台中之旅DAY 4 （下）。妖怪村

14 Aug 16 好辛苦係集集逛左一輪（因為要發掘有乜好睇⋯⋯但結果係無野值得再留），我地就CALL小傅司機出發，順路去下軍事公園。小傅知我地未食LUNCH（因為集集真係無野好食，連地道司機都咁講），小傅就車我地去，成個集集最好食既豆花店買豆花食⋯⋯原來，係小販一名。我地唔駛落車，由小傅幫我地搞掂幾碗上車，去到軍事公園開餐，作為我地既LUNCH。

估唔到係我地開餐既時候，公園裡面既蚊都一齊開餐⋯⋯食完之後，Isaac 被咬了幾口，真陰公。

行程裡面，本黎係無軍事公園，不過真係無野好做，見地圖又係牛肉面附近（當然因為牛肉面休店，我地無食到），所以，我地係順路即時話黎呢度的。

入面其實唔係好大，唔係太多軍事用機展示比人影相。真係路過的話先黎朝見先無咁揼心。

成個軍事公園，最值得黎（小朋友覺得）咪就係呢個小CORNER囉。

天氣太熱，唔可以玩太耐，加上大家都好肚餓，要趕路，唯有急急腳上車，出發去妖怪村揾食去。

相比集集、車埕同妖怪村，妖怪村係比較商業化，相對地岩我地行，同埋食囉。終於有啖好食了。

即劈。

Claire: 我餓左好耐啦，好肚餓呀⋯⋯

好快各自醫完個肚，我地就漫行妖怪村。發現妖怪村酒店後方，還努力裝修中呢。

傳說中排長龍既包店。當然，我地無特登去排，唔知係咪堅好味了。

不過，淨睇間包屋既裝潢，都夠引人入勝。

咦⋯⋯點解有塊紙板人係度既⋯⋯

Claire: 媽咪，我黎架⋯⋯

妖怪村的酒店一偶。

這些門，令媽媽想起鬼太郎。

行下行下，我地好似行到好入咁，連荒廢左既酒店舊址都行埋。

Claire: 係囉，行到我腳軟呀⋯⋯
Isaac： 你知就好啦，搞到我玩少左呀！

抬頭一望⋯⋯只見密麻麻的樹喔。究竟我地行左去邊呢？

Claire: 嘩⋯⋯點解呢邊咁荒廢FEEL，但有條七彩大蟲係度架？

行下行下，我地真係响妖怪村磨左好耐⋯⋯終於，行返出妖怪村既商店街個頭，見呢個泡芺幾特別，買幾個黎食下。

Isaac: 好似妖怪呀⋯⋯好搞笑呀。

我地係妖怪村，大概磨左三至四個鐘先走，完全補返日頭係車埕同集集既時間。夜晚返酒店，係酒店附近既阿榮邵族面食晚飯。呢間係上網睇台灣人評價既，好似話幾地道咁。地唔地道我地就唔知，不過，價錢係比我地之前個晚既明湖老餐廳平好多就真。

 呢碟豬腳大碟到食唔哂。

招牌邵族面，感覺麻麻。唔識欣賞。

無記錯呢碟應該係炒蟲⋯⋯

呢日飯後甜品，就係Claire 落去同ZAC玩。真係打攪哂ZAC 媽了，晚晚都有隻馬蹓去跳床去大叫。

台中之旅DAY 4 （中） 。集集車站。信不信由你博物館

14 Aug 16 烈日天氣之下，我地就係坐住呢架懷舊小火車去集集了。

一行七人，一齊霸哂成行坐，個個攰（熱）到七彩。

Claire: 媽咪，我想開黎飲呀⋯⋯

再見，車埕車站。我地唔會再返黎啦⋯⋯因為無乜野值得再回味。嘻嘻。

成朝行程黎講，媽媽反而欣賞呢架小火車入面既點綴。

咁熱咁攰，見到手繪FEEL的畫，成個人RELAX哂。

就係咁，媽媽欣賞小火車內的圖畫，多過戶外景色囉。

WELL，話咁快，又到左集集了。

一眼望哂⋯⋯毫無頭緒有乜好行。真係感覺好似比人（網）揾笨咁⋯⋯兩父女，漫無目的咁行下路軌。

影下個火車像⋯⋯因為真係無乜好影⋯⋯成個鄉下小鎮咁。感覺都無野好行。

話哂特登黎到集集，點都要揾D景點行下既。

所以，係車站見到間信不信由你博物館，一行七人一齊入去⋯⋯中左伏。擺明做遊客生意呃飯食的。在此奉勸各位還是慳荷包慳時間好過。

唯一實物就係放入口處的小動物⋯⋯

之後，二樓同三樓，都係相片剪報為主，輔以間唔時出現既模型。完全係呃錢囉。

擺明驚到花容失色既小妹妹⋯⋯比佢個爸爸捉住要Claire 同條蛇影相。開頭仲衰，個老豆話放條蛇落Claire 條頸到。媽媽睇住Claire 臉色變哂⋯⋯但我地又人多喎，所以Claire 又唔夠膽SAY NO⋯⋯卒之變左嚇到咀唇白就係咁了。呢個爸爸真係無陰公，一D都唔體諒下人既。

好快閃完個所謂既博物館（其實報紙圖片收集所比較貼切），我地就係網上流傳既集集巿集行下⋯⋯真係行，行到咀都O埋⋯⋯有乜店好行呢？真正街一條。好辛苦，至磨到時間上車食LUNCH⋯⋯點知，小傅話牛肉面唔開。唉，山長水遠，黎到集集，原來唔開⋯⋯難怪，未出發，小傅司機已經話集集無野好食⋯⋯

台中之旅DAY 4 （上）。車埕車站

14 Aug 16 一覺瞓醒，個景又唔同哂。傳說中既日月潭，中學時期學中文講日月潭既美景⋯⋯呢日，終於可以親身認識一下，日月潭既迷人景色。

咦，點解有個人仔，晨早起身坐靚位睇風景既呢？

日月潭酒店真係唔平。好在，揾到呢間位於伊達邵既湖景酒店，有個靚景望下，房價都係一千蚊港紙一晚姐（四人房）。一早起身，梗係食景飽啦。

係酒店房望出去，見有條山路，我地係咁二行左幾分鐘就折返，因為趕時間上車呀。

今日行程比較遠。要坐成個鐘車先去到車埕火車站。途經一個水塘，忘了什麼名堂，不過，都叫落車例牌影下相，到此一遊也。

去到車埕火車站，小傅司機交代好，我地買好車票往集集的話，開火車時通知佢一聲，咁小傅司機就會在集集等我地再上車，呢個司機真係唔話得。一切煩惱都幫我地解決好哂。咁熱既天氣，梗係點左兩位父親去到老年咁遠的售票處買車票。我地就自己係車站附近行下。點知，有人中左招喎。

Isaac: 我好痕呀。 

Isaac: 哎呀，我真係好痕呀⋯⋯

 車埕車站真係無乜特別，風景又唔係特別靚。遇著個勤力的太陽，只知我地好熱呀⋯⋯又曬。咁岩車站有人放鸚鵡，不過，真係好曬囉，我地無乜興致上前睇。

Isaac: 我開車走囉⋯⋯

 三個小朋友，真係乜都玩一餐。

Isaac: 嘩⋯⋯大力D吖⋯⋯架車郁唔到呀⋯⋯

 玩到無野好玩，齊齊玩行路軌。

距離火車開出，還有一些時間，我地就行左落車埕車站下邊既池塘仔，玩下餵錦鯉同鴨仔。

天氣熱到，連鴨子都要避下暑？

好了，火車夠鐘開出了。我地係時候往車站出發。準備坐傳說中既小火車，往集集車站旅遊去。

Claire: 幫我影埋呢兩個公仔先繼續行啦。