傳統流言話呢, 陀女皮膚好不過會腫到塊面比人打腫左咁, 陀仔皮膚差塊面會出胎毒定點. 陀女個肚圓又論盡, 陀仔個肚尖. 陀仔又會嘔陀女又話唔會嘔等等
媽媽身體力行打破以上無根據既流言.
迄今39週了, 見親 d 人都問, 陀仔呀, 個肚咁尖.............公司裡面個個同事都知媽媽今胎係女, 但都係同一句, 個肚好尖呀. so far 真係無人由個肚形估中呢胎係女囉.
尖唔尖呢.......其實唔知, 不過自己有時都覺得係誇張地向前尖出黎. 唔係圓渾既.
人地又話陀女皮膚靚, 老實講, 媽媽覺得陀 Isaac 個時, 皮膚仲靚過而家, 至少個時同事會讚皮膚好左又滑左. 但家下陀女呢, 又唔覺特別皮膚滑左喎 >_<
至於嘔唔嘔呢, 就係兩胎都無嘔. 媽媽懷疑係遺傳自婆婆, 因為婆婆陀四胎, 四胎都無嘔過一滴.
仲有個傳說, 就係第二胎會早產............呢個未到最後一刻, 媽媽仲唔敢下斷論. 不過婆婆呢, 生四胎四胎都係過期居留的, 唔知媽媽會唔會又遺傳埋呢個基因呢.
真係好尖喎 ? 我就好圓呀
回覆刪除我陀車仔時，嘔到6/7個月左右。D皮膚差到難以形容。成個人都黑率率。今胎陀女，嘔到哩家。已經9個月啦。我好肯定會嘔到生前果陣時呀。D皮膚一樣係差，不過就無陀車仔時變到成個黑人咁樣~
回覆刪除[版主回覆03/28/2011 09:32:00]聽到都陰公， 做阿媽真係偉大。