畢業公仔。攀馬蹓架

4 June 17 難得有空，呢日就去好耐無去過既單車公園放下電。天氣實在太熱，玩完梗係要隊

支雪條。估唔到，失傳左好耐既孖條居然係呢個單車公園有得賣。呢個餵食既Claire 一野就塞左孖條入口⋯⋯究竟佢食唔食到架？

6 June 17 妹妹畢業在即，有同學仔大送畢業公仔，方便佢地一齊拎住黎影畢業照。平時好男仔頭既Claire，一拎到呢個畢業公仔後，拎埋架BB車，放係凳上，一齊食LUNCH⋯⋯其實，Claire 本身就好女仔，不過比哥哥感染，成日被迫玩埋D男仔野。

Claire: 係咩？我好女仔咩？咁我靚唔靚吖？

 下午，接左哥哥放學，即刻拎埋功課飛去幼稚園附近做⋯⋯因為妹妹要返幼稚園加操呀。呢個時刻，係 Isaac 最期待既，因為佢一做完功課，就可以自己出去買支雪糕嘆。

Isaac: 我做完功課啦⋯⋯做咁快，就係為左呢支大雪糕。好味呀！

之後，仲有時間去公園玩陣，Isaac 牛高馬大，一向怕爬馬蹓架。估唔到，呢日佢終於衝破心理關口，可以完成呢段短短的馬騮架攀爬（按此）。