運動會

30 Apr 12 呢日係ISAAC學校既運動會。本來之前都無乜期望， 因為媽媽都唔係好鐘意以前中學時代的運動會， 得個悶字。加上呢間學校既運動會係室內運動場喎～～～幾咁無HEART， 乜唔係戶外會好D 咩下。所以咪無乜期望囉。點知到個日， 媽媽見到仔仔咁開心， 又不期然開心埋一份TIM。
跑呀跑， 阿仔， 媽媽睇見你一JOIN埋同學仔到咁忘形， 媽媽都好開心呀， 即刻FEEL到原來親子遊戲係咁HAPPY架喎

返左學， 阿仔都變哂， 成日古靈精怪引人笑。

 Isaac: 我做個V字腳勢呀

第一個親子遊戲係送地墊， 嘩， 估唔到阿仔真係跑得好快喎。係全班第二名。勁呀。仲有， 係出乎意料之外， 原來仔仔係聽得明點玩架， 呵呵

爸爸不在場， 媽媽托同學仔媽咪幫手影既， 媽媽就負責錄影。
 跑緊架， 第二名呀， 一班三十幾人一齊跑。媽媽都好開心， 比仔仔的忘形感染埋一份。

跟住第二個遊戲又係親子。由媽媽同仔仔玩推波波， 點知媽媽太肉緊， 成場自己玩哂控制哂個波。玩完至覺得唔好意思， 好似應該留比仔仔自己操控個波， 因為要比佢玩下架嘛， 唔怪得個波入左洞時， 阿仔一臉失落啦， 因為佢由頭到尾無掂過個波架。。。。不過呢個GAME 拎全班第一名。呵。因為由阿媽出馬。都唔好意思講比人知呀。但無相無VIDEO因為爸爸唔係度， 媽媽又唔好意思再煩到其它人幫手影相。

 第三個遊戲係由父母抱住仔女跑， 嘩， 呢個好在爸爸趕得切返黎咋， 就留返比爸爸上場啦。

玩呀玩， 卒之等到頒奬一刻。ISAAC有兩個奬呀， 咪就係一個金一個銀囉。拎銀奬時的一三名同學仔。估唔到女仔都可以跑得好快架喎。第一名同第三名都係女仔。但出唔到術啦，要小朋友自己跑架嘛。睇阿仔， 影張相都要玩， 係咁同隔離傳聞中的女朋友仔挨黎挨去。 Isaac: 借個膊頭黎挨下啦， 我跑到好攰呀
拎住銀牌留倩影。媽媽都好開心。

跟住到頒金奬了。好搞笑， 阿仔唔肯企上去， 怕怕喎。可能個一字真係寧舍高掛。最後點？ 個頒奬台咪變左咁囉 平左既一字。。。。。哈哈哈



影張相都整古做怪， 服你。

 Isaac： 你估我係邊個？？？

終於有張正經拎住戰績既相了。

不過轉頭好快又走去撩女仔。媽媽觀察到， 原來仔仔係學校， 好受女同學歡迎架， 個個女仔都要痴埋去撩佢玩。唔通因為仔仔成日整怪臉引女仔笑既關係？

Isaac: 我出年要加油呀～～～ 


頒完奬無乜好做， 細路仔又圍埋一堆又追又跑。睇下， Isaac好似唔識攰咁。

其實可以走得人囉， 呢間學校真係亂到呢～～～大家一堆家長都唔知做乜， 坐哂係到又聽唔到校長講乜， 大家都係一舊云咁坐到夠鐘自己散水。真係搞笑。如果呢間學校行政好D， 媽媽都會繼續比仔仔係度讀既。行政咁亂， 教學都無信心好得去邊囉。
寄望出年係新學校， 都有咁開心既運動會啦。