同學仔M記生日會

23 Apr 17 呢日去同學仔健浩生日會，Claire 呢期好冧健浩，我地梗係出席，一齊慶祝啦。一去到，Claire 就鎖定目標，咁岩，有得玩遊戲喎，衰妹又好好彩，可以同健浩一齊玩（按此），開心死佢。

Claire: 好野，可以攬到健浩，呵呵。

 聽Claire 講，平時係學校大肌肉時間，佢兩個係做兵足賊既隊長同副隊長，所以，Claire 特別同佢熟。

一眾K3 同學好齊心咁祝福健浩。一齊許願。

係M記開生日會，時間其實好快過，因為得1.5小時，連埋搶住落單玩遊戲切旦糕分禮物，真係時間緊迫。不過，一班小朋友柴娃娃，邊度開生日會，都一樣咁開心咁HYPER。