27 Aug 15 等左咁耐，終於等到呢日了。猶記得當年參觀小學開放日，Isaac 就被呢間學校既機械人製作班吸引，當時仲係K3既佢，自己決定選讀呢間小學。可惜電腦攪珠只能派往另一間唔係心儀既小學。媽媽真係心力交瘁，不停諗方法，寫信打電話周圍問人，叩門都叩了唔少間，幸好，最後呢間心儀小學打電話黎話收我地，爸爸仲以為係玩弄電話，唔係好信⋯⋯唔信唔信，到註冊買書日，又真係見到Isaac 個名在LIST架喎⋯⋯好似夢一場咁⋯⋯⋯疑幻疑真，直到呢日，Isaac 正式開始適應班，媽媽睇住佢入去排隊上課室⋯⋯一切都變得真實了。實在感恩。
第一天上學，就爛咀巴。笑得幾咁勉強。
妹妹都一齊送哥哥返學，仲叫哥哥加油。其實妹妹真係好錫Isaac. 
 |
| Isaac: 我都好錫阿妹架⋯⋯ Claire: 咦⋯⋯夾住我條頸，我抖唔到氣呀⋯⋯ |
睇下，後面位男同學高Isaac 少少，又後面隊都有兩位同Isaac 一樣高。
呢日媽咪聽講座，妹妹就被安排去睇電視，講座後，就接埋Isaac 放學，一齊食LUNCH。咁開心既日子，當然食佢最鐘意既火車路軌LUNCH啦⋯⋯不過兩兄妹各自一個兒童餐⋯⋯跟住兩兄妹都食唔哂。結果係比媽媽哦足半餐，哈哈哈。做媽咪真係好長氣呀⋯⋯
沒有留言:
張貼留言