Isaac第一個農曆年

14 Feb 10 呢年既大年初一撞正情人節. 媽媽今年多左個新情人, 名叫 Isaac

好明顯經過舟車勞動, Isaac 一副倦樣, 好想瞓.

15 Feb 10 年初二無節目, 留係屋企自己玩一日. 不過爸爸媽媽走左去拍拖幾個鐘, 去睇戲戲. 好在新工人識湊bb, 工人話 Isaac瞓醒好聽話喎. 係咪呀 Isaac?

16 Feb 10 年初三又係無節目. 唯一一個節目係出去飲茶, 又係兩個鐘又打道回府了.

Isaac: 媽咪, 你唔覺我地新年好悶咩?

 媽咪: 覺呀, 不過媽咪細細個開始, 新年都係無野做架, 得一日要出去拜年. 你慢慢會慣囉.

Isaac: 咁算啦, 我都係玩水水算. 不過你唔好影我相啦.

Isaac: 媽咪, 你再影我要搶你相機啦.

Isaac: 你再影我反面架喇.

17 Feb 10 初四, 媽媽開工啟巿了. 爸爸仲放假, 呢張相, 又係 Isaac食完好美味既蕉蕉影既. 果然係餵食仔一名.

 Isaac: 哈哈, 好好味呀....

Isaac: 爸爸, 我呢個look型唔型呀? 影張相比媽咪放工返黎睇下啦.

跟住, 爸爸仲錄低左 Isaac 食面包個餵食樣. 點解 Isaac咁鐘意食既呢.

夜晚, Isaac又黎橫掃千軍, 把玩具枱上既圈圈掉哂落地. 跟住仲要好鬼開心. 真係無佢修, 教極都係要掉野.