床照2

25 Jun 12 Claire: 我呢個pose夠唔夠性感呀?


Claire: 咁呢? 會唔會搞笑左D?

26 Jun 12 晨早, 工人姐姐幫妹妹換左套衫準備同婆婆返教會. 不過條裙90碼, 顯得好長呀, 同當年媽媽細個時一樣, 著裙要抽到上心口至似裙, 哇哈哈 

Claire: 我出街喇....但好熱呀, 其實我想留係冷氣地方.

27 Jun 12 一臉驚訝的妹妹, 唔知諗緊乜呢


Claire: R 哂頭, 食野都要影人近照架~~~~

妹妹越來越引人發笑, 成日整古做怪, 又鐘意笑, 真係唔開心時, 睇到佢對住你笑, 人都開心返哂.

公園玩泡後發脾氣

24 June 12 呢日本來係諗住去濕地, 不過之前一日, 買左支新泡泡槍, 哥哥話想玩吹泡泡, 所以我地改左去屋企附近好少人既公園玩. 一去到, 妹妹就要企上呢個氹氹轉到.


企係氹氹轉見到個滑梯, 妹妹指住要玩. 點知唔跣架喎, 搞到好似啜住妹妹手腳咁, 好搞笑

 Claire: 我似唔似蜘蛛俠呀

 Claire: 嘩, 點解好似踩住個滑梯咁既

經媽媽抱返好, 終於坐返個似樣POSE

Claire: 我夠唔夠女仔呀?

嘩, 泡泡下的妹妹. 好斯文咁喎



好斯文咁捉泡泡

Claire: 我拍下佢先~~~

捉飽泡泡, 攰了. 比爸爸捉左上去坐氹氹轉.

雖然落左街玩, 但唔代表妹妹返到屋企會聽話返. 你睇, 又扭了.

醜八怪, 邊個仲敢話阿妹你斯文呀

LUR 地大喊. 嚇走哂D 人啦阿囡, 平時點斯文都無用啦.

龍舟沙

23 June 12 呢日係端午, 心血來潮提議帶兩兄妹去沙灘, 哥哥當然讚成啦. 所以就即出發. 未出發前, 妹妹係咁拎住把扇撥. 成個婆仔咁.

 Claire: 做乜話我婆仔姐?  

換件衫去沙灘, 換件衫都發脾氣, 真係難服侍.

好, 我地第二次去沙灘了. 妹妹又係唔怕沙沙. 叻叻. 不過今次爸爸落埋場, 所以爸爸捉左妹妹踩水. 

D 海水沖埋,  嘩, 睇佢幾咁驚訝.

Claire: 我都係鐘意玩沙多D




玩玩下開始眼瞓, 一副嬲霸霸既樣.

所以我地玩左一個鐘, 就打道回府了. 妹妹未返到屋企就瞓著左. 一瞓醒, 要食飯飯了.  不過食食下, 自己走左去地墊到.

好. 媽媽同妹妹食完飯飯沖埋涼涼, 又係玩既時候, 衰妹係咁BU口水, 睇下個樣變左孖潤腸咁. 幾咁核突.

Claire: 其實我好淑女架~~~
無錯, 女仔時既CLAIRE真係好女仔, 不過惡起上黎, 唔係人咁品. 十足爸爸咁, 哇哈哈.

又燒

18 Jun 12 Claire: 我滿口鮮血, 目露兇光, 似唔以彊屍呀




Claire: 吖....我其實食緊車厘子咋

Claire: 爸爸,我要開鞋櫃拎鞋著出街呀

19 Jun 12 爸媽返工, 媽媽揾左個鐘點, 同兩兄妹出街行下. 嘩, 估唔到媽媽唔係度, 哥哥都咁錫妹妹架喎

哥哥: 行快D啦阿妹, 唔好掛住望後面呀

Claire: 快D 掟個波比我接啦.

20 Jun 12 唔知幾時開始, 妹妹變得POO POO都好無聲無息. 為左唔好咁易發炎, 媽媽定左規矩, 要每兩個鐘比妹妹坐下痰罐, 由頭再TRAIN UP下至得. Claire: 哇.....做乜影我去廁所~~~

Claire: 等我扮返斯文先...

21 Jun 12 Claire: 咬你架, 再影我...

呢日妹妹晨早就發燒, 真係擔心死人.

22 Jun 12 呢個係咪叫誘人睡姿? 不過一點都唔誘人囉

Claire: 婆婆話叫我呢埋係度玩喎, 出面好熱呀, 會曬到我好易病.

真係下次搬屋, 西斜莫諗. 媽媽都頂唔住. 夜晚返黎, 冷氣開左仲衰過唔開, 仲要成幅牆摸落去, 係滾架. 好難想像日間兩兄妹點頂.

挪亞方舟 + kids carnival

17 Jun 12  呢日父親節， 不過爸爸要返工， 所以媽媽自己帶住 Isaac 同妹妹加埋婆婆工人去挪亞方舟玩。點知去到， Isaac 難抵睡魔急CALL， 瞓著左， 瞓到我地食哂LUNCH至醒。但醒左仲係未回魂。卒之頭半場， Isaac都唔肯影相。  可能未瞓醒加埋悶， 所以Isaac無耐性， 下雨時嘈住要出去睇動物， 因為媽媽未出發前， 話佢知會睇駱駝， Isaac就嘈住要睇駱駝了， 好在咁岩又停左雨， 所以我地可以出去呢個位睇咋。

幾經辛苦， 至夾到Isaac影張合照。

悶下悶下， 又岩岩停雨， 玩唔到遊樂場， 唯有揾地方去。有個節目叫做愛心朱古力。媽媽婆婆仲以為咁好， 有得整朱古力黎食。好興奮咁講整朱古力食呀～～～一講之下， Isaac 卒之醒哂。雖然係泥膠， 媽媽仲以為Isaac會扭計嘈點解無得食TIM。點知佢又咁專心咁開心整， 仲自己整左個形出黎話送比爸爸

Isaac：究竟爸爸知唔知邊個係我整既呢？


整完朱古力， 順便係出邊玩埋傳音筒， 睇Isaac 聽得幾咁開心


但都唔夠玩車車咁開心。早知一早上黎啦， 反正落雨出邊又無乜野睇 Isaac: 媽媽， 呢架車好好玩呀

 Isaac: 呢架好難踩得郁既。。。
玩完車車， 跟住入埋間房玩下樂器。 原來呢間又係可以玩得好HAPPY架喎


 睇下， 搖完個樂器， 自己係度大笑。仲要笑得好開懷個隻。可惜到 Isaac 醒哂時， 亦都係我地要走既時候LU。

18 Jun 12 呢日Isaac 學校停電， 唔駛返學。爸爸順便請ANNUAL LEAVE 帶佢玩。就係成傍晚六點至帶佢出去荃灣KIDS CARNIVAL度玩。媽媽就放工JOIN佢地， 其實係媽媽黎到， 佢地至岩岩入去囉。 好在地方不大， 否則真係唔抵， 玩得個一陣。
一入去， 又係要玩車車先。唔通個個男仔都鐘意坐車車既咩？

Isaac：玩呢D， 我無難度～～～
 Isaac: 嘩， 好HIGH呀， SIR 落黎～～～

 Isaac: 爸爸， 你SIR落黎一齊玩啦～～～

好在地方細， 所以40元玩一個鐘都唔係好蝕咁。玩左一個鐘， 我地就食飯飯。臨走Isaac 仲要玩埋呢架車仔TIM。

唔怪得之前聽人講KIDS CARNIVAL麻麻啦， 原來係好細架咋～～～真係旨在多個遊樂場心態就差唔多。