暑假閒日無聊攝

22 July 17 放暑假，媽媽有時會帶兩兄妹出去食下佢地鐘意既早餐。好似呢日咁，雖然天氣好熱，但無損Claire 好想食粥做早餐既意欲。估唔到，鐘意食粥⋯⋯居然成碗KO哂。勁呀！

食完早餐唔駛學暑期班，為左消磨成日流流長，媽媽就同呢位小妹妹玩下數字棋。

真係估佢唔到，年紀少少，已經曉得一個人玩哂成鋪，有時仲可以贏到哥哥TIM。好厲害呀！

玩完棋無乜野做，媽媽就帶佢地出巿中心圖書館嘆下冷氣，睇下書。路經商場既擺件，有個女孩子又女孩氣發作，主動要求同公仔合照。

Claire 好貼心，知道哥哥未影過呢個佈景，特登拉哥哥黎呢度影合照。年紀少少的Claire，越來越喜歡哥哥呀！希望佢地大個繼續相親相愛吧。