首次故事媽媽隆重登場

23 May 16 呢日，媽媽自己覺得好偉大呀，真係瞓身演出做榜樣，為既就係想對仔女學習勇敢站出來表演。真係少D勇氣都唔得⋯⋯點解咁講，雖然媽媽都做左一段日子的故事媽媽，但講到要穿埋戲服，真係第一次。初時聽到，真係有點膽怯架，但諗諗下，對仔女都可以著住套戲服出黎講故事，無理由自己唔得架⋯⋯就係咁，勇猛出場。

事前，真係好似人地拍舞台劇咁，認真製作⋯⋯件氣球裙。

傻媽媽： 乜偷怕緊架⋯⋯

 呆站不能動⋯⋯就係咁，睇住義工不停縛，媽媽卻什麼也幫不上，有點歉疚呢！

唔睇返張相，都唔知原來咁多人幫緊手架喎。其實都有點唔好意思呀，係咁多媽咪面前做女主角，仲要佢地服侍埋。

登登登凳，終於出場了。帶埋囡囡既公主頭飾，仲特登著件卡通上衣，似唔似公主。其實媽媽有諗過紮埋孖辮⋯⋯不過最後都唔敢，實在太嚇人了。

平時做故事媽媽，都係對住一班同學仔，呢次，對住兩班同學仔講故事⋯⋯仲有背後既老師同校長⋯⋯好在媽媽都出慣場面，唔會怯場忘記對白姐。

愛兒Isaac 都係座席上觀看架⋯⋯哈哈哈。

呢次咁大陣容演出順利，真係好多謝呢班媽咪們，同心合力去演譯又唔介意我做左主角。

點解頭上既頭飾唔同左既呢？就係義工姨姨忽然諗到，砌頂汽球皇冠會仲襯返條裙⋯⋯卒之，我最後就係咁登場了。

唔知係咪當時有校長在場，兩班小朋友見媽媽著成咁，都無嘩嘩聲⋯⋯事後，我地各自問返自己小朋友，大家都不約而同咁答⋯⋯校長係度，唔可以出聲。哦，原來如此。但難得義工咁用心做戲服，我地仲好期望小朋友有驚喜TIM。點知，驚訝聲只能存留在心中。呵呵呵。希望仔仔大個之後，會記得當年媽媽有為佢咁樣演出啦。