女子足球

20 Apr 16 中村藤吉係尖沙咀開分店，媽媽無緣去食。不過爸爸就買左一堆外賣既朱古力同旦糕返黎谷肥媽媽⋯⋯仲有呢個餵食女。呢個Claire, 有飯唔食，但最愛零食。

Claire: 呢堆都係我最鐘意既綠茶糖黎架⋯⋯好味過食飯。

下午，見天氣幾好，又未夠鐘接哥哥，就同Claire 落公園玩。點知，有個人叫媽媽帶波⋯⋯媽媽諗住係同佢一齊拍波架啦，點知⋯⋯

Claire: 波係用黎踢架⋯⋯

 點解會咁架⋯⋯最難接受既，係居然媽媽要落埋場做女子足球⋯⋯天啊！

好在，踢波呢家野，吸引左唔少男孩子黎一齊玩⋯⋯雖然有伴陪Claire，但呢個情形，媽媽真係有點驚囉。阿妹，你咁瘦，做乜要做龍門呀？

玩左一陣，呢個妹妹仔就陪媽媽去接哥哥放學。踢開有癮，沿途都可以邊行邊踢波。媽媽諗到，日後暑假，可以幫你報名玩女子足球囉。