樂香園雞批

天時暑熱, 著住套SUIT去完見某人的HR.

又未到上學時間, 熱死辣辣, 真是想死.

在IFC逛了一周, 都找不到可以上網的CAFE有吉位讓婆仔KILL下時間.

唯有行去本來都好遠的威靈頓街, 吃吃雞批.

鐡皮屋的番茄通和趣趣豬扒包, 在如斯煎人的日頭下, 還是被迫放棄.

焗在中環地鐡站往威靈頓街的地底, 已經熱到濕哂, 有股中暑暈倒的感覺.

終於行到樂香園, 幫襯了兩次, 都未試過它的雞批, 仍不死心.

所以, 今趟, 就捱著濕背的酷熱和中環的侷促, 都堅持由IFC慢爬至威靈頓街.

噓, 終於到了.

雞批果然不負所望....可惜只有那餅皮最討婆仔歡心.

一向吃批不吃皮的婆仔, 今次都額外地吞下整個餅...一碎不留.

還有, 在熱到想暈的大熱天, 喝下冰奶茶...習慣飲剩一半冷飲的婆仔, 今趟, 居然不消兩分鐘, 已吞下整杯冰奶茶.

只能解釋, 天氣太熱關係.

和它的奶茶份量, 應該都算細杯.