懶少爺. 蘋果水

陳二少今天會通頂, 幫友人紮花. 做做做, 做到無停手無停手, 無得抖無得抖. 今天起床便要捱到明晚, 才有得休息.

繼前天煲過雪梨水後, 怕陳二少今晚再喝雪梨水的話, 會生悶. 所以, 要再想想新意(有時, 面對丈夫, 都要像湊小朋友一樣, 諗諗計仔), 讓陳二少捱夜時, 都會喝水兼得到滋潤, 所以, 昨晚吃過團年飯後, 便漏夜飛的回家, 開始弄蘋果水.

因為昨天上班前, 已浸定蘋果, 把農葯浸出.

所以, 昨晚煲時, 安心的連皮一起煲.

今天, 如是者, 刻意早起, 再弄一下這個濃濃的蘋果水, 預備兩樽給陳二少今晚通頂用.

可惡的陳二少, 居然趁婆仔忙於倒蘋果水和善後蘋果渣/煲時, 請婆仔幫忙拿他替換的便服波鞋回公司. 婆仔又愚蠢, 沒頭沒腦的應允(因為腦裡忙著要預備兩支水給陳二少, 又要趕上班).

直到婆仔拿著三大袋東西上路時, 才發覺通向西鐡站那條路忽然變長了...走得很辛苦啊...

忽然醒悟, 為什麼陳二少自己不拿便服到老尖, 然後再放在婆仔公司中(婆仔和陳二少的公司, 真的是一街之隔, 也是陳二少每天上班下班必經的路)

.....當然知道, 陳二少一個懶字~~~懶得拿上婆仔公司. 所以索性要婆仔拿.

所以, 婆仔晨早便比人揾笨

~~~死重爛重的波鞋外套便服, 加兩樽蘋果水(這個是自己要求拿的, 怕陳二少忘記留在家中, 枉費自己一番心意)...回到公司, 左手都發酸軟了..湊巧今晚自己又要上學, 揹著個大袋裝書和notes...十足人家趕上深圳的橂樣.