生日飯 @見城 & 銀杏

今年生日, 係Isaac第一年陪媽媽, 不過, 今年生日沒有帶Isaac一齊渡過, 因為Isaac仲細, 無人帶佢出巿區揾返工一族的媽媽.

爸爸今年決定豪一餐, 帶媽媽食見城. 老闆形容為全香港最好味的日本餐廳. 其實媽媽寧願食lunch lu, 因為見城晚飯價錢 = 好多餐lunch. 不過爸爸為報答媽咪過去一年既辛苦, 堅持去見城.

先來一個好好味的冬菇前菜. 埋單至知, 原來呢舊野都要廿蚊 >_<

跟住, 豪氣叫左碟刺身, 加散叫一隻大大隻帶子刺身.

好新鮮既帶子, 好有口感.

不過我最鐘意係帶子後面個片厚厚既拖羅, 嘩......我知乜叫入口即溶無渣同埋似牛油既拖羅囉. 多謝爸爸. 好好味呀

仲有忽然愛上甜蝦, 因為見城既甜蝦, 唔知點解, 好似又係入口即溶咁, 係個種啜到似蝦膠既感覺.  可能呢d 至叫肥美.

仲有一隻即開赤貝刺身. 好似好多片咁. 呵呵.

試完刺身, 我地聽店員介紹, 試下汁燒帶子. 一端上枱, 香噴噴. 帶子又厚肉. 好正呀.

全場最驚訝的主菜來了....就係呢條似燒紅衫魚但身價係貴紅衫魚幾十倍既..如果無串錯, 應該叫kiki魚........埋單至知原來要六百蚊

點睇條魚值六百蚊呢......事後老公好後悔叫左呢條魚, 因為一點魚味都無, 仲要多謝六百蚊, 六百蚊可以叫多十件sushi了.

接著, 老公又叫左個牛肉稻庭烏冬

味道又係有少少失望.

anyway, 老公話, 下次去見城, 只會點刺身同埋壽司.

呢餐好貴. 要再一次多謝老公, 食到我肉都赤埋 >_< 多謝2,3xx元......嘩, 真係可以食到十餐見城lunch有找.   不過老公話兩年後再黎....到時Isaac應該可以一齊食lu. 不過銀包又貴d.

除左老公, 還要多謝妹子. 請我食燭光晚餐. 有兩年無去既銀杏館, 不過呢次唔去soho個間, 反正銀杏館開多左一間係廟街. 一於就腳一點去廟街算.

兩年無黎, 質素同中環個間一樣咁好.

一端上枱就好香既龍蝦湯. 正. 不過好明顯, 我估係龍蝦湯胆溝稀左lu.

呢個香草包, 兩年來我都係咁鐘意食. 熱辣辣.

前菜沙律

點了個黑松露意大利飯, 可能黑松露貴啦, 所以點飯compare隔離枱叫既飯, 明顯係細碼版. 不過黑松露卻係好多. 足料呀

pizza依然係我至愛. 又薄又脆, 好似食餅乾咁. 仲要芝士係好有口感.

本來想叫埋apple crumble, 不過妹子話寧願食糖水, 咁就算啦.

呢兩餐食得好滿足, 謝謝兩位.