鮮意大利飯。好CREAMY既飯， 海鮮留返比爸爸食

同場加映上次黎食既意大利飯， 一試難忘， 好好味。

之前黎食， 試過芒果奶凍， 所以今次試焦糖燉旦， 不過好似麻麻， 面個層唔夠脆咁

講起呢間芒果奶凍， 真係要問返爸爸拎返半年前既VIDEO， 阿仔第一次搶人匙去搶食甜品。睇返至知， 原來阿仔呢半年大個仔左咁多。而媽媽就肥左好多了， 塊臉由尖變大圓， 真係無眼睇。

整古做怪

媽媽婆婆成日都話 Isaac 最鐘意整古做怪, 遺傳埋爸爸 d 野. 成日都古靈精怪要引人笑

當然唔係個個都有眼福睇到啦. 咁岩呢次比爸爸錄低左.

大家唔為意就唔知點解叫整古做怪. 其實佢係扮緊媽媽打喊嚕個樣 ----- 無眼既. 要講明, 係無眼....阿仔仲要突登合埋眼黎打喊嚕, 笑死媽媽.

平時 Isaac 自己打喊嚕係有眼仔見到架. 所以爸爸成日笑, 全家人最細對眼就係媽媽了.

要澄清, 阿仔呢個伸手打喊嚕唔係學媽媽, 係學爸爸.

以下video 係mix 自爸爸媽媽打喊嚕既樣.

陀仔陀女流言

傳統流言話呢, 陀女皮膚好不過會腫到塊面比人打腫左咁, 陀仔皮膚差塊面會出胎毒定點. 陀女個肚圓又論盡, 陀仔個肚尖. 陀仔又會嘔陀女又話唔會嘔等等

媽媽身體力行打破以上無根據既流言.

迄今39週了, 見親 d 人都問, 陀仔呀, 個肚咁尖.............公司裡面個個同事都知媽媽今胎係女, 但都係同一句, 個肚好尖呀. so far 真係無人由個肚形估中呢胎係女囉.

尖唔尖呢.......其實唔知, 不過自己有時都覺得係誇張地向前尖出黎. 唔係圓渾既.

人地又話陀女皮膚靚, 老實講, 媽媽覺得陀 Isaac 個時, 皮膚仲靚過而家, 至少個時同事會讚皮膚好左又滑左. 但家下陀女呢, 又唔覺特別皮膚滑左喎 >_<

至於嘔唔嘔呢, 就係兩胎都無嘔. 媽媽懷疑係遺傳自婆婆, 因為婆婆陀四胎, 四胎都無嘔過一滴.

仲有個傳說, 就係第二胎會早產............呢個未到最後一刻, 媽媽仲唔敢下斷論. 不過婆婆呢, 生四胎四胎都係過期居留的, 唔知媽媽會唔會又遺傳埋呢個基因呢.

鬆一口氣 @ 38週

媽媽爸爸婆婆終於鬆一口氣了. 因為阿囡你今日終於夠六磅. 出世我地都唔怕你太 un 太難湊.

 

不過你依然係遺傳左媽媽骨子小呢, 由頭到腳依然係落後兩周size. 不過唔緊要啦, 女仔細粒無所謂, 最緊要出世時唔好太輕.

 

媽媽開始倒數中, 因為日子實在太難捱 ~_~

 

囡呀囡, 你會幾時出世見爸爸媽媽呢?

 

 

囡囡生長情況                                   哥哥生長情況

 6wk 2d         0.57cm                             6WD 6D           0.96CM

10wk2d        3.40cm                             10WD 1D         3.16CM

11wk2d        4.50cm                             12WD 5D          6.39CM   

17wk1d          6安士                             20WD 1D           12安士

20wk1d        13安士                             24WD            1磅 8安士

25wk2d    1磅 7安士                            27WD 5D      2磅 6安士

28wk5d    2磅 3安士                            31WK 5D     3磅13安士

30wk2d    3磅 2安士                            33WK 5D      4磅 7安士

32wk5d    3磅11安士                           34WK 6D     4磅12安士

34wk5d    4磅9安士                             35WK 5D      5磅 4安士

36wk4d    5磅2安士                             36WK 5D      5磅 9安士

37wk4d    5磅8安士                             37WK 6D     5磅13安士

38wk4d    6磅3安士                             39WK 0D     6磅11安士

                                                              39WK  6D     7磅 4安士

                                                              40周出世            3.25 kg  

平日遊

16 Mar 11 呢日媽媽產檢, 爸爸咁岩個wkend 要返工, 話索性呢日一齊請假抖下喎. 順便帶 Isaac 一齊覆診.

阿仔一入到診所, 係咁不停叫護士姐姐護士姐姐, 入到診症室, 媽媽好專心咁比醫生照超聲波啦, Isaac 就好專心好忙碌咁不停叫護士姐姐坐低護士姐姐坐低..........醫生真係好無癮囉, Isaac 由頭到尾都唔撩醫生叔叔, 淨係慣住撩靚女.

覆完診, 媽媽話要去好耐無食過既munch 食lunch. 依然係好懷念 munch 仲係亞士厘道既moment, 因為價錢都爭好遠.

雖然環境格局好似唔適合小朋友, 不過阿仔好定性, 除左不停撩侍應姐姐外, 基本上都無大叫大嚷. 唔會失禮人

三個一齊去食munch, 最開心係仔仔.

Isaac: 你又影我食相

Isaac: 我唔得閒應酬你住呀, 食野要緊.

仔仔同我地一齊share左個甘荀湯

意大利飯好好味

同埋唔忿氣媽媽為左阿囡再快高長大, 點左個西冷扒, 同阿仔一齊share.

食完lunch, 爸爸話要同阿仔睇犀鳥, 所以又去左九龍公園一轉. 呢度岩哂阿仔, 又有水又有雀, 仲可以不停咁跑跑跳跳

話咁快 Isaac 廿三個月了, 下個月已經係哥哥, 希望阿仔到時更加聽話啦.

呢幾個月, 爸爸媽媽睇到阿仔進步神速, 尤其係講野方面, 新年後好似換左另一個人咁, 由朝到晚不停講野, 仲可以成句成句咁出口. 當然字數有限, max都係七個字左右. 但已經足夠表達阿仔意思. 呢方面, 媽媽鬆左一口氣, 之前仲担心會唔會有自閉症 (之前上心理學話言語障礙係自閉症症狀之一), 而家唔駛担心 lu.

唔知而家阿仔既興趣係咪會keep住, so far 阿仔最鐘意係畫畫, 睇書, 跳舞, 打波, 仲有係通屋亂跑亂跳亂叫. 基本上係動靜都有. 如果 keep 住落去, 媽媽可能都比阿仔學下畫畫, 等佢發揮所長.

下一個目標, 媽媽係要坐月時, 同已經識表達急 vv 既阿仔戒片, 希望好快 ko 啦.

產檢 @ 37週

媽媽覆完診, 又係有點失望, 可能期望過高啦, 一心諗住日日狂食牛肉牛扒, 應該追到六磅掛..........殊不知, 如爸爸所料, 得五磅半.

 

今次醫生終於講出口了..........叫阿囡你唔好出世住, 留耐 d 先, 話你太 un 了. 由頭圍到腳仔, 囡囡你個size都係落後三周. 真係佩服佩服.

 

不過而家咁睇, 阿囡你個重量又唔係太細. 個時陀住哥哥因為頭大身細, 重量至比你多少少咁dd. 我估囡囡出世身型應該同哥哥差不多掛..........如果按照醫生估計, 月底至出世的話.

 

不過點解阿囡你重得咁慢, 但媽媽下半身好似差左好多咁既呢? 每晚都會痛醒, 真係未經歷陣痛已經先痛足一個月. 仲要痛多兩周, 至到阿囡你預產期. 每次半夜醒左, 媽媽都要自己揼自己, 因為真係好痛呀.........唔止瞓覺係折磨, 連放工坐車返屋企, 都會痛到抖唔到. 媽媽開始担心, 呢種痛楚呢, 已經係演變到坐骨神經痛, 生左之後都唔會改善.

 

囡囡生長情況                                   哥哥生長情況

 6wk 2d         0.57cm                             6WD 6D           0.96CM

10wk2d        3.40cm                             10WD 1D         3.16CM

11wk2d        4.50cm                             12WD 5D          6.39CM   

17wk1d          6安士                             20WD 1D           12安士

20wk1d        13安士                             24WD            1磅 8安士

25wk2d    1磅 7安士                            27WD 5D      2磅 6安士

28wk5d    2磅 3安士                            31WK 5D     3磅13安士

30wk2d    3磅 2安士                            33WK 5D      4磅 7安士

32wk5d    3磅11安士                           34WK 6D     4磅12安士

34wk5d    4磅9安士                             35WK 5D      5磅 4安士

36wk4d    5磅2安士                             36WK 5D      5磅 9安士

37wk4d    5磅8安士                             37WK 6D     5磅13安士

                                                              39WK 0D     6磅11安士

                                                              39WK  6D     7磅 4安士

                                                              40周出世            3.25 kg  

孤獨老人lunch @ 小酒窩

呢日去產檢, 本來無打算食lunch既, 因為唔餓, 二黎想快 d 睇完可以返歸瞓晏覺. 殊不知去到診所, 醫生未返.........返左都仲要等九個字比前面幾位睇左先喎. 姑娘叫媽媽出去食野先. 唯有唔餓都要食住磨時間啦

一話有九個字, 個腦只係諗起去銀杏館. 不過未去到銀杏館, 見到間無乜人既餐廳, 門口寫滿英文menu, 岩哂媽媽西化口味. 咁岩裡面又有兩枱孤獨老人一個人食lunch. 襯埋媽媽, 無咁礙眼. 於是膽粗粗入去試下先.

孤獨 lunch好在餐廳都係雞腸滿天飛, 感覺至少無一個人坐港式茶記咁核突先

唔肚餓, 本來想叫pizza 但見到 indian beef........又怕辣, 唯有叫個最 light 既 caesar salad w/ grilled chicken.

餐湯其實個碗好簡陋下, 好在個湯都幾好味

呢個係我想講既salad, 比想像中大碟好多. 我第一個印象係諗起applegreen 既salad 囉. 呢碟份量真係好多, 雖然話係大肚, 已經好努力咁哽都哽唔哂呢碟野. 不過好鐘意佢個sourse, creamy 得黎又唔漏.

呢個 lunch 五十幾蚊, 平銀杏館一半有多, 下次再黎產檢, 會再試埋佢既 pizza 的.

呢間中東野, kebab 同 curry 好似都好多人叫. 不過唔係媽媽杯茶, 唔會有機會試. 以後係佐敦唔止一間銀杏館選擇了, yeah yeah yeah.

仲係要keep fit 既阿囡 @ 36週

阿囡話要keep fit 喎, 即使阿媽呢三周日日狂食牛肉加飲埋孕婦奶, 阿囡都係要堅持要保持身型細小...........莫非有阿媽遺傳?? 呵呵呵, 唔緊要啦, 女仔細細粒吃香 d 既, 肥少少都唔會比人話肥斯大隻.

 

已經食左既都盡量食double 份量, 阿媽真係無能為力了. 莫非要加到每日兩隻旦?

 

今次產檢, 阿囡頭圍進步左, 無落後兩周, 改為落後一周. 不過相對個肚圍, 跌到落三周差距.

 

媽媽仲以為阿囡今次應該挨近六磅tim, 因為媽媽下半身已經開始好痛好痛了. 痛到夜晚瞓唔到甚至好難瞓得著都會痛醒左. 行步路都要用手托住個肚黎行啦. 誰知只係just pass 五磅. 爸爸聽到, 話出世好 un 喎.........媽媽都無計, 唯有祈求你唔好咁快出世, 最好過期居留. 挨近六磅半出黎就prefect 囉.

 

囡囡生長情況                                   哥哥生長情況

6wk 2d         0.57cm                             6WD 6D           0.96CM

10wk2d        3.40cm                             10WD 1D         3.16CM

11wk2d        4.50cm                             12WD 5D          6.39CM   

17wk1d          6安士                             20WD 1D           12安士

20wk1d        13安士                             24WD            1磅 8安士

25wk2d    1磅 7安士                            27WD 5D      2磅 6安士

28wk5d    2磅 3安士                            31WK 5D     3磅13安士

30wk2d    3磅 2安士                            33WK 5D      4磅 7安士

32wk5d    3磅11安士                           34WK 6D     4磅12安士

34wk5d    4磅9安士                              35WK 5D      5磅 4安士

36wk4d    5磅2安士                             36WK 5D      5磅 9安士

                                                              37WK 6D     5磅13安士

                                                              39WK 0D     6磅11安士

                                                              39WK  6D     7磅 4安士

                                                              40周出世            3.25 kg  

N1 &quot;面試&quot;

5 Mar 11呢日媽媽又要請假, 因為 Isaac 仔要去面試. 所謂既面試其實求其到爆, 媽媽同爸爸講, 可能學校係區內名校, 第一round in 1-3 月大仔, 老早收哂上午班. 所以今次只係揾人攝下午班位, 咪咁求其囉.

晨咁早, 我地去到聖彼得堂. 已經有唔少小朋友係到玩緊. 阿仔當然唔執輸

不過sir 滑梯唔係佢最鐘意了, 可能sir得太多掛. 反而鐘意玩間屋......既窗

Isaac: 等我關窗先

Isaac: 喂, 細路, 我裝到你喎

Isaac: 嘩, 我打開對窗, 你驚唔驚

未比老師捉入課室面試前, 阿仔就係咁搏命開窗同關窗. 同屋裡面既小朋友不知幾enjoy呢個玩意.

入到課室, 基本上老師只係比份表媽媽簽名, 跟住問會否讀下午班, 媽媽話唔會考慮下午班.....then 個所謂面試基本上係finished. 老師望下Isaac 玩玩具,  Isaac 讀同認得出幾個英文字母呀, 老師又循例讚下Isaac 叻叻呀. Isaac 又砌積木比老師, 又拖老師隻手手......不過老師只係問左一個問題咁大把: 媽咪你有無乜野問題想問

well......老師你好求其姐. 就算上午班比第一 round 1-3月出世既大仔搶哂, 都唔好咁求其扮場戲囉. 其實明撈埋HR既媽媽都明既, 有時明知唔會請你但都被迫要IN 新人都好快手, 不過無老師你咁求其到出面囉.

好快我地已經走得. 好在今次係in N1 咋, 雖然係區內出名既幼稚園, 但媽媽真係唔係咁緊張落選與否囉. 聖彼得堂比較怪, 三個月前已經 in 左第一批1-3月出世既大仔, 三個月後至 in 4-6 月既中仔.....好明顯收哂生有位剩至比 4-6 月既小朋友攝位. 所以媽媽唔會奇怪呢次所謂面試既安排.

面試完我地去食早餐, 之後, 爸爸話帶仔仔去剪髮喎.

媽媽好驚訝, 阿仔出奇地好淡定由得叔叔剪, 仲要成個大人咁望住塊鏡, 對眼係望住叔叔剪緊個位. 阿仔你真係好叻呀. 連叔叔都讚你淡定唔驚剪髮.

又食buffet

27 Feb 11 呢日Isaac 仔又去食buffet 啦. 係 Isaac 仔第三次食buffet 了. 真開心.

最開心係食甜品, 你睇阿仔食到幾滋味, 成咀都係cream.

食飽飽, 要畫畫.

Zac: 咦, 有人偷影我地喎

Zac: 你做乜影我地呀             爸爸: 媽媽你影得好 d 呀

食完buffet 行出去商場, 門口有好幾隻大公仔, 本來諗住叫阿仔影雪糕既, 但佢已經比第一個公仔吸引左

Isaac: 媽媽, 幫我同姐姐影張相先啦

Isaac: 跟住至影 ice-cream

阿仔好叻, 一早已經識講 ice-cream, 不過越大呢, 反而唔講英文, 只係講中文叫雪糕.

食完buffet下一站係好熱既snoopy land. Jasper 離遠望到已經笑哂口指住, 果然細路仔係鐘意玩呀

無啦啦兩個細路手拖手仲要好齊心咁行入去snoopy land.

咁齊心一齊行上去門口, 仲要企係到唔知研究 d 乜.

不過阿仔好快就擺埋pose 要影相.....咁岩Scarlett 係後面喎     Isaac: 我同Scarlett唔熟呀, 唔好意思拖佢手一齊影相相

拖完呢個又拖另一個, 成個中小童咁款.

Zac: Isaac, 我 feel 到有人偷影緊喎

Isaac: 係咩, 咁我地大方 d 企定定比人影啦              Zac: 咦, 但我怕羞唔想上鏡......

點解次次去snoopy land都熱到暈咁滯, 呢日太陽伯伯真係落力

Isaac: 幫我影埋呢張你至去抖下啦媽媽.

臨走阿仔仲好high, 唔知係咪想扮自由神像呢. 個個上哂鏡得佢一個舉手, 想點???

玩左成大半日, 阿仔上車無幾耐, 已經挨住媽媽揾周公了, 你睇佢瞓得幾淋.

呢次玩完, 阿仔又識講多一個朋友仔個名, 就係無啦啦早兩日講 Edith. 有時真係覺得佢記性超好, 個日都唔係好多時同 Edith 玩咋嘛, 但幾日後無啦啦講 Edith, 當然仲有一大堆其它朋友仔既英文名都曬冷咁講哂出黎啦, Edith係新加入既名而已. 所以媽媽成日同爸爸講唔可以低估阿仔既智商同記性.